भोर तालुक्यातील ऐतिहासिक राजगड किल्ल्यावर पर्यटनासाठी आलेल्या एका तरुणाला बालेकिल्ल्याकडे जात असताना अपघात झाला. जळगाव येथील अविनाश श्रावण बागुल (वय २५) असे या तरुणाचे नाव असून, आपत्ती व्यवस्थापन पथकाने सुमारे दोन तासांच्या अथक प्रयत्नांनंतर त्याला सुखरूप बाहेर काढले. मिळालेल्या माहितीनुसार, अविनाश आपल्या कुटुंबासोबत राजगड दर्शनासाठी आले होते. बालेकिल्ल्याकडे जात असताना त्यांनी मुख्य रहदारीचा मार्ग सोडून चुकून दुसऱ्या वाटेने जाण्याचा प्रयत्न केला, ज्यामुळे त्यांचा तोल जाऊन ते सुमारे ४५ ते ५० फूट खोल दरीच्या दिशेने घसरले. सुदैवाने, खाली एका मोठ्या झाडाला अडकल्यामुळे आणखी मोठी दुर्घटना टळली, परंतु या अपघातात अविनाश बागुल यांच्या पाठीच्या मणक्याला फ्रॅक्चर झाले असून मान व पायालाही गंभीर दुखापत झाली आहे. घटनेची माहिती मिळताच, पोलीस प्रशासनाने तात्काळ आपत्ती व्यवस्थापन रेस्क्यू पथकाला पाचारण केले. या पथकाने अत्यंत कौशल्य आणि धाडस दाखवत सुमारे दोन तासांच्या अथक प्रयत्नांनंतर अविनाशला यशस्वीपणे रेस्क्यू केले.

पत्रकार विक्रम शिंदे

Reporter भोर, पुणे, महाराष्ट्र•

8 hrs ago

भोर तालुक्यातील ऐतिहासिक राजगड किल्ल्यावर पर्यटनासाठी आलेल्या एका तरुणाला बालेकिल्ल्याकडे जात असताना अपघात झाला. जळगाव येथील अविनाश श्रावण बागुल (वय २५) असे या तरुणाचे नाव असून, आपत्ती व्यवस्थापन पथकाने सुमारे दोन तासांच्या अथक प्रयत्नांनंतर त्याला सुखरूप बाहेर काढले. मिळालेल्या माहितीनुसार, अविनाश आपल्या कुटुंबासोबत राजगड दर्शनासाठी आले होते. बालेकिल्ल्याकडे जात असताना त्यांनी मुख्य रहदारीचा मार्ग सोडून चुकून दुसऱ्या वाटेने जाण्याचा प्रयत्न केला, ज्यामुळे त्यांचा तोल जाऊन ते सुमारे ४५ ते ५० फूट खोल दरीच्या दिशेने घसरले. सुदैवाने, खाली एका मोठ्या झाडाला अडकल्यामुळे आणखी मोठी दुर्घटना टळली, परंतु या अपघातात अविनाश बागुल यांच्या पाठीच्या मणक्याला फ्रॅक्चर झाले असून मान व पायालाही गंभीर दुखापत झाली आहे. घटनेची माहिती मिळताच, पोलीस प्रशासनाने तात्काळ आपत्ती व्यवस्थापन रेस्क्यू पथकाला पाचारण केले. या पथकाने अत्यंत कौशल्य आणि धाडस दाखवत सुमारे दोन तासांच्या अथक प्रयत्नांनंतर अविनाशला यशस्वीपणे रेस्क्यू केले.