Shuru
Apke Nagar Ki App…
যোৱা ৬ জুলাইত লখিমপুৰ জিলাৰ চাউলধোৱা আৰক্ষী চকীৰ অন্তৰ্গত থেকেৰাগুৰি অঞ্চলত সংঘটিত এক চুৰি ঘটনাৰ তদন্তৰ সময়ত আৰক্ষীয়ে ইতিমধ্যে চাৰিজন চোৰক ৮ জুলাইত জেল হাজোতলৈ প্ৰেৰণ কৰিছিল। এই ঘটনাৰ তদন্ত অব্যাহত থকাৰ মাজতে আজি চুৰি চক্ৰটোৰ সৈতে জড়িত আন এজন লোকক জেল হাজোতলৈ প্ৰেৰণ কৰা হয়। গোগামুখ থানাৰ অন্তৰ্গত শান্তি নগৰৰ ৰতন পৰ্জাৰ পুত্ৰ হৰি ওৰফে সাগৰ পৰ্জাই কালি গোগামুখ থানাত আত্মসমৰ্পণ কৰে। গোগামুখ আৰক্ষীয়ে চোৰটোক চাউলধোৱা আৰক্ষীক গতাই দিয়াৰ পিছত আজি লখিমপুৰ জিলা আদালতৰ জৰিয়তে তেওঁক জেল হাজোতলৈ প্ৰেৰণ কৰা হয়।
Dip Pratim borah
যোৱা ৬ জুলাইত লখিমপুৰ জিলাৰ চাউলধোৱা আৰক্ষী চকীৰ অন্তৰ্গত থেকেৰাগুৰি অঞ্চলত সংঘটিত এক চুৰি ঘটনাৰ তদন্তৰ সময়ত আৰক্ষীয়ে ইতিমধ্যে চাৰিজন চোৰক ৮ জুলাইত জেল হাজোতলৈ প্ৰেৰণ কৰিছিল। এই ঘটনাৰ তদন্ত অব্যাহত থকাৰ মাজতে আজি চুৰি চক্ৰটোৰ সৈতে জড়িত আন এজন লোকক জেল হাজোতলৈ প্ৰেৰণ কৰা হয়। গোগামুখ থানাৰ অন্তৰ্গত শান্তি নগৰৰ ৰতন পৰ্জাৰ পুত্ৰ হৰি ওৰফে সাগৰ পৰ্জাই কালি গোগামুখ থানাত আত্মসমৰ্পণ কৰে। গোগামুখ আৰক্ষীয়ে চোৰটোক চাউলধোৱা আৰক্ষীক গতাই দিয়াৰ পিছত আজি লখিমপুৰ জিলা আদালতৰ জৰিয়তে তেওঁক জেল হাজোতলৈ প্ৰেৰণ কৰা হয়।
More news from অসম and nearby areas
- লখিমপুৰৰ বগীনদী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ দেৱান শইকীয়াৰ নশ্বৰ দেহ পঞ্চভূতত বিলীন হৈছে। বিদ্যালয়খনৰ প্ৰাক্তন অধ্যক্ষগৰাকীৰ মৃত্যুত সমগ্ৰ বগীনদীবাসী গভীৰ শোকত বিহ্বল হৈ পৰিছে।1Dip Pratim borah
- বিহপুৰীয়া ক্ৰিকেট একাডেমীৰ প্ৰচেষ্টাত কাৱমাৰী গ্ৰাম্যক্ৰীড়া সন্হাৰ খেলপথাৰত চলি থকা এটি ক্ৰিকেট প্ৰশিক্ষণ শিৱিৰৰ আজি সামৰণি পৰে। বিগত ১০ টা দিনত এই শিৱিৰত ৮০ গৰাকীৰো অধিক প্ৰশিক্ষাৰ্থীক ৰঞ্জী খেলুৱৈ অৰ্লেণ্ড কোৱৰে সুন্দৰ প্ৰশিক্ষণ প্ৰদান কৰে। সময়ৰ তাগিদাত কোৱৰ ডাঙৰীয়াই দীঘলীয়া প্ৰশিক্ষণ সামৰি বিদায় লবলগীয়া হোৱাত একাডেমীয়ে আজি এই শিৱিৰৰ সামৰণি মাৰে আৰু প্ৰশিক্ষক অৰ্লেণ্ড কোৱৰক বিপুল সম্বৰ্দ্ধনা জ্ঞাপন কৰা হয়। আনহাতে, ইচ্ছুক প্ৰশিক্ষাৰ্থীসকলক লখিমপুৰ জিলাৰ ক্ৰিকেট প্ৰশিক্ষক হিৰণ্য হাজৰিকা, অভিজিত গোস্বামী, আদিত্য বৰা আৰু ৰনদ্বীপ বৰাই প্ৰশিক্ষণ অব্যাহত ৰাখিব বুলি জানিবলৈ দিছে। ইয়াৰ লগতে, আজি দলদোপ কমপ্লেক্সত দুখনকৈ লেডাৰ বল পিটচ ফিটা কাটি শুভ উদ্বোধন কৰে প্ৰশিক্ষক অৰ্লেণ্ড কোৱৰ আৰু একাডেমীৰ উপদেষ্টা ডঃ ৰাজেন্দ্ৰ নাথ সভাপণ্ডিতে।4নৱজ্যোতি শৰ্মা
- লক্ষীমপুৰত সদৌ অসম বাঙালী যুৱ-ছাত্ৰ ফেডাৰেচনৰ দ্বি-বাৰ্ষিক অধিৱেশনৰ বাবে এখন অভ্যৰ্থনা সমিতি গঠন কৰা হৈছে। এই অষ্টদশ কেন্দ্ৰীয় অধিৱেশনখনৰ বাবে লক্ষীমপুৰত এই সমিতি গঠন কৰা হয়। এই উপলক্ষে হাৰমতীত বাঙালী যুৱ-ছাত্ৰ ফেডাৰেচনৰ এখন সাধাৰণ সভা অনুষ্ঠিত হৈছিল আৰু উক্ত সভাত সংগঠনটোৰ কেন্দ্ৰীয় বিষয়ববীয়াসকল উপস্থিত আছিল।1Palash Gogoi Press
- অসম চৰকাৰৰ ২০২৬-২০২৭ বৰ্ষৰ পূৰ্ণাংগ বাজেট দাখিলৰ প্ৰাকমুহূৰ্তত অখিল গগৈয়ে এই বাজেট সন্দৰ্ভত সংবাদ মাধ্যমৰ প্ৰশ্নৰ উত্তৰ প্ৰদান কৰিছে। চৰকাৰৰ এই বাজেটক লৈ তেওঁ নিজৰ মতামত ব্যক্ত কৰিছে।1Assam Update
- শিৱসাগৰ জিলাৰ ১৮ নং কাঠপাৰ প্ৰাথমিক বিদ্যালয়ত দ্বিতীয় বাৰ্ষিক প্ৰতিষ্ঠা দিৱসৰ লগত সংগতি ৰাখি এক নৃত্য প্ৰতিযোগিতাৰ আয়োজন কৰা হয়। বিদ্যালয়খনৰ পৰিচালনা সমিতিৰ উদ্যোগত আৰু কুঁহিপাত নৃত্য বিদ্যালয়ৰ সহযোগত এই অনুষ্ঠানটি অনুষ্ঠিত কৰা হৈছে। উক্ত অনুষ্ঠানত বিশিষ্ট সমাজকৰ্মী চিত্ৰলেখা গগৈয়ে বন্তি প্ৰজ্বলন কৰি কাৰ্যসূচীৰ শুভাৰম্ভ কৰে। ইয়াৰ পাছতে প্ৰতিযোগিতাখনত বহু সংখ্যক প্ৰতিযোগীয়ে অংশগ্ৰহণ কৰে। অংকুশ জ্যোতি দত্তৰ প্ৰতিবেদন অনুসৰি, বিদ্যালয়খনত এই প্ৰতিযোগিতাখন সুকলমে সম্পন্ন হৈছে।1অংকুশ জ্যোতি দত্ত
- নাট নিৰ্বাচনৰ মৌলিকতা আৰু পৰিৱেশনাৰ স্বকীয়তাৰে ভ্ৰাম্যমাণ নাট্য জগতত সুকীয়া পৰিচয় গঢ়ি তোলা ‘হেঙুল থিয়েটাৰ’ৰ ২০২৬-২৭ বৰ্ষৰ নাট্যাভ্যাস বুধবাৰে মৰিয়নিত আনুষ্ঠানিকভাৱে শুভাৰম্ভ কৰা হয়। ৩৯তম নাট্য বৰ্ষত ভৰি দিয়া এই নাট্যদলটোৱে এইবাৰ দৰ্শকৰ বাবে লৈ আহিছে এক বিশেষ আকৰ্ষণ। জনপ্ৰিয় ধাৰাবাহিক ‘বেহাৰবাৰী আউটপষ্ট’ৰ ‘কে কে’ চৰিত্ৰৰে খ্যাতি অৰ্জন কৰা অভিনেতা সিদ্ধাৰ্থ শৰ্মা এইবাৰ হেঙুলৰ মুকলি মঞ্চত পোনপটীয়াভাৱে অভিনয় কৰিবলৈ সাজু হৈছে। তেখেতৰ উপৰিও ভ্ৰাম্যমাণৰ বহুকেইগৰাকী তাৰকা অভিনেতা-অভিনেত্ৰীয়েও এই নাট্য বৰ্ষত দলটোৰ সৈতে অংশগ্ৰহণ কৰিছে। চলিত নাট্য বৰ্ষত হেঙুল থিয়েটাৰে তিনিগৰাকী আগশাৰীৰ নাট্যকাৰৰ তিনিখন বিশেষ নাটক দৰ্শকৰ বাবে আগবঢ়াব। ইয়াৰ ভিতৰত আছে অভিজিৎ ভট্টাচাৰ্যৰ জনপ্ৰিয় নাটক “ঝংকাৰ”, প্ৰণৱ বৰুৱাৰ ব্যংগধৰ্মী নাট “ডঃ ৪২০” আৰু ৰাজদ্বীপৰ সৃষ্টি “ঈশ্বৰ পুত্ৰ”। এই শক্তিশালী নাটককেইখনে সমগ্ৰ অসমৰ নাট্যপ্ৰেমী ৰাইজৰ হৃদয় পুনৰ জয় কৰিবলৈ সক্ষম হ’ব বুলি নাট্যগোষ্ঠীটোৰ কৰ্মকৰ্তাসকলে আশা প্ৰকাশ কৰিছে।4Farid Ali.
- চৰাইদেউ জিলাৰ লাকুৱা নাহৰহাবি চাহবাগিছাৰ টেংকি পুখুৰীত বাস কৰা ‘জিমি’ নামৰ কাছজনী এতিয়া অঞ্চলটোৰ শিশুসকলৰ মাজত চৰ্চাৰ কেন্দ্ৰবিন্দু হৈ পৰিছে। প্ৰায় এক কুইণ্টল ওজনৰ এই কাছজনীয়ে শিশুসকলৰ সৈতে এক নিবিড় সম্পৰ্ক গঢ়ি তুলিছে। শিশুসকলে মাতিলেই পুখুৰীৰ পাৰলৈ ঢপলিয়াই অহা জিমিৰ বাবে তেওঁলোকে বিস্কুট, বেঙেনা, বিলাহী আৰু মুড়িৰ দৰে খাদ্য লৈ আহে। কেৱল খাদ্য খুৱাই নহয়, শিশুসকলে মৰমৰ জিমিৰ গা ধোৱাই দিও বিভিন্ন ধৰণে মৰম যাচে। পুখুৰীটোত আন কাছ থাকিলেও জিমি কিন্তু শিশুসকলৰ সংগ ল’বলৈহে বেছি আগ্ৰহী। জিমিৰ এই বিশেষ আচৰণ আৰু শিশুসকলৰ সৈতে তাৰ বন্ধুত্বই এতিয়া বহু লোকক আকৰ্ষণ কৰিছে। এই বিৰল দৃশ্য চাবলৈ টেংকি পুখুৰীৰ পাৰত বহু লোকৰ ভিৰ পৰিলক্ষিত হৈছে। এই পৰিস্থিতিত স্থানীয় ৰাইজে চাহবাগিছা কৰ্তৃপক্ষ আৰু বিভাগীয় কৰ্তৃপক্ষক টেংকি পুখুৰীটো চাফ-চিকুণ কৰি ৰখাৰ লগতে ইয়াৰ উপযুক্ত ৰক্ষণাবেক্ষণৰ ব্যৱস্থা গ্ৰহণ কৰিবলৈ আহ্বান জনাইছে।1Charaideo news
- মুৰ্গীৰ কণীৰ পৰাও ৩ টকাকৈ গুণ্ডা টেক্স সংগ্ৰহ কৰা হৈছে বুলি গুৰুতৰ অভিযোগ উত্থাপন কৰিছে অখিল গগৈয়ে। ৰাজ্যখনত চলি থকা এনে কাৰ্যকলাপক লৈ তেওঁ কঠোৰ মন্তব্য প্ৰকাশ কৰিছে।1Assam Update
