અમદાવાદ ગ્રામ્યની એસઓજી (SOG) ટીમે ગેરકાયદેસર હથિયાર સાથે એક ઈસમને ઝડપી પાડવાની કાર્યવાહી હાથ ધરી છે. એસઓજી દ્વારા કરવામાં આવેલી આ કામગીરી દરમિયાન આરોપી પાસેથી ગેરકાયદેસર શસ્ત્ર મળી આવતા તેની ધરપકડ કરવામાં આવી છે.

અમદાવાદ જિલ્લાના ધોળકામાં રાજા રણછોડના ભવ્ય મામેરા મહોત્સવનું આયોજન કરવામાં આવ્યું હતું. આ ધાર્મિક કાર્યક્રમ દરમિયાન સમગ્ર વાતાવરણ ભક્તિમય બની ગયું હતું અને ભક્તિનો અનોખો સાગર સર્જાયો હતો. આ મહોત્સવમાં ભાગ લેવા માટે બે હજારથી પણ વધુ શ્રદ્ધાળુઓ અને ભાવિકો ઉમટી પડ્યા હતા, જેના કારણે આખો વિસ્તાર ભક્તિના રંગમાં રંગાયેલો જોવા મળ્યો હતો.

અમદાવાદના સાણંદ તાલુકાના ચાંગોદરમાં દરરોજ સવારે ભારે ટ્રાફિકની સમસ્યા સર્જાય છે. સ્થાનિકોની ફરિયાદ છે કે આ ટ્રાફિકને નિયંત્રિત કરવા માટે કોઈ પણ પોલીસ કર્મચારી ત્યાં ફરજ પર હાજર હોતા નથી, જેના કારણે વાહનચાલકો મુશ્કેલીનો સામનો કરી રહ્યા છે.

અમદાવાદ જિલ્લામાં સામાન્ય નાગરિકોના વાહનોના કાગળો અને ઇન્શ્યોરન્સની કડક તપાસ કરવામાં આવે છે, પરંતુ પોલીસ અધિકારીઓ અને સરકારી વિભાગોના વાહનોના ઇન્શ્યોરન્સ કેમ ચેક કરવામાં આવતા નથી તેવો સવાલ ઉઠાવવામાં આવી રહ્યો છે. કાયદો સૌ માટે સમાન હોવો જોઈએ તેવી લોકો દ્વારા સ્પષ્ટ માંગ કરવામાં આવી રહી છે અને સરકારી તેમજ પોલીસના વાહનો માટે પણ માન્ય ઇન્શ્યોરન્સ ફરજિયાત બને તેવી રજૂઆત કરવામાં આવી છે. લોકો સવાલ પૂછી રહ્યા છે કે કાયદાના અમલીકરણમાં આ પ્રકારનો ભેદભાવ કેમ રાખવામાં આવી રહ્યો છે. સરકારી વાહનો પણ તમામ કાયદાકીય નિયમોનું પાલન કરે તે અત્યંત જરૂરી છે, કારણ કે કાયદાની સમાન અમલવારીથી જ લોકોમાં વહીવટી તંત્ર પ્રત્યે વિશ્વાસ વધશે અને સિસ્ટમમાં પારદર્શિતા જળવાઈ રહેશે.

ચોવીસ કલાક આપણી સુરક્ષામાં તૈનાત રહેતી પોલીસના સ્વાસ્થ્ય માટે આણંદ જિલ્લાના તારાપુરમાં એક શાનદાર ફ્રી મેડિકલ કેમ્પનું આયોજન કરવામાં આવ્યું હતું. તારાપુર પોલીસ સ્ટેશનના અધિકારીઓ, કર્મચારીઓ અને તેમના પરિવારો માટે મોરજ રોડ પર આવેલી શ્રીમતી ઈશ્વરીબેન હોસ્પિટલ ખાતે આ કેમ્પ યોજાયો હતો. દિવસ-રાત દોડધામ ભરેલી ફરજ વચ્ચે પોલીસ કર્મચારીઓની હેલ્થની કાળજી લેવા માટે અહીં ECG, બ્લડ સુગર અને બ્લડ પ્રેશર જેવા જરૂરી તમામ સ્વાસ્થ્ય પરીક્ષણો તદ્દન મફત કરવામાં આવ્યા હતા. આ સાથે જ, તબીબો દ્વારા જરૂરી માર્ગદર્શન અને ઉચ્ચ તબીબી તપાસ અંગે યોગ્ય સલાહ પણ આપવામાં આવી હતી. પોતાના અત્યંત વ્યસ્ત શિડ્યુલ વચ્ચે પણ આખો પોલીસ સ્ટાફ ખૂબ જ ઉત્સાહભેર આ મેડિકલ કેમ્પમાં જોડાયો હતો. આપણી રાત-દિવસ સુરક્ષા કરતા આ રક્ષકોના સ્વાસ્થ્યની સંભાળ રાખતી આ સરાહનીય કામગીરી ખરેખર પ્રશંસનીય છે.

gaon Rani sar

અમદાવાદમાં આલ મિડિયા કાઉન્સિલના રાષ્ટ્રીય અધ્યક્ષ અને રાષ્ટ્રીય લોક મોરચા ગુજરાત પ્રદેશના અધ્યક્ષ જ્ઞાનેન્દ્ર વિશ્વકર્માના જન્મદિવસ નિમિત્તે એક વિશેષ કાર્યક્રમનું આયોજન કરવામાં આવ્યું હતું. આ પ્રસંગે લોકસભા સાંસદ માનનીય શ્રી જનાર્દન સિંહ સીગ્રીવાલ જી, રાષ્ટ્રીય લોક મોરચાના રાષ્ટ્રીય ઉપાધ્યક્ષ માનનીય શ્રી પૃથ્વીરાજ યાદવ જી, અને રાષ્ટ્રીય લોક મોરચાના દિલ્હી પ્રદેશના હરિપ્રકાશ જી ખાસ ઉપસ્થિત રહ્યા હતા. આ ઉપરાંત બાપુનગર વિધાનસભાના ધારાસભ્ય શ્રી દિનેશ સિંહ કુશવાહ જી અને ગુજરાતના પૂર્વ ડીવાયએસપી શ્રી તરુણ બારોટ જી પણ આ ઉજવણીમાં સહભાગી થયા હતા. આ કાર્યક્રમમાં વરિષ્ઠ સમાજસેવી સીએમ રાજપૂત જી, સમાજસેવી રામપ્રતાપ સિંહ ઉર્ફે જુંગી ચૌહાણ જી, સમાજસેવી જિતેન્દ્ર સિંહ જી, પ્રકાશ રાજપૂત જી, સુરેશ રાયપુરે જી, ડીજી ગોસ્વામી જી, અભય સિંહ રાજપૂત જી, દિલીપ શર્મા જી અને ઘનશ્યામ શર્મા જી હાજર રહ્યા હતા. તેમની સાથે જ ઓલ ઈન્ડિયા પંચાયત પરિષદના રાષ્ટ્રીય સચિવ શ્રી જમાદાર રાય ઉર્ફે રાહુલ ભૈયા જી, પત્રકાર રાહુલ કુવેરા જી, ગફ્ફાર ખાન પઠાન, ઇદ્રીશ પટેલ, ઇલિયાસ શેખ અને નૂર આલમ અંસારી સહિત અનેક રાજકીય, વહીવટી અને સામાજિક ક્ષેત્રની જાણીતી હસ્તીઓએ પણ આ પ્રસંગે પોતાની હાજરી નોંધાવી હતી.

અમદાવાદ ગ્રામ્યની એસઓજી (SOG) ટીમે ગેરકાયદેસર હથિયાર સાથે એક ઈસમને ઝડપી પાડવાની કાર્યવાહી હાથ ધરી છે. એસઓજી દ્વારા કરવામાં આવેલી આ કામગીરી દરમિયાન આરોપી પાસેથી ગેરકાયદેસર શસ્ત્ર મળી આવતા તેની ધરપકડ કરવામાં આવી છે.

સાણંદ-વિરમગામ હાઈવે પર બે અલગ-અલગ અકસ્માતની ઘટનાઓ સામે આવી છે. ખોડા ગામ નજીક એક ટ્રકે બાઇકને અડફેટે લેતા બાઇક ચાલક ઇજાગ્રસ્ત થયો હતો. અકસ્માત સર્જાયા બાદ ઇજાગ્રસ્ત બાઇક ચાલકને ૧૦૮ એમ્બ્યુલન્સ દ્વારા નજીકની હોસ્પિટલ ખાતે સારવાર માટે ખસેડવામાં આવ્યો હતો. બીજી અકસ્માતની ઘટના ઇયાવા નજીક બની હતી, જ્યાં એક ટ્રક ચાલકે ફોરવીલ ગાડીને ટક્કર મારી દીધી હતી. સદનસીબે આ અકસ્માતમાં કોઈ જાનહાનિ થઈ નથી. જો કે, અકસ્માતોના કારણે આ બંને જગ્યાએ ટ્રાફિકજામના દ્રશ્યો જોવા મળ્યા હતા.