कर्जत तालुक्यातील निमगाव डाकू येथील शिवसम्राट हॉटेलजवळून टाटा ४०७ वाहनातून सुमारे ३ लाख रुपयांचे ठिबक पाईप चोरीला गेल्याच्या गुन्ह्याचा छडा लावण्यात कर्जत पोलिसांना मोठे यश मिळाले आहे. या प्रकरणी पोलिसांनी तीन आरोपींना अटक केली असून, त्यांच्याकडून चोरीचे ठिबक पाईप आणि गुन्ह्यात वापरलेली दोन वाहने असा एकूण १९ लाख ४६ हजार रुपयांचा मुद्देमाल जप्त करण्यात आला आहे. मिळालेल्या माहितीनुसार, आळकुटी (ता. पारनेर) येथील प्रकाश किसन वाघुले यांनी फिर्याद दिली होती की, ७ जून रोजी त्यांच्या ताब्यातील टाटा ४०७ वाहनातून २ लाख ९९ हजार २४९ रुपये किमतीचे १६ आणि २० एमएमचे २४२ ठिबक पाईपचे बंडल अज्ञात इसमांनी चोरून नेले होते. या घटनेप्रकरणी कर्जत पोलीस ठाण्यात गुन्हा दाखल करण्यात आला होता. गुन्हा दाखल झाल्यानंतर कर्जत पोलिसांनी तांत्रिक बाबींची पडताळणी तसेच सीसीटीव्ही फुटेजची सखोल पाहणी केली. या तपासामुळे गुन्ह्यातील सहा आरोपी निष्पन्न झाले. त्यापैकी ऋतुराज रणजित सोनवणे (वय २२, रा. सणसर भवानीनगर, ता. इंदापूर, जि. पुणे), अमोल तान्हाजी साळुंखे (वय २३, रा. राऊतनगर, अकलूज, ता. माळशिरस, जि. सोलापूर) आणि आकाश अशोक हदिमनी (वय २०, रा. कन्हेरगाव, ता. माढा, जि. सोलापूर) या तिघांना अटक करण्यात आली आहे. तर जनार्धन विलास लोखंडे (रा. यशवंत नगर अकलूज), अक्षय किसन सोनवणे (रा. सणसर, जि. पुणे) आणि विजू शिंदे हे तीन आरोपी अद्याप फरार आहेत. अटक केलेल्या आरोपींची कसून चौकशी करून पोलिसांनी १ लाख ४६ हजार रुपये किमतीचे १६ व २० एमएमचे एकूण १२२ ठिबक पाईपचे बंडल, ८ लाख रुपये किमतीची सुझुकी कंपनीची पांढऱ्या रंगाची फ्रॉन्स चारचाकी आणि १० लाख रुपये किमतीचा टाटा कंपनीचा विटकरी रंगाचा आयशर टेम्पो असा एकूण १९ लाख ४६ हजार रुपये किमतीचा मुद्देमाल जप्त केला आहे. पोलीस सध्या फरार आरोपींचा आणि चोरीला गेलेल्या उर्वरित मालाचा शोध घेत असून, कर्जत पोलीस पुढील अधिक तपास करत आहेत. पोलीस निरीक्षक हनुमंत गायकवाड यांच्या आदेशाने सहाय्यक पोलीस निरीक्षक रमीझ मुलाणी, सहाय्यक पोलीस निरीक्षक संदीप वसावे, पोलीस उपनिरीक्षक बाळासाहेब मुळीक, महिला पोलीस हवालदार मिनाक्षी कांबळे, पोलीस कॉन्स्टेबल प्रताप देवकाते, विशाल क्षिरसागर, प्रकाश दंदाडे, अमोल रायकर, किरण बोऱ्हाडे, किरण जाधव, सचिन थोरात, नानासाहेब वाघमारे, वैभव गांगर्डे तसेच मोबाईल सेल विभागाचे राहुल गुंडू व अरुण सांगळे यांच्या पथकाने ही धडक कामगिरी पार पाडली.

संस्कार न्यूज

Advertising agency कर्जत, अहमदनगर, महाराष्ट्र•

12 hrs ago

कर्जत तालुक्यातील निमगाव डाकू येथील शिवसम्राट हॉटेलजवळून टाटा ४०७ वाहनातून सुमारे ३ लाख रुपयांचे ठिबक पाईप चोरीला गेल्याच्या गुन्ह्याचा छडा लावण्यात कर्जत पोलिसांना मोठे यश मिळाले आहे. या प्रकरणी पोलिसांनी तीन आरोपींना अटक केली असून, त्यांच्याकडून चोरीचे ठिबक पाईप आणि गुन्ह्यात वापरलेली दोन वाहने असा एकूण १९ लाख ४६ हजार रुपयांचा मुद्देमाल जप्त करण्यात आला आहे. मिळालेल्या माहितीनुसार, आळकुटी (ता. पारनेर) येथील प्रकाश किसन वाघुले यांनी फिर्याद दिली होती की, ७ जून रोजी त्यांच्या ताब्यातील टाटा ४०७ वाहनातून २ लाख ९९ हजार २४९ रुपये किमतीचे १६ आणि २० एमएमचे २४२ ठिबक पाईपचे बंडल अज्ञात इसमांनी चोरून नेले होते. या घटनेप्रकरणी कर्जत पोलीस ठाण्यात गुन्हा दाखल करण्यात आला होता. गुन्हा दाखल झाल्यानंतर कर्जत पोलिसांनी तांत्रिक बाबींची पडताळणी तसेच सीसीटीव्ही फुटेजची सखोल पाहणी केली. या तपासामुळे गुन्ह्यातील सहा आरोपी निष्पन्न झाले. त्यापैकी ऋतुराज रणजित सोनवणे (वय २२, रा. सणसर भवानीनगर, ता. इंदापूर, जि. पुणे), अमोल तान्हाजी साळुंखे (वय २३, रा. राऊतनगर, अकलूज, ता. माळशिरस, जि. सोलापूर) आणि आकाश अशोक हदिमनी (वय २०, रा. कन्हेरगाव, ता. माढा, जि. सोलापूर) या तिघांना अटक करण्यात आली आहे. तर जनार्धन विलास लोखंडे (रा. यशवंत नगर अकलूज), अक्षय किसन सोनवणे (रा. सणसर, जि. पुणे) आणि विजू शिंदे हे तीन आरोपी अद्याप फरार आहेत. अटक केलेल्या आरोपींची कसून चौकशी करून पोलिसांनी १ लाख ४६ हजार रुपये किमतीचे १६ व २० एमएमचे एकूण १२२ ठिबक पाईपचे बंडल, ८ लाख रुपये किमतीची सुझुकी कंपनीची पांढऱ्या रंगाची फ्रॉन्स चारचाकी आणि १० लाख रुपये किमतीचा टाटा कंपनीचा विटकरी रंगाचा आयशर टेम्पो असा एकूण १९ लाख ४६ हजार रुपये किमतीचा मुद्देमाल जप्त केला आहे. पोलीस सध्या फरार आरोपींचा आणि चोरीला गेलेल्या उर्वरित मालाचा शोध घेत असून, कर्जत पोलीस पुढील अधिक तपास करत आहेत. पोलीस निरीक्षक हनुमंत गायकवाड यांच्या आदेशाने सहाय्यक पोलीस निरीक्षक रमीझ मुलाणी, सहाय्यक पोलीस निरीक्षक संदीप वसावे, पोलीस उपनिरीक्षक बाळासाहेब मुळीक, महिला पोलीस हवालदार मिनाक्षी कांबळे, पोलीस कॉन्स्टेबल प्रताप देवकाते, विशाल क्षिरसागर, प्रकाश दंदाडे, अमोल रायकर, किरण बोऱ्हाडे, किरण जाधव, सचिन थोरात, नानासाहेब वाघमारे, वैभव गांगर्डे तसेच मोबाईल सेल विभागाचे राहुल गुंडू व अरुण सांगळे यांच्या पथकाने ही धडक कामगिरी पार पाडली.