आषाढी एकादशी महासोहळा २०२६ च्या पार्श्वभूमीवर पंढरपूर तीर्थक्षेत्री येणाऱ्या भाविक आणि वारकऱ्यांची वाहतूक व्यवस्था सुरक्षित, सुलभ आणि सुविहित ठेवण्यासाठी प्रशासन सज्ज झाले आहे. वारीच्या काळात भाविकांची आर्थिक लूट थांबवण्यासाठी तसेच वाहतूक कोंडी टाळण्यासाठी प्रादेशिक परिवहन कार्यालय, सोलापूर यांनी कठोर उपाययोजना हाती घेतल्या आहेत. याचाच एक भाग म्हणून, पंढरपूर शहर आणि परिसरात धावणाऱ्या ऑटो रिक्षांवर संयुक्त धडक मोहीम राबविण्यात येत असून, नियमांचे उल्लंघन करणाऱ्यांवर तात्काळ आणि कठोर कायदेशीर कारवाई केली जाईल. या मोहिमेअंतर्गत, वैध चालक परवाना आणि परमिट नसताना प्रवासी वाहतूक करणाऱ्या रिक्षा चालकांवर मोटार वाहन कायद्यानुसार कारवाई करून त्यांची वाहने जप्त केली जातील. तसेच, वारीदरम्यान प्रशासनाने निश्चित केलेल्या दरांपेक्षा जास्त भाडे आकारणाऱ्या किंवा मनमानी पद्धतीने पैसे वसूल करणाऱ्या रिक्षा चालकांचे परवाने तात्काळ निलंबित करण्यात येणार आहेत. क्षमतेपेक्षा अधिक प्रवासी वाहतूक (ओव्हर-सीटिंग) करून नागरिकांच्या सुरक्षेशी खेळ करणाऱ्या वाहनचालकांवर दंडात्मक कारवाई केली जाईल. प्रशासनाने सर्व रिक्षा चालकांना वाहनाचे फिटनेस प्रमाणपत्र, विमा आणि चालक परवाना सोबत बाळगणे बंधनकारक केले असून, निश्चित केलेले भाडेपत्रक प्रवाशांना स्पष्ट दिसेल अशा ठिकाणी लावणे आवश्यक आहे. प्रवासी आणि वारकऱ्यांनी कोणत्याही रिक्षा चालकाकडून जादा भाड्याची मागणी झाल्यास किंवा गैरवर्तन झाल्यास तात्काळ परिवहन विभागाच्या मदत कक्षाशी (0217-2303099) संपर्क साधण्याचे आवाहन करण्यात आले आहे. भाविकांचा प्रवास सुरक्षित व सुखकर व्हावा यासाठी सर्व रिक्षा चालकांनी प्रशासनास सहकार्य करावे, अन्यथा कोणतीही गय न करता परवाना रद्द करण्यासह कठोर कायदेशीर कारवाई करण्यात येईल, असा इशारा प्रशासनाने दिला आहे. ही माहिती प्रादेशिक परिवहन अधिकारी गजानन नेरपगार यांनी प्रसिद्धी पत्रकाद्वारे दिली.

Solapur News

सोलापूर उत्तर, सोलापूर, महाराष्ट्र•

8 hrs ago

आषाढी एकादशी महासोहळा २०२६ च्या पार्श्वभूमीवर पंढरपूर तीर्थक्षेत्री येणाऱ्या भाविक आणि वारकऱ्यांची वाहतूक व्यवस्था सुरक्षित, सुलभ आणि सुविहित ठेवण्यासाठी प्रशासन सज्ज झाले आहे. वारीच्या काळात भाविकांची आर्थिक लूट थांबवण्यासाठी तसेच वाहतूक कोंडी टाळण्यासाठी प्रादेशिक परिवहन कार्यालय, सोलापूर यांनी कठोर उपाययोजना हाती घेतल्या आहेत. याचाच एक भाग म्हणून, पंढरपूर शहर आणि परिसरात धावणाऱ्या ऑटो रिक्षांवर संयुक्त धडक मोहीम राबविण्यात येत असून, नियमांचे उल्लंघन करणाऱ्यांवर तात्काळ आणि कठोर कायदेशीर कारवाई केली जाईल. या मोहिमेअंतर्गत, वैध चालक परवाना आणि परमिट नसताना प्रवासी वाहतूक करणाऱ्या रिक्षा चालकांवर मोटार वाहन कायद्यानुसार कारवाई करून त्यांची वाहने जप्त केली जातील. तसेच, वारीदरम्यान प्रशासनाने निश्चित केलेल्या दरांपेक्षा जास्त भाडे आकारणाऱ्या किंवा मनमानी पद्धतीने पैसे वसूल करणाऱ्या रिक्षा चालकांचे परवाने तात्काळ निलंबित करण्यात येणार आहेत. क्षमतेपेक्षा अधिक प्रवासी वाहतूक (ओव्हर-सीटिंग) करून नागरिकांच्या सुरक्षेशी खेळ करणाऱ्या वाहनचालकांवर दंडात्मक कारवाई केली जाईल. प्रशासनाने सर्व रिक्षा चालकांना वाहनाचे फिटनेस प्रमाणपत्र, विमा आणि चालक परवाना सोबत बाळगणे बंधनकारक केले असून, निश्चित केलेले भाडेपत्रक प्रवाशांना स्पष्ट दिसेल अशा ठिकाणी लावणे आवश्यक आहे. प्रवासी आणि वारकऱ्यांनी कोणत्याही रिक्षा चालकाकडून जादा भाड्याची मागणी झाल्यास किंवा गैरवर्तन झाल्यास तात्काळ परिवहन विभागाच्या मदत कक्षाशी (0217-2303099) संपर्क साधण्याचे आवाहन करण्यात आले आहे. भाविकांचा प्रवास सुरक्षित व सुखकर व्हावा यासाठी सर्व रिक्षा चालकांनी प्रशासनास सहकार्य करावे, अन्यथा कोणतीही गय न करता परवाना रद्द करण्यासह कठोर कायदेशीर कारवाई करण्यात येईल, असा इशारा प्रशासनाने दिला आहे. ही माहिती प्रादेशिक परिवहन अधिकारी गजानन नेरपगार यांनी प्रसिद्धी पत्रकाद्वारे दिली.