കണ്ണൂരില്‍ റോഡില്‍ മലിനജലം ഒഴുക്കി മത്സ്യലോറിയുടെ യാത്ര: ദൃശ്യങ്ങള്‍ പകര്‍ത്തി ഇടുക്കി കളക്ടര്‍, 25,000 രൂപ പിഴ റോഡില്‍ മലിനജലം ഒഴുക്കി യാത്ര ചെയ്ത മത്സ്യലോറിക്ക് 25,000 രൂപ പിഴ ചുമത്തി ജില്ലാ എൻഫോഴ്സ്മെന്റ് സ്ക്വാഡ്.ഇടുക്കി ജില്ലാ കളക്ടറുടെ സമയബന്ധിതമായ ഇടപെടലിനെ തുടർന്നാണ് അടിയന്തര നടപടിയുണ്ടായത്. ഏഴോം - കുപ്പം റോഡില്‍ തളിപ്പറമ്പ് ഭാഗത്തേക്ക് മത്സ്യം കൊണ്ടുപോകുകയായിരുന്ന KA 20 AB 7660 എന്ന രജിസ്ട്രേഷനിലുള്ള വാഹനമാണ് നിയമലംഘനം നടത്തിയത്. ലോറിക്ക് പിന്നാലെ സ്വകാര്യ വാഹനത്തില്‍ സഞ്ചരിക്കുകയായിരുന്നു ഇടുക്കി ജില്ലാ കളക്ടർ. റോഡിലാകെ ദുർഗന്ധം വമിക്കുന്ന രീതിയില്‍ മലിനജലം ഒഴുകുന്നത് പിന്നില്‍ സഞ്ചരിക്കുന്ന കളക്ടറുടെ ശ്രദ്ധയില്‍പ്പെടുകയായിരുന്നു. തുടർന്ന് കളക്ടർ തന്നെ തല്‍സമയ ദൃശ്യങ്ങള്‍ പകർത്തി തദ്ദേശ സ്വയംഭരണ വകുപ്പിന്റെ കണ്ണൂർ ജില്ലാ എൻഫോഴ്സ്മെന്റ് സ്ക്വാഡിന് കൈമാറുകയായിരുന്നു.വിവരമറിഞ്ഞ ഉടൻ തന്നെ എൻഫോഴ്സ്മെന്റ് സ്ക്വാഡ് വാഹന ഉടമയെ ബന്ധപ്പെടുകയും നിയമലംഘനം സ്ഥിരീകരിക്കുകയും ചെയ്തു. പരിസ്ഥിതിക്കും പൊതുജനാരോഗ്യത്തിനും ഭീഷണിയാകുന്ന രീതിയില്‍ പ്രവർത്തിച്ചതിന് വാഹന ഉടമയ്ക്കെതിരെ 25,000 രൂപ പിഴ ചുമത്തി. മേല്‍നടപടികള്‍ സ്വീകരിക്കുന്നതിനായി വിഷയം തളിപ്പറമ്പ് മുനിസിപ്പാലിറ്റിക്ക് കൈമാറിയിട്ടുണ്ട്. ജില്ലാ എൻഫോഴ്സ്മെൻ്റ് സ്ക്വാഡ് ലീഡർ അഷ്റഫ് പി.പി., ക്ലീൻ സിറ്റി മാനേജർ രഞ്ജിത്ത് എന്നിവരുടെ നേതൃത്വത്തിലാണ് നടപടികള്‍ പൂർത്തിയാക്കിയത്. പൊതുനിരത്തുകളിലും ജലാശയങ്ങളിലും മാലിന്യം തള്ളുന്നവർക്കെതിരെ കർശന നടപടി തുടരുമെന്നും ഇത്തരം നിയമലംഘനങ്ങള്‍ നടത്തുന്നവരുടെ വാഹനങ്ങള്‍ കണ്ടുകെട്ടുന്നത് ഉള്‍പ്പെടെയുള്ള കടുത്ത ശിക്ഷാനടപടികള്‍ സ്വീകരിക്കുമെന്നും അധികൃതർ മുന്നറിയിപ്പ് നല്‍കി.

Vijayan Vr

ഇടുക്കി, ഇടുക്കി, കേരളം•

7 hrs ago

കണ്ണൂരില്‍ റോഡില്‍ മലിനജലം ഒഴുക്കി മത്സ്യലോറിയുടെ യാത്ര: ദൃശ്യങ്ങള്‍ പകര്‍ത്തി ഇടുക്കി കളക്ടര്‍, 25,000 രൂപ പിഴ റോഡില്‍ മലിനജലം ഒഴുക്കി യാത്ര ചെയ്ത മത്സ്യലോറിക്ക് 25,000 രൂപ പിഴ ചുമത്തി ജില്ലാ എൻഫോഴ്സ്മെന്റ് സ്ക്വാഡ്.ഇടുക്കി ജില്ലാ കളക്ടറുടെ സമയബന്ധിതമായ ഇടപെടലിനെ തുടർന്നാണ് അടിയന്തര നടപടിയുണ്ടായത്. ഏഴോം - കുപ്പം റോഡില്‍ തളിപ്പറമ്പ് ഭാഗത്തേക്ക് മത്സ്യം കൊണ്ടുപോകുകയായിരുന്ന KA 20 AB 7660 എന്ന രജിസ്ട്രേഷനിലുള്ള വാഹനമാണ് നിയമലംഘനം നടത്തിയത്. ലോറിക്ക് പിന്നാലെ സ്വകാര്യ വാഹനത്തില്‍ സഞ്ചരിക്കുകയായിരുന്നു ഇടുക്കി ജില്ലാ കളക്ടർ. റോഡിലാകെ ദുർഗന്ധം വമിക്കുന്ന രീതിയില്‍ മലിനജലം ഒഴുകുന്നത് പിന്നില്‍ സഞ്ചരിക്കുന്ന കളക്ടറുടെ ശ്രദ്ധയില്‍പ്പെടുകയായിരുന്നു. തുടർന്ന് കളക്ടർ തന്നെ തല്‍സമയ ദൃശ്യങ്ങള്‍ പകർത്തി തദ്ദേശ സ്വയംഭരണ വകുപ്പിന്റെ കണ്ണൂർ ജില്ലാ എൻഫോഴ്സ്മെന്റ് സ്ക്വാഡിന് കൈമാറുകയായിരുന്നു.വിവരമറിഞ്ഞ ഉടൻ തന്നെ എൻഫോഴ്സ്മെന്റ് സ്ക്വാഡ് വാഹന ഉടമയെ ബന്ധപ്പെടുകയും നിയമലംഘനം സ്ഥിരീകരിക്കുകയും ചെയ്തു. പരിസ്ഥിതിക്കും പൊതുജനാരോഗ്യത്തിനും ഭീഷണിയാകുന്ന രീതിയില്‍ പ്രവർത്തിച്ചതിന് വാഹന ഉടമയ്ക്കെതിരെ 25,000 രൂപ പിഴ ചുമത്തി. മേല്‍നടപടികള്‍ സ്വീകരിക്കുന്നതിനായി വിഷയം തളിപ്പറമ്പ് മുനിസിപ്പാലിറ്റിക്ക് കൈമാറിയിട്ടുണ്ട്. ജില്ലാ എൻഫോഴ്സ്മെൻ്റ് സ്ക്വാഡ് ലീഡർ അഷ്റഫ് പി.പി., ക്ലീൻ സിറ്റി മാനേജർ രഞ്ജിത്ത് എന്നിവരുടെ നേതൃത്വത്തിലാണ് നടപടികള്‍ പൂർത്തിയാക്കിയത്. പൊതുനിരത്തുകളിലും ജലാശയങ്ങളിലും മാലിന്യം തള്ളുന്നവർക്കെതിരെ കർശന നടപടി തുടരുമെന്നും ഇത്തരം നിയമലംഘനങ്ങള്‍ നടത്തുന്നവരുടെ വാഹനങ്ങള്‍ കണ്ടുകെട്ടുന്നത് ഉള്‍പ്പെടെയുള്ള കടുത്ത ശിക്ഷാനടപടികള്‍ സ്വീകരിക്കുമെന്നും അധികൃതർ മുന്നറിയിപ്പ് നല്‍കി.