*గ్రాడ్యుయేషన్ డే రేపటి పిల్లల ఉజ్వల భవిష్యత్తుకు ఇదొక తొలి అడుగు: జిల్లా కలెక్టర్ రాజర్షి షా* పత్రికా ప్రకటన ఏప్రిల్ 21, 2026_ఆదిలాబాదు: 8వ పోషణ్ పక్వాడా ఉత్సవాల్లో భాగంగా మంగళవారం స్థానిక న్యూ అంబేద్కర్ భవన్‌లో నిర్వహించిన గ్రాడ్యుయేషన్ డే కార్యక్రమానికి జిల్లా కలెక్టర్ రాజర్షి షా ముఖ్య అతిథిగా హాజరయ్యారు. ఈ సందర్భంగా ఆయన జ్యోతి ప్రజ్వలన చేసి కార్యక్రమాన్ని అధికారికంగా ప్రారంభించారు. అనంతరం అంగన్‌వాడీల ఆధ్వర్యంలో ఏర్పాటు చేసిన వివిధ రకాల పోషకాహార స్టాల్‌లను కలెక్టర్ నిశితంగా పరిశీలించారు. చిన్నారుల ఆరోగ్యం, ఎదుగుదల కోసం సిబ్బంది తీసుకుంటున్న జాగ్రత్తలను అడిగి తెలుసుకున్న ఆయన, పోషణ్ పక్వాడా ఉద్దేశాలను వివరిస్తున్న తీరును అభినందించారు. కార్యక్రమంలో భాగంగా అంగన్‌వాడీ చిన్నారులు చేసిన సాంస్కృతిక ప్రదర్శనలు ఆహూతులను విశేషంగా ఆకట్టుకున్నాయి. ఈ సందర్భంగా జిల్లా కలెక్టర్ మాట్లాడుతూ, చిన్న పిల్లల శారీరక, మానసిక ఎదుగుదలకు పోషకాహారం ఎంతో కీలకమని, పోషణ్ పక్వాడా వంటి కార్యక్రమాలు సమాజంలో అవగాహన పెంచడానికి దోహదపడతాయన్నారు. ముఖ్యంగా గర్భిణులు, బాలింతలు, చిన్నారులు రక్తహీనత బారిన పడకుండా జాగ్రత్త వహించాలని సూచించారు. అంగన్‌వాడీ కేంద్రాల ద్వారా అందుతున్న పౌష్టికాహారాన్ని ప్రతి ఒక్కరూ సద్వినియోగం చేసుకోవాలని కోరారు. అంగన్‌వాడీ కార్యకర్తలు క్షేత్రస్థాయిలో అందిస్తున్న సేవలను అభినందించారు. చిన్నారులకు పునాది దశలోనే మంచి అలవాట్లు, సరైన ఆహారం అందించడం ద్వారానే ఆరోగ్యవంతమైన సమాజాన్ని నిర్మించగలమని పేర్కొన్నారు. నేటి గ్రాడ్యుయేషన్ డే కేవలం ఒక వేడుక మాత్రమే కాదని, పిల్లల ఉజ్వల భవిష్యత్తుకు ఇదొక తొలి అడుగు అని కలెక్టర్ వ్యాఖ్యానించారు. ఈ కార్యక్రమంలో జిల్లా సంక్షేమ అధికారి మిల్కా, సెక్టోరల్ అధికారి ప్రత్యూష, వివిధ ప్రాజెక్టుల సిడిపిఓలు, అంగన్‌వాడీ కార్యకర్తలు, జిల్లా యంత్రాంగం అధికారులు, సిబ్బంది, చిన్నారుల తల్లిదండ్రులు పాల్గొన్నారు.

M.RAJKIRAN REDDY

Adilabad Rural, Telangana•

1 hr ago

*గ్రాడ్యుయేషన్ డే రేపటి పిల్లల ఉజ్వల భవిష్యత్తుకు ఇదొక తొలి అడుగు: జిల్లా కలెక్టర్ రాజర్షి షా* పత్రికా ప్రకటన ఏప్రిల్ 21, 2026_ఆదిలాబాదు: 8వ పోషణ్ పక్వాడా ఉత్సవాల్లో భాగంగా మంగళవారం స్థానిక న్యూ అంబేద్కర్ భవన్‌లో నిర్వహించిన గ్రాడ్యుయేషన్ డే కార్యక్రమానికి జిల్లా కలెక్టర్ రాజర్షి షా ముఖ్య అతిథిగా హాజరయ్యారు. ఈ సందర్భంగా ఆయన జ్యోతి ప్రజ్వలన చేసి కార్యక్రమాన్ని అధికారికంగా ప్రారంభించారు.

అనంతరం అంగన్‌వాడీల ఆధ్వర్యంలో ఏర్పాటు చేసిన వివిధ రకాల పోషకాహార స్టాల్‌లను కలెక్టర్ నిశితంగా పరిశీలించారు. చిన్నారుల ఆరోగ్యం, ఎదుగుదల కోసం సిబ్బంది తీసుకుంటున్న జాగ్రత్తలను అడిగి తెలుసుకున్న ఆయన, పోషణ్ పక్వాడా ఉద్దేశాలను వివరిస్తున్న తీరును అభినందించారు. కార్యక్రమంలో భాగంగా అంగన్‌వాడీ చిన్నారులు చేసిన సాంస్కృతిక ప్రదర్శనలు ఆహూతులను విశేషంగా ఆకట్టుకున్నాయి. ఈ సందర్భంగా జిల్లా కలెక్టర్ మాట్లాడుతూ, చిన్న పిల్లల

శారీరక, మానసిక ఎదుగుదలకు పోషకాహారం ఎంతో కీలకమని, పోషణ్ పక్వాడా వంటి కార్యక్రమాలు సమాజంలో అవగాహన పెంచడానికి దోహదపడతాయన్నారు. ముఖ్యంగా గర్భిణులు, బాలింతలు, చిన్నారులు రక్తహీనత బారిన పడకుండా జాగ్రత్త వహించాలని సూచించారు. అంగన్‌వాడీ కేంద్రాల ద్వారా అందుతున్న పౌష్టికాహారాన్ని ప్రతి ఒక్కరూ సద్వినియోగం చేసుకోవాలని కోరారు. అంగన్‌వాడీ కార్యకర్తలు క్షేత్రస్థాయిలో అందిస్తున్న సేవలను అభినందించారు. చిన్నారులకు పునాది దశలోనే మంచి అలవాట్లు,

సరైన ఆహారం అందించడం ద్వారానే ఆరోగ్యవంతమైన సమాజాన్ని నిర్మించగలమని పేర్కొన్నారు. నేటి గ్రాడ్యుయేషన్ డే కేవలం ఒక వేడుక మాత్రమే కాదని, పిల్లల ఉజ్వల భవిష్యత్తుకు ఇదొక తొలి అడుగు అని కలెక్టర్ వ్యాఖ్యానించారు. ఈ కార్యక్రమంలో జిల్లా సంక్షేమ అధికారి మిల్కా, సెక్టోరల్ అధికారి ప్రత్యూష, వివిధ ప్రాజెక్టుల సిడిపిఓలు, అంగన్‌వాడీ కార్యకర్తలు, జిల్లా యంత్రాంగం అధికారులు, సిబ్బంది, చిన్నారుల తల్లిదండ్రులు పాల్గొన్నారు.