छत्रपती संभाजीनगर शहरात रात्री दहा वाजता मुसळधार पावसाने हजेरी लावली. शहरवासीयांनी औरंगाबाद शहरात या जोरदार पावसाचा अनुभव घेतला.

छत्रपती संभाजीनगर जिल्ह्यातील वैजापूर तालुक्यातील गंगापूर येथे अन्न व औषध प्रशासनाने (FDA) एका पॅकेज्ड ड्रिंकिंग वॉटर प्लांटवर मोठी कारवाई केली आहे. गोपनीय माहितीच्या आधारे एम/एस यशरिच फूड्स अँड अॅग्रो एलएलपी या आस्थापनावर छापा टाकण्यात आला. या धाडीत ओमरिच, यशरिच आणि हायड्राशुअर या ब्रँडच्या पॅकेज्ड पाण्याचे पाच नमुने जप्त करण्यात आले, तसेच सुमारे 10 लाख 1 हजार 600 रुपयांचा पाण्याचा साठाही जप्त करण्यात आला. संबंधित आस्थापनावर भ्रामक माहिती देण्याचा आणि आवश्यक परवान्याशिवाय पाण्याची विक्री करण्याचा आरोप आहे. या कारणांमुळे आस्थापनाला 'स्टॉप बिझनेस' नोटीस बजावण्यात आली आहे. अन्न सुरक्षा आयुक्त तुकाराम मुंडे यांच्या निर्देशानुसार ही कारवाई करण्यात आली असून, FDAच्या अधिकाऱ्यांनी पुढील तपास सुरू केला आहे.

फुलंब्रीच्या मातृभूमीचे प्रथम आमदार माननीय श्री सुहास भाऊ शिरसाट यांचे फुलंब्री शहरात सध्या जंगी स्वागत आणि मिरवणूक सुरू आहे.

सिल्लोड तालुक्यातील केहाळा येथे कत्तलीसाठी आणलेल्या जनावरांची सिल्लोड ग्रामीण पोलिसांनी सुटका केली आहे. या कारवाईदरम्यान पोलिसांनी नऊ लाख रुपये किमतीचा मुद्देमाल जप्त केला असून, या प्रकरणी दोन आरोपींनाही अटक करण्यात आली आहे.

जालना शहराच्या मंठा चौफुली भागात महानगरपालिकेने अतिक्रमणविरोधी मोहीम राबवत धडक कारवाई केली आहे. या मोहिमेअंतर्गत, परिसरातील अधिकृत धाबे आणि दुकानांवर ही कारवाई करण्यात आली.

छत्रपती संभाजीनगर ग्रामीण पोलिसांनी कायदा व सुव्यवस्था राखण्याच्या उद्देशाने दंगल नियंत्रण मॉकड्रिलचे आयोजन केले.

खुलताबाद तालुक्यातील इंदापूर येथील सरपंच संदीप निकम यांची जिल्हा मध्यवर्ती सहकारी बँकेच्या संचालकपदी बिनविरोध निवड झाली आहे. या निवडीमुळे परिसरात आनंदाचे वातावरण निर्माण झाले आहे, कारण ही निवड सहकार क्षेत्रातील त्यांच्या कार्याची दखल घेऊन झाल्याचे मानले जात आहे. संदीप निकम यांनी इंदापूर गावाच्या विकासासाठी ग्रामविकास, शेतकरी हित आणि सामाजिक कार्यामध्ये सक्रिय भूमिका बजावत विविध उपक्रम राबवले आहेत. त्यांच्या बिनविरोध निवडीमुळे जिल्ह्यातील सहकार क्षेत्राला नवे नेतृत्व मिळणार असल्याची भावना व्यक्त केली जात आहे. त्यांच्या निवडीबद्दल विविध सामाजिक, राजकीय तसेच सहकारी संस्थांच्या पदाधिकाऱ्यांनी अभिनंदन केले आहे. पुढील काळात ते जिल्हा मध्यवर्ती सहकारी बँकेच्या माध्यमातून शेतकरी आणि सर्वसामान्य सभासदांच्या हितासाठी प्रभावी कार्य करतील, असा विश्वास व्यक्त करण्यात आला आहे. या निवडीमुळे इंदापूरसह संपूर्ण परिसरातून त्यांच्यावर शुभेच्छांचा वर्षाव होत आहे.

सिल्लोड तालुक्यात हवामानाचे स्वरूप अचानक बदलले आहे. या बदलामुळे जोरदार पावसाने हजेरी लावली असून, यामुळे शेतकऱ्यांचे चेहरे आनंदाने फुलले आहेत.

छत्रपती संभाजीनगर जिल्ह्यातील पैठण तालुक्यात धुळे-सोलापूर राष्ट्रीय महामार्गावरील पाचोडजवळील मुरमा शिवारात पहाटे पाच वाजेच्या सुमारास जांभूळ घेऊन जाणारे एक पिकअप वाहन पलटी झाले. आंध्र प्रदेशातून खान्देशातील जळगावच्या दिशेने जाणाऱ्या या वाहनाचा चालकाचे नियंत्रण सुटल्याने ते रस्त्याच्या कडेला असलेल्या नाल्यात कोसळले. या पिकअप वाहनात सुमारे तीन लाख रुपयांहून अधिक किमतीची जांभळे होती. अपघातानंतर वाहनातील जांभळे मोठ्या प्रमाणात रस्त्यावर विखुरली. घटनेची माहिती मिळताच परिसरातील नागरिकांनी काही मिनिटांतच घटनास्थळी गर्दी केली. अनेकांनी पिशव्या घेऊन रस्त्यावर पडलेली जांभुळे लुटण्यासाठी एकच झुंबड उडाल्याचे चित्र पाहायला मिळाले. सुदैवाने या अपघातात कोणतीही जीवितहानी झाल्याची माहिती समोर आलेली नाही, मात्र यामुळे काही काळ महामार्गावरील वाहतूक विस्कळीत झाली.