सांगोला पोलिसांनी तालुक्यातील सोनंद परिसरातील कोरडा नदीपात्रात सुरू असलेल्या अवैध वाळू उपसा आणि वाहतुकीविरोधात धडक कारवाई केली आहे. या कारवाईत तब्बल 33 लाख 7 हजार रुपयांचा मुद्देमाल जप्त करण्यात आला असून, पोलीस निरीक्षक विनोद घुगे यांच्या नेतृत्वाखालील या कृतीमुळे वाळू माफियांना मोठा दणका बसला आहे. पोलिसांना 19 जून 2026 रोजी सायंकाळी सुमारे 6.20 वाजता सोनंद येथील चव्हाण मळा ते कोरडा नदीपात्राकडे जाणाऱ्या रस्त्यालगत नदीपात्रामध्ये अवैध वाळू उपसा सुरू असल्याची माहिती मिळाली होती. त्यानुसार पोलिसांनी छापा टाकला असता, आरोपी योगेश सतिश बाबर (वय 30, रा. सोनंद, ता. सांगोला) हा त्याच्या ताब्यातील जेसीबीच्या मदतीने शासनाची कोणतीही परवानगी, परवाना किंवा पास नसताना अवैधरित्या वाळू उपसून ती चारचाकी टेम्पोमध्ये भरत असल्याचे निदर्शनास आले. पोलिसांनी तात्काळ कारवाई करत घटनास्थळी असलेला अंदाजे 30 लाख रुपये किमतीचा पिवळ्या रंगाचा जेसीबी जप्त केला. मात्र, पोलिसांची चाहूल लागताच वाळूने भरलेला टेम्पो आणि त्याचा चालक घटनास्थळावरून पसार झाला. या प्रकरणी सांगोला पोलीस ठाण्यात दखलपात्र अहवाल क्रमांक 562/2026 दाखल करण्यात आला असून, भारतीय न्याय संहिता 2023 च्या कलम 303(2), 305(ई) आणि 3(5) अन्वये गुन्हा नोंदविण्यात आला आहे. सरकारतर्फे पोलीस कॉन्स्टेबल मच्छिंद्र पिराजी माळी यांनी फिर्याद दिली आहे. या मोठ्या कारवाईमुळे परिसरातील वाळू माफियांमध्ये मोठी खळबळ उडाली असून, अवैध वाळू उपसा करणाऱ्यांवर पोलिसांचा वाढता दबाव दिसून येत आहे.

दत्तात्रय पवार

सांगोले, सोलापूर, महाराष्ट्र•

7 hrs ago

सांगोला पोलिसांनी तालुक्यातील सोनंद परिसरातील कोरडा नदीपात्रात सुरू असलेल्या अवैध वाळू उपसा आणि वाहतुकीविरोधात धडक कारवाई केली आहे. या कारवाईत तब्बल 33 लाख 7 हजार रुपयांचा मुद्देमाल जप्त करण्यात आला असून, पोलीस निरीक्षक विनोद घुगे यांच्या नेतृत्वाखालील या कृतीमुळे वाळू माफियांना मोठा दणका बसला आहे. पोलिसांना 19 जून 2026 रोजी सायंकाळी सुमारे 6.20 वाजता सोनंद येथील चव्हाण मळा ते कोरडा नदीपात्राकडे जाणाऱ्या रस्त्यालगत नदीपात्रामध्ये अवैध वाळू उपसा सुरू असल्याची माहिती मिळाली होती. त्यानुसार पोलिसांनी छापा टाकला असता, आरोपी योगेश सतिश बाबर (वय 30, रा. सोनंद, ता. सांगोला) हा त्याच्या ताब्यातील जेसीबीच्या मदतीने शासनाची कोणतीही परवानगी, परवाना किंवा पास नसताना अवैधरित्या वाळू उपसून ती चारचाकी टेम्पोमध्ये भरत असल्याचे निदर्शनास आले. पोलिसांनी तात्काळ कारवाई करत घटनास्थळी असलेला अंदाजे 30 लाख रुपये किमतीचा पिवळ्या रंगाचा जेसीबी जप्त केला. मात्र, पोलिसांची चाहूल लागताच वाळूने भरलेला टेम्पो आणि त्याचा चालक घटनास्थळावरून पसार झाला. या प्रकरणी सांगोला पोलीस ठाण्यात दखलपात्र अहवाल क्रमांक 562/2026 दाखल करण्यात आला असून, भारतीय न्याय संहिता 2023 च्या कलम 303(2), 305(ई) आणि 3(5) अन्वये गुन्हा नोंदविण्यात आला आहे. सरकारतर्फे पोलीस कॉन्स्टेबल मच्छिंद्र पिराजी माळी यांनी फिर्याद दिली आहे. या मोठ्या कारवाईमुळे परिसरातील वाळू माफियांमध्ये मोठी खळबळ उडाली असून, अवैध वाळू उपसा करणाऱ्यांवर पोलिसांचा वाढता दबाव दिसून येत आहे.