రుణమాఫీ అడిగితే అక్రమ కేసులా? కాంగ్రెస్ ప్రభుత్వంపై వేముల ప్రశాంత్ రెడ్డి ధ్వజం రుణమాఫీ అమలు చేయాలని డిమాండ్ చేసినందుకు రైతులు, బి.ఆర్.ఎస్. నాయకులపై అక్రమ కేసులు బనాయించి కోర్టుల చుట్టూ తిప్పడం కాంగ్రెస్ ప్రభుత్వ నిరంకుశత్వానికి పరాకాష్ట అని మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి తీవ్రస్థాయిలో మండిపడ్డారు. శుక్రవారం ఆర్మూర్ కోర్టులో కేసు విచారణకు హాజరైన కమ్మర్‌పల్లి మండల బి.ఆర్.ఎస్. నాయకులు, రైతులకు ఆయన సంఘీభావం తెలిపారు. ​ఈ సందర్భంగా ఆయన మీడియాతో మాట్లాడుతూ... బాల్కొండ నియోజకవర్గంలో మొత్తం 52,000 మంది రైతులకు రుణమాఫీ కావాల్సి ఉండగా ప్రభుత్వం కేవలం 22,000 మందికి మాత్రమే వర్తింపజేసిందని విమర్శించారు. మిగిలిన 30,000 మంది రైతుల పరిస్థితి ఏంటని ఆయన నిలదీశారు. ​అర్హులైన రైతులందరికీ రుణమాఫీ చేయాలని అడిగినందుకు కమ్మర్‌పల్లి బి.ఆర్.ఎస్. నాయకులు, రైతులపై అక్రమ కేసులు పెట్టి గత రెండేళ్లుగా కోర్టుల చుట్టూ తిప్పడం అత్యంత బాధాకరమని ఆవేదన వ్యక్తం చేశారు. ​ఎన్నికల సమయంలో ఇచ్చిన హామీలను నెరవేర్చడం ప్రభుత్వ బాధ్యత అని వేముల గుర్తుచేశారు. రైతులకు ఇచ్చిన వాగ్దానాలను అమలు చేయాలని కోరిన వారిని ఇబ్బందులకు గురిచేయడం కాంగ్రెస్ ప్రభుత్వ నిర్లక్ష్య ధోరణిని, అప్రజాస్వామిక విధానాలను సూచిస్తోందని విమర్శించారు. న్యాయం కోసం పోరాడుతున్న రైతులకు బి.ఆర్.ఎస్. పార్టీ ఎల్లప్పుడూ అండగా ఉంటుందని స్పష్టం చేశారు. ​ ​రైతులు బి.ఆర్.ఎస్. నాయకులపై పెట్టిన అక్రమ కేసులను తక్షణమే ఉపసంహరించుకోవాలి. ​ఎలాంటి కొర్రీలు లేకుండా అర్హులైన రైతులందరికీ పూర్తిస్థాయిలో రుణమాఫీ అమలు చేయాలి. ​రైతులను వేధించే ధోరణిని ప్రభుత్వం మానుకోవాలి. ​ప్రభుత్వం స్పందించకపోతే రైతులతో కలిసి పెద్ద ఎత్తున ఆందోళనలు చేపడతామని వేముల ప్రశాంత్ రెడ్డి ఈ సందర్భంగా హెచ్చరించారు. ఈ కార్యక్రమంలో స్థానిక బిఆర్ఎస్ నాయకులు, కార్యకర్తలు రైతులు పాల్గొన్నారు.

MOHAMMAD SHAIK HUSSAIN

బాల్కొండ, నిజామాబాద్, తెలంగాణ•

3 hrs ago

రుణమాఫీ అడిగితే అక్రమ కేసులా? కాంగ్రెస్ ప్రభుత్వంపై వేముల ప్రశాంత్ రెడ్డి ధ్వజం రుణమాఫీ అమలు చేయాలని డిమాండ్ చేసినందుకు రైతులు, బి.ఆర్.ఎస్. నాయకులపై అక్రమ కేసులు బనాయించి కోర్టుల చుట్టూ తిప్పడం కాంగ్రెస్ ప్రభుత్వ నిరంకుశత్వానికి పరాకాష్ట అని మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి తీవ్రస్థాయిలో మండిపడ్డారు. శుక్రవారం ఆర్మూర్ కోర్టులో కేసు విచారణకు హాజరైన కమ్మర్‌పల్లి మండల బి.ఆర్.ఎస్. నాయకులు, రైతులకు ఆయన సంఘీభావం తెలిపారు. ​ఈ సందర్భంగా ఆయన మీడియాతో మాట్లాడుతూ... బాల్కొండ నియోజకవర్గంలో మొత్తం 52,000 మంది రైతులకు రుణమాఫీ కావాల్సి ఉండగా ప్రభుత్వం కేవలం 22,000 మందికి మాత్రమే వర్తింపజేసిందని విమర్శించారు. మిగిలిన 30,000 మంది రైతుల పరిస్థితి ఏంటని ఆయన నిలదీశారు. ​అర్హులైన రైతులందరికీ రుణమాఫీ చేయాలని అడిగినందుకు కమ్మర్‌పల్లి బి.ఆర్.ఎస్. నాయకులు, రైతులపై అక్రమ కేసులు పెట్టి గత రెండేళ్లుగా కోర్టుల చుట్టూ తిప్పడం అత్యంత బాధాకరమని ఆవేదన వ్యక్తం చేశారు. ​ఎన్నికల సమయంలో ఇచ్చిన హామీలను నెరవేర్చడం ప్రభుత్వ బాధ్యత అని వేముల గుర్తుచేశారు. రైతులకు ఇచ్చిన వాగ్దానాలను అమలు చేయాలని కోరిన వారిని ఇబ్బందులకు గురిచేయడం కాంగ్రెస్ ప్రభుత్వ నిర్లక్ష్య ధోరణిని, అప్రజాస్వామిక విధానాలను సూచిస్తోందని విమర్శించారు. న్యాయం కోసం పోరాడుతున్న రైతులకు బి.ఆర్.ఎస్. పార్టీ ఎల్లప్పుడూ అండగా ఉంటుందని స్పష్టం చేశారు. ​ ​రైతులు బి.ఆర్.ఎస్. నాయకులపై పెట్టిన అక్రమ కేసులను తక్షణమే ఉపసంహరించుకోవాలి. ​ఎలాంటి కొర్రీలు లేకుండా అర్హులైన రైతులందరికీ పూర్తిస్థాయిలో రుణమాఫీ అమలు చేయాలి. ​రైతులను వేధించే ధోరణిని ప్రభుత్వం మానుకోవాలి. ​ప్రభుత్వం స్పందించకపోతే రైతులతో కలిసి పెద్ద ఎత్తున ఆందోళనలు చేపడతామని వేముల ప్రశాంత్ రెడ్డి ఈ సందర్భంగా హెచ్చరించారు. ఈ కార్యక్రమంలో స్థానిక బిఆర్ఎస్ నాయకులు, కార్యకర్తలు రైతులు పాల్గొన్నారు.