NE-4 અમદાવાદ-મુંબઈ રોડ પર તુંડી પાસે અકસ્માત બાદ આઈશર ટેમ્પોની કેબિનમાં આગ સુરત જિલ્લાના પલસાણા તાલુકામાંથી પસાર થતા એક્સપ્રેસ હાઇવે નંબર NE-4 અમદાવાદ-મુંબઈ રોડ પર તુંડી ગામ નજીક અકસ્માતની ઘટના સામે આવી હતી. આગળ જઈ રહેલા વાહન પાછળ CNGની ખાલી બોટલો ભરેલો આઈશર ટેમ્પો અથડાતા અકસ્માત સર્જાયો હતો. અકસ્માત બાદ આઈશર ટેમ્પોની આગળની કેબિનમાં અચાનક આગ લાગતાં ઘટનાસ્થળે અફરાતફરી મચી હતી. મળતી માહિતી મુજબ, આઈશર ટેમ્પો નંબર UP 32 RN 3605 CNGની ખાલી બોટલો ભરીને પસાર થઈ રહ્યો હતો. દરમિયાન તુંડી પાસે આગળ ચાલી રહેલા વાહન સાથે અથડામણ થતાં ટેમ્પોની આગળની કેબિનમાં આગ લાગી હતી. આગને કારણે વાહનમાંથી ધુમાડાના ગોટેગોટા નીકળતા આસપાસના લોકોમાં ચકચાર મચી હતી. અકસ્મતમાં આઈશર ટેમ્પોના ડ્રાઈવરને સામાન્ય ઈજા પહોંચી હતી. ઘટનાની જાણ થતાં હાઈવે ઓથોરિટીની એમ્બ્યુલન્સ ઘટનાસ્થળે પહોંચી હતી અને ઈજાગ્રસ્ત ડ્રાઈવરને સારવાર માટે નજીકની હોસ્પિટલમાં ખસેડવામાં આવ્યો હતો. દરમિયાન આગની જાણ થતાં ડિસ્ટ્રિક્ટ ફાયર, બારડોલીના સ્ટેશન ઈન્ચાર્જ ઋષિ આર. સોની તથા PEPL ફાયરના ફાયર ઓફિસર અજયસિંહ પોતાની ટીમ સાથે તાત્કાલિક ઘટનાસ્થળે પહોંચ્યા હતા. ફાયર ટીમે પાણીનો મારો ચલાવી આગ પર કાબૂ મેળવ્યો હતો. અકસ્મતને પગલે માર્ગ પર ટ્રાફિકનું ભારણ વધ્યું હતું. ઘટનાની જાણ થતાં સુરત જિલ્લા ગ્રામ્ય ટ્રાફિક પોલીસના PSI ઈશ્વરસિંહ સિસોદિયાના માર્ગદર્શન હેઠળ ટ્રાફિક પોલીસની ટીમ પણ ઘટનાસ્થળે પહોંચી હતી. પોલીસે જરૂરી કાર્યવાહી કરી માર્ગ પરના ટ્રાફિકને વ્યવસ્થિત કરી ટ્રાફિકનું ભારણ હળવું કર્યું હતું. સદનસીબે આગની ઘટનામાં કોઈ જાનહાનિ થઈ ન હતી. અકસ્માતને પગલે વાહનચાલકોમાં પણ થોડા સમય માટે ચિંતા જોવા મળી હતી. ઘટનાની સમગ્ર તપાસ અને આગળની કાયદેસરની કાર્યવાહી પોલીસ દ્વારા હાથ ધરવામાં આવી છે.

રમેશ ખંભાતી

Photographer બારડોલી, સુરત, ગુજરાત•

10 hrs ago

NE-4 અમદાવાદ-મુંબઈ રોડ પર તુંડી પાસે અકસ્માત બાદ આઈશર ટેમ્પોની કેબિનમાં આગ સુરત જિલ્લાના પલસાણા તાલુકામાંથી પસાર થતા એક્સપ્રેસ હાઇવે નંબર NE-4 અમદાવાદ-મુંબઈ રોડ પર તુંડી ગામ નજીક અકસ્માતની ઘટના સામે આવી હતી. આગળ જઈ રહેલા વાહન પાછળ CNGની ખાલી બોટલો ભરેલો આઈશર ટેમ્પો અથડાતા અકસ્માત સર્જાયો હતો. અકસ્માત બાદ આઈશર ટેમ્પોની આગળની કેબિનમાં અચાનક આગ લાગતાં ઘટનાસ્થળે અફરાતફરી મચી હતી. મળતી માહિતી મુજબ, આઈશર ટેમ્પો નંબર UP 32 RN 3605 CNGની ખાલી બોટલો ભરીને પસાર થઈ રહ્યો હતો. દરમિયાન તુંડી પાસે આગળ ચાલી રહેલા વાહન સાથે અથડામણ થતાં ટેમ્પોની આગળની કેબિનમાં આગ લાગી હતી. આગને કારણે વાહનમાંથી ધુમાડાના ગોટેગોટા નીકળતા આસપાસના લોકોમાં ચકચાર મચી હતી. અકસ્મતમાં આઈશર ટેમ્પોના ડ્રાઈવરને સામાન્ય ઈજા પહોંચી હતી. ઘટનાની જાણ થતાં હાઈવે ઓથોરિટીની એમ્બ્યુલન્સ ઘટનાસ્થળે પહોંચી હતી અને ઈજાગ્રસ્ત ડ્રાઈવરને સારવાર માટે નજીકની હોસ્પિટલમાં ખસેડવામાં આવ્યો હતો. દરમિયાન આગની જાણ થતાં ડિસ્ટ્રિક્ટ ફાયર, બારડોલીના સ્ટેશન ઈન્ચાર્જ ઋષિ આર. સોની તથા PEPL ફાયરના ફાયર ઓફિસર અજયસિંહ પોતાની ટીમ સાથે તાત્કાલિક ઘટનાસ્થળે પહોંચ્યા હતા. ફાયર ટીમે પાણીનો મારો ચલાવી આગ પર કાબૂ મેળવ્યો હતો. અકસ્મતને પગલે માર્ગ પર ટ્રાફિકનું ભારણ વધ્યું હતું. ઘટનાની જાણ થતાં સુરત જિલ્લા ગ્રામ્ય ટ્રાફિક પોલીસના PSI ઈશ્વરસિંહ સિસોદિયાના માર્ગદર્શન હેઠળ ટ્રાફિક પોલીસની ટીમ પણ ઘટનાસ્થળે પહોંચી હતી. પોલીસે જરૂરી કાર્યવાહી કરી માર્ગ પરના ટ્રાફિકને વ્યવસ્થિત કરી ટ્રાફિકનું ભારણ હળવું કર્યું હતું. સદનસીબે આગની ઘટનામાં કોઈ જાનહાનિ થઈ ન હતી. અકસ્માતને પગલે વાહનચાલકોમાં પણ થોડા સમય માટે ચિંતા જોવા મળી હતી. ઘટનાની સમગ્ર તપાસ અને આગળની કાયદેસરની કાર્યવાહી પોલીસ દ્વારા હાથ ધરવામાં આવી છે.