सेनगाव तालुक्यात घरकुल अनुदान रखडले पंचायत समितीत थेट सवालांचा भडका ! सेनगाव तालुका प्रतिनिधी सेनगाव पंचायत समिती कार्यालयात प्रकल्प संचालक, जिल्हा ग्रामीण विकास विभाग नामदेव केंद्रे यांच्या उपस्थितीत घरकुल लाभार्थ्यांच्या प्रलंबित अनुदानाचा गंभीर प्रश्न ऐरणीवर आला. राष्ट्रवादी काँग्रेसचे युवा नेते हिंमत राठोड यांनी तालुक्यातील लाभार्थ्यांच्या खात्यावर अनुदानाची रक्कम वेळेवर जमा न होत असल्याबाबत तीव्र नाराजी व्यक्त करत अधिकाऱ्यांना खडे बोल सुनावले. “घर बांधकाम पूर्ण होऊनही लाभार्थी आर्थिक अडचणीत का?” असा थेट सवाल करत राठोड यांनी सालेगाव, केलसुला व साखरा येथील लाभार्थ्यांच्या व्यथा मांडल्या. कागदोपत्री योजना यशस्वी दाखवली जाते; मात्र प्रत्यक्षात लाभार्थी बँकांच्या फेऱ्या मारत आहेत, ही बाब गंभीर असल्याचे त्यांनी स्पष्ट केले. यावेळी उपस्थित लाभार्थ्यांनीही आपले अनुभव मांडत अनुदान विलंबामुळे कामे ठप्प झाल्याची कैफियत मांडली. या बैठकीस लाभार्थी विनोद खणके, ज्ञानेश्वर थोरवे, विनोद चव्हाण, सुधाकर महाराज, संतोष थोरवे, आदी उपस्थित होते. प्रशासनाने तातडीने प्रलंबित प्रकरणांचा आढावा घेऊन अनुदानाची रक्कम लाभार्थ्यांच्या खात्यावर जमा करण्याची मागणी यावेळी करण्यात आली. अन्यथा आंदोलनाचा इशारा देण्यात आला. घरकुल केवळ योजनेचा आकडा न राहता लाभार्थ्यांच्या छताचे स्वप्न पूर्ण झाले पाहिजे, अशी ठाम भूमिका यावेळी मांडण्यात आली. दरम्यान प्रकल्प संचालक जिल्हा ग्रामीण विकास यंत्रणा श्री केंद्रे यांनी येत्या पंधरा दिवसांत लाभार्थ्यांना अनुदान मिळेल असे आश्वासन दिले

Balu Vitthal Jadhav

पत्रकार हिंगोली, हिंगोली, महाराष्ट्र•

3 hrs ago

सेनगाव तालुक्यात घरकुल अनुदान रखडले पंचायत समितीत थेट सवालांचा भडका ! सेनगाव तालुका प्रतिनिधी सेनगाव पंचायत समिती कार्यालयात प्रकल्प संचालक, जिल्हा ग्रामीण विकास विभाग नामदेव केंद्रे यांच्या उपस्थितीत घरकुल लाभार्थ्यांच्या प्रलंबित अनुदानाचा गंभीर प्रश्न ऐरणीवर आला. राष्ट्रवादी काँग्रेसचे युवा नेते हिंमत राठोड यांनी तालुक्यातील लाभार्थ्यांच्या खात्यावर अनुदानाची रक्कम वेळेवर जमा न होत असल्याबाबत तीव्र नाराजी व्यक्त करत अधिकाऱ्यांना खडे बोल सुनावले. “घर बांधकाम पूर्ण होऊनही लाभार्थी आर्थिक अडचणीत का?” असा थेट सवाल करत राठोड यांनी सालेगाव, केलसुला व साखरा येथील लाभार्थ्यांच्या व्यथा मांडल्या. कागदोपत्री योजना यशस्वी दाखवली जाते; मात्र प्रत्यक्षात लाभार्थी बँकांच्या फेऱ्या मारत आहेत, ही बाब गंभीर असल्याचे त्यांनी स्पष्ट केले. यावेळी उपस्थित लाभार्थ्यांनीही आपले अनुभव मांडत अनुदान विलंबामुळे कामे ठप्प झाल्याची कैफियत मांडली. या बैठकीस लाभार्थी विनोद खणके, ज्ञानेश्वर थोरवे, विनोद चव्हाण, सुधाकर महाराज, संतोष थोरवे, आदी उपस्थित होते. प्रशासनाने तातडीने प्रलंबित प्रकरणांचा आढावा घेऊन अनुदानाची रक्कम लाभार्थ्यांच्या खात्यावर जमा करण्याची मागणी यावेळी करण्यात आली. अन्यथा आंदोलनाचा इशारा देण्यात आला. घरकुल केवळ योजनेचा आकडा न राहता लाभार्थ्यांच्या छताचे स्वप्न पूर्ण झाले पाहिजे, अशी ठाम भूमिका यावेळी मांडण्यात आली. दरम्यान प्रकल्प संचालक जिल्हा ग्रामीण विकास यंत्रणा श्री केंद्रे यांनी येत्या पंधरा दिवसांत लाभार्थ्यांना अनुदान मिळेल असे आश्वासन दिले