తెలంగాణ రైతాంగ సాయుధ పోరాటంలో నకిరేకల్ పాత్ర చరిత్రలో చిరస్మరణీయం.... పోరాట యోధుల త్యాగాలను భావితరాలకు అందించాలి : గడగోజు రవీంద్రాచారి... నకిరేకల్, సెప్టెంబర్ 16: తెలంగాణ రైతాంగ సాయుధ పోరాట చరిత్రలో నకిరేకల్ నియోజకవర్గం చెరగని ముద్ర వేసిందని జర్నలిస్టు, రచయిత గడగోజు రవీంద్రాచారి పేర్కొన్నారు. తెలంగాణ రైతాంగ సాయుధ పోరాటంపై ఆయన రచించిన వ్యాసంలో నకిరేకల్ ప్రాంతంలోని అనేక గ్రామాలు నిజాం నిరంకుశ పాలన, రజాకార్ల అరాచకాలు, భూస్వామ్య దోపిడీకి వ్యతిరేకంగా సాగిన ఉద్యమానికి కేంద్రాలుగా నిలిచాయని వివరించారు. 1946లో ప్రారంభమైన తెలంగాణ రైతాంగ సాయుధ పోరాటంలో నకిరేకల్ పరిధిలోని చిత్తలూరు, కొసనగోడు, నోముల, కడపర్తి, అయిటిపాముల, కొప్పోలు, తుంగతుర్తి, గుండ్రాంపల్లి, వల్లాల తదితర గ్రామాలకు చెందిన అనేక మంది పోరాట యోధులు కీలక పాత్ర పోషించారని తెలిపారు. చిత్తలూరులో సమిష్టి వ్యవసాయాన్ని నిర్వహించడం, వేల ఎకరాల భూమిని స్వాధీనం చేసుకుని పేదలకు పంపిణీ చేయడం, రజాకార్లకు వ్యతిరేకంగా గెరిల్లా పోరాటాలు సాగించడం వంటి సంఘటనలు చరిత్రలో నిలిచిపోయాయని పేర్కొన్నారు. మాజీ ఎమ్మెల్యే నంద్యాల శ్రీనివాసరెడ్డి (ఎన్‌ఎస్‌ఆర్) వంటి నాయకులు ఉద్యమానికి నాయకత్వం వహించారని, అనేక మంది పోరాట యోధులు ప్రాణత్యాగాలు చేశారని గుర్తు చేశారు. వల్లాల అమరవీరులు, గుండ్రాంపల్లి మారణకాండ, పసునూరి వెంకట్‌రెడ్డి, ముస్కు వెంకట్‌రెడ్డి వంటి అమరవీరుల త్యాగాలు తెలంగాణ చరిత్రలో శాశ్వతంగా నిలిచాయని తెలిపారు. తెలంగాణ రైతాంగ సాయుధ పోరాట చరిత్రను వాస్తవాలతో భావితరాలకు అందించడం ప్రతి ఒక్కరి బాధ్యత అని, అమరవీరుల త్యాగాలు, పోరాట స్ఫూర్తి నేటి తరాలకు ఆదర్శంగా నిలవాలని గడగోజు రవీంద్రాచారి పిలుపునిచ్చారు. నకిరేకల్ నేలపై సాగిన రైతాంగ సాయుధ పోరాటం భూమి, భుక్తి, ఆత్మగౌరవం కోసం జరిగిన ప్రజా ప్రతిఘటనకు చిరస్మరణీయ చిహ్నంగా చరిత్రలో నిలిచిపోతుందని ఆయన పేర్కొన్నారు.

శ్రీరామోజు కనకాచారి

Local News Reporter నక్రేకల్, నల్గొండ, తెలంగాణ•

1 hr ago

తెలంగాణ రైతాంగ సాయుధ పోరాటంలో నకిరేకల్ పాత్ర చరిత్రలో చిరస్మరణీయం.... పోరాట యోధుల త్యాగాలను భావితరాలకు అందించాలి : గడగోజు రవీంద్రాచారి... నకిరేకల్, సెప్టెంబర్ 16: తెలంగాణ రైతాంగ సాయుధ పోరాట చరిత్రలో నకిరేకల్ నియోజకవర్గం చెరగని ముద్ర వేసిందని జర్నలిస్టు, రచయిత గడగోజు రవీంద్రాచారి పేర్కొన్నారు. తెలంగాణ రైతాంగ సాయుధ పోరాటంపై ఆయన రచించిన వ్యాసంలో నకిరేకల్ ప్రాంతంలోని అనేక గ్రామాలు నిజాం నిరంకుశ పాలన, రజాకార్ల అరాచకాలు, భూస్వామ్య దోపిడీకి వ్యతిరేకంగా సాగిన ఉద్యమానికి కేంద్రాలుగా నిలిచాయని వివరించారు. 1946లో ప్రారంభమైన తెలంగాణ రైతాంగ సాయుధ పోరాటంలో నకిరేకల్ పరిధిలోని చిత్తలూరు, కొసనగోడు, నోముల, కడపర్తి, అయిటిపాముల, కొప్పోలు, తుంగతుర్తి, గుండ్రాంపల్లి, వల్లాల తదితర గ్రామాలకు చెందిన అనేక మంది పోరాట యోధులు కీలక పాత్ర పోషించారని తెలిపారు. చిత్తలూరులో సమిష్టి వ్యవసాయాన్ని నిర్వహించడం, వేల ఎకరాల భూమిని స్వాధీనం చేసుకుని పేదలకు పంపిణీ చేయడం, రజాకార్లకు వ్యతిరేకంగా గెరిల్లా పోరాటాలు సాగించడం వంటి సంఘటనలు చరిత్రలో నిలిచిపోయాయని పేర్కొన్నారు. మాజీ ఎమ్మెల్యే నంద్యాల శ్రీనివాసరెడ్డి (ఎన్‌ఎస్‌ఆర్) వంటి నాయకులు ఉద్యమానికి నాయకత్వం వహించారని, అనేక మంది పోరాట యోధులు ప్రాణత్యాగాలు చేశారని గుర్తు చేశారు. వల్లాల అమరవీరులు, గుండ్రాంపల్లి మారణకాండ, పసునూరి వెంకట్‌రెడ్డి, ముస్కు వెంకట్‌రెడ్డి వంటి అమరవీరుల త్యాగాలు తెలంగాణ చరిత్రలో శాశ్వతంగా నిలిచాయని తెలిపారు. తెలంగాణ రైతాంగ సాయుధ పోరాట చరిత్రను వాస్తవాలతో భావితరాలకు అందించడం ప్రతి ఒక్కరి బాధ్యత అని, అమరవీరుల త్యాగాలు, పోరాట స్ఫూర్తి నేటి తరాలకు ఆదర్శంగా నిలవాలని గడగోజు రవీంద్రాచారి పిలుపునిచ్చారు. నకిరేకల్ నేలపై సాగిన రైతాంగ సాయుధ పోరాటం భూమి, భుక్తి, ఆత్మగౌరవం కోసం జరిగిన ప్రజా ప్రతిఘటనకు చిరస్మరణీయ చిహ్నంగా చరిత్రలో నిలిచిపోతుందని ఆయన పేర్కొన్నారు.