दिल्ली येथील जंतर-मंतरवर २० जुलै रोजी आंदोलन करणाऱ्या विद्यार्थी-विद्यार्थिनींवर झालेल्या कथित पोलिस लाठीचार्जच्या निषेधार्थ शुक्रवारी (२४ जुलै) सडक अर्जुनी येथे भव्य सर्वपक्षीय निषेध मोर्चा काढण्यात आला. दुपारी १ वाजता कोहमारा टी-पॉईंट येथून सुरू झालेला हा मोर्चा तहसील कार्यालयावर धडकला. मोर्चादरम्यान आंदोलनकर्त्यांनी केंद्रीय शिक्षणमंत्री धर्मेंद्र प्रधान यांच्या राजीनाम्याची जोरदार मागणी करत केंद्र सरकारविरोधात तीव्र घोषणाबाजी केली. या आंदोलनात हातात तिरंगा ध्वज, डॉ. बाबासाहेब आंबेडकर यांचे छायाचित्र आणि निषेध फलक घेऊन हजारोच्या संख्येने विद्यार्थी, विद्यार्थिनी, पालक, विविध सामाजिक संघटनांचे प्रतिनिधी व सर्वपक्षीय कार्यकर्ते सहभागी झाले होते. आंदोलनादरम्यान “जय भीम जय भीम जय जय जय भीम”, “जब जब मोदी डरता है, पुलिस को आगे करता है”, “दिल्ली पुलिस हाय हाय” आणि “भारत माता की जय” अशा घोषणांनी संपूर्ण परिसर दणाणून गेला. मोर्चादरम्यान वक्त्यांनी दिल्लीतील विद्यार्थ्यांवर झालेल्या पोलिस कारवाईचा तीव्र निषेध नोंदवत दोषींवर कठोर कारवाई करण्याची मागणी केली. तसेच विद्यार्थ्यांच्या लोकशाही मार्गाने आंदोलन करण्याच्या अधिकाराचे संरक्षण करण्याचे आवाहनही करण्यात आले. हा निषेध मोर्चा अत्यंत शांततेत पार पडला असून तहसील प्रशासनामार्फत शासनाला निवेदन सादर करण्यात आले आहे.

Ashlesh Made

साडक-अर्जुनी, गोंदिया, महाराष्ट्र•

9 hrs ago

दिल्ली येथील जंतर-मंतरवर २० जुलै रोजी आंदोलन करणाऱ्या विद्यार्थी-विद्यार्थिनींवर झालेल्या कथित पोलिस लाठीचार्जच्या निषेधार्थ शुक्रवारी (२४ जुलै) सडक अर्जुनी येथे भव्य सर्वपक्षीय निषेध मोर्चा काढण्यात आला. दुपारी १ वाजता कोहमारा टी-पॉईंट येथून सुरू झालेला हा मोर्चा तहसील कार्यालयावर धडकला. मोर्चादरम्यान

आंदोलनकर्त्यांनी केंद्रीय शिक्षणमंत्री धर्मेंद्र प्रधान यांच्या राजीनाम्याची जोरदार मागणी करत केंद्र सरकारविरोधात तीव्र घोषणाबाजी केली. या आंदोलनात हातात तिरंगा ध्वज, डॉ. बाबासाहेब आंबेडकर यांचे छायाचित्र आणि निषेध फलक घेऊन हजारोच्या संख्येने विद्यार्थी, विद्यार्थिनी, पालक, विविध सामाजिक संघटनांचे प्रतिनिधी व सर्वपक्षीय कार्यकर्ते

सहभागी झाले होते. आंदोलनादरम्यान “जय भीम जय भीम जय जय जय भीम”, “जब जब मोदी डरता है, पुलिस को आगे करता है”, “दिल्ली पुलिस हाय हाय” आणि “भारत माता की जय” अशा घोषणांनी संपूर्ण परिसर दणाणून गेला. मोर्चादरम्यान वक्त्यांनी दिल्लीतील विद्यार्थ्यांवर

झालेल्या पोलिस कारवाईचा तीव्र निषेध नोंदवत दोषींवर कठोर कारवाई करण्याची मागणी केली. तसेच विद्यार्थ्यांच्या लोकशाही मार्गाने आंदोलन करण्याच्या अधिकाराचे संरक्षण करण्याचे आवाहनही करण्यात आले. हा निषेध मोर्चा अत्यंत शांततेत पार पडला असून तहसील प्रशासनामार्फत शासनाला निवेदन सादर करण्यात आले आहे.