फुलउमरी ग्रामपंचायतीत प्रशासक राजचा फज्जा अधिकारी गायब, ग्रामस्थ हैराण! मानोरा : पंचायत समिती अंतर्गत येणाऱ्या फुलउमरी ग्रामपंचायतीमध्ये गेल्या दोन वर्षांपासून प्रशासक राज सुरू असून, प्रत्यक्षात मात्र प्रशासन पूर्णपणे ठप्प झाल्याचे चित्र दिसून येत आहे. सरपंच पदाचा कार्यकाळ संपल्यानंतर गावाचा कारभार प्रशासकांच्या हाती देण्यात आला असला तरी संबंधित अधिकारी गावाकडे फिरकूनही पाहत नसल्याने ग्रामस्थांमध्ये तीव्र नाराजी पसरली आहे. प्रारंभी विस्तार अधिकारी कैलास पद्मणे यांच्याकडे प्रशासक पदभार होता, त्यानंतर सध्या बांधकाम अभियंता सागर घाडगे यांच्याकडे हा कारभार सोपविण्यात आला आहे. मात्र, बांधकाम विभागाचा आधीच मोठा व्याप असताना अतिरिक्त जबाबदारी दिल्यामुळे ते फुलउमरी ग्रामपंचायतीच्या कामकाजाकडे दुर्लक्ष करत असल्याचा आरोप ग्रामस्थांकडून करण्यात येत आहे. ग्रामपंचायत कार्यालयात अधिकारी अनुपस्थित राहत असल्यामुळे नागरिकांना विविध कामांसाठी वारंवार फेऱ्या माराव्या लागत आहेत. पाणीपुरवठा, स्वच्छता, विकासकामे यासारखी मूलभूत कामे रखडली असून गावातील सर्वसामान्य नागरिकांना याचा मोठा त्रास सहन करावा लागत आहे. यामुळे ग्रामस्थांनी प्रशासनाविरोधात नाराजी व्यक्त करत, प्रशासकांनी आठवड्यातून किमान दोन दिवस तरी ग्रामपंचायत कार्यालयात उपस्थित राहून नागरिकांच्या समस्या तातडीने सोडवाव्यात, अशी जोरदार मागणी केली आहे. अन्यथा आंदोलनाचा इशाराही ग्रामस्थांनी दिला आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

9 hrs ago

फुलउमरी ग्रामपंचायतीत प्रशासक राजचा फज्जा अधिकारी गायब, ग्रामस्थ हैराण! मानोरा : पंचायत समिती अंतर्गत येणाऱ्या फुलउमरी ग्रामपंचायतीमध्ये गेल्या दोन वर्षांपासून प्रशासक राज सुरू असून, प्रत्यक्षात मात्र प्रशासन पूर्णपणे ठप्प झाल्याचे चित्र दिसून येत आहे. सरपंच पदाचा कार्यकाळ संपल्यानंतर गावाचा कारभार प्रशासकांच्या हाती देण्यात आला असला तरी संबंधित अधिकारी गावाकडे फिरकूनही पाहत नसल्याने ग्रामस्थांमध्ये तीव्र नाराजी पसरली आहे. प्रारंभी विस्तार अधिकारी कैलास पद्मणे यांच्याकडे प्रशासक पदभार होता, त्यानंतर सध्या बांधकाम अभियंता सागर घाडगे यांच्याकडे हा कारभार सोपविण्यात आला आहे. मात्र, बांधकाम विभागाचा आधीच मोठा व्याप असताना अतिरिक्त जबाबदारी दिल्यामुळे ते फुलउमरी ग्रामपंचायतीच्या कामकाजाकडे दुर्लक्ष करत असल्याचा आरोप ग्रामस्थांकडून करण्यात येत आहे. ग्रामपंचायत कार्यालयात अधिकारी अनुपस्थित राहत असल्यामुळे नागरिकांना विविध कामांसाठी वारंवार फेऱ्या माराव्या लागत आहेत. पाणीपुरवठा, स्वच्छता, विकासकामे यासारखी मूलभूत कामे रखडली असून गावातील सर्वसामान्य नागरिकांना याचा मोठा त्रास सहन करावा लागत आहे. यामुळे ग्रामस्थांनी प्रशासनाविरोधात नाराजी व्यक्त करत, प्रशासकांनी आठवड्यातून किमान दोन दिवस तरी ग्रामपंचायत कार्यालयात उपस्थित राहून नागरिकांच्या समस्या तातडीने सोडवाव्यात, अशी जोरदार मागणी केली आहे. अन्यथा आंदोलनाचा इशाराही ग्रामस्थांनी दिला आहे.