સુરતના ગોડાદરાના પટેલ નગર ખાતે પૂરની પરિસ્થિતિને પગલે અસરગ્રસ્ત થયેલા પરિવારોને ત્વરિત રાહત પહોંચાડવા માટે કેન્દ્રીય જળ શક્તિ મંત્રી સી. આર. પાટીલના હસ્તે કેશ ડોલ્સ તેમજ ઘરવખરીના નુકસાન સામે આર્થિક સહાયનું વિતરણ કરવામાં આવ્યું છે. આ પ્રસંગે ગુજરાતના જિલ્લા પ્રભારી અને નાણા મંત્રી કનુભાઈ દેસાઈની પ્રેરક ઉપસ્થિતિ રહી હતી. બંને મંત્રીઓએ પૂર પ્રભાવિત વિસ્તારોની રૂબરૂ મુલાકાત લઈને પરિસ્થિતિની સમીક્ષા કરી હતી અને અસરગ્રસ્ત પરિવારોને મળીને સાંત્વના પાઠવી હતી. કેન્દ્રીય જળશક્તિ મંત્રીએ જણાવ્યું હતું કે, કુદરતી આપદાના સમયે સરકાર નાગરિકોની પડખે મક્કમતાથી ઊભી છે. સુરત શહેર અને ઉપરવાસમાં ભારે વરસાદથી પૂરના કારણે આર્થિક નુકસાન વેઠનારા પરિવારો વહેલી તકે પોતાનું સામાન્ય જીવન પુનઃ શરૂ કરી શકે તે માટે વહીવટી તંત્ર દ્વારા ઝડપી સર્વે કરીને વિના વિલંબે સહાય ચૂકવવામાં આવી રહી છે. તેમણે વધુમાં જણાવ્યું કે વડાપ્રધાન નરેન્દ્ર મોદીના નિર્દેશ બાદ મુખ્યમંત્રી ભૂપેન્દ્રભાઈ પટેલે રૂબરૂ સુરત અને નવસારીની મુલાકાત લઈને સ્થિતિની સમીક્ષા કરી છે અને દરેક પ્રભાવિત વિસ્તારમાં તાત્કાલિક સહાય પહોંચાડવા માટે સર્વેની કામગીરી યુદ્ધના ધોરણે શરૂ કરી દેવામાં આવી છે. મંત્રીશ્રીએ 'સ્વચ્છ સુરત'ને ફરીથી બેઠું કરવામાં મોટું યોગદાન આપનાર સફાઈ કર્મીઓ, જિલ્લા વહીવટી તંત્ર, મહાનગરપાલિકા અને જાગૃત શહેરીજનોના યોગદાનની પણ સરાહના કરી હતી. સરકાર દ્વારા સમયસર મળેલી આ આર્થિક સહાય બદલ સ્થાનિક રહીશોએ આભાર વ્યક્ત કર્યો હતો. આ પ્રસંગે મેયર માયાબેન માવાણી, ધારાસભ્ય સંગીતાબેન પાટીલ, ડેપ્યુટી મેયર સુધાકરભાઈ ચૌધરી, સ્થાયી સમિતિ ચેરમેન રાજનભાઈ પટેલ, જિલ્લા કલેકટર તેજસ પરમાર, નિવાસી અધિક કલેક્ટર વિજય રબારી, પ્રાંત અધિકારી વી. જે. ભંડારી અને શહેર સંગઠન પ્રમુખ પરેશભાઈ પટેલ સહિતના અધિકારીઓ અને સ્થાનિક અગ્રણીઓ ઉપસ્થિત રહ્યા હતા.

Vagadiya chintan dilipbhai

બોટાદ, બોટાદ, ગુજરાત•

1 hr ago

સુરતના ગોડાદરાના પટેલ નગર ખાતે પૂરની પરિસ્થિતિને પગલે અસરગ્રસ્ત થયેલા પરિવારોને ત્વરિત રાહત પહોંચાડવા માટે કેન્દ્રીય જળ શક્તિ મંત્રી સી. આર. પાટીલના હસ્તે કેશ ડોલ્સ તેમજ ઘરવખરીના નુકસાન સામે આર્થિક સહાયનું વિતરણ કરવામાં આવ્યું છે. આ પ્રસંગે ગુજરાતના જિલ્લા પ્રભારી અને નાણા મંત્રી કનુભાઈ દેસાઈની પ્રેરક ઉપસ્થિતિ રહી હતી. બંને મંત્રીઓએ પૂર પ્રભાવિત વિસ્તારોની રૂબરૂ મુલાકાત લઈને પરિસ્થિતિની સમીક્ષા કરી

હતી અને અસરગ્રસ્ત પરિવારોને મળીને સાંત્વના પાઠવી હતી. કેન્દ્રીય જળશક્તિ મંત્રીએ જણાવ્યું હતું કે, કુદરતી આપદાના સમયે સરકાર નાગરિકોની પડખે મક્કમતાથી ઊભી છે. સુરત શહેર અને ઉપરવાસમાં ભારે વરસાદથી પૂરના કારણે આર્થિક નુકસાન વેઠનારા પરિવારો વહેલી તકે પોતાનું સામાન્ય જીવન પુનઃ શરૂ કરી શકે તે માટે વહીવટી તંત્ર દ્વારા ઝડપી સર્વે કરીને વિના વિલંબે સહાય ચૂકવવામાં આવી રહી છે. તેમણે વધુમાં

જણાવ્યું કે વડાપ્રધાન નરેન્દ્ર મોદીના નિર્દેશ બાદ મુખ્યમંત્રી ભૂપેન્દ્રભાઈ પટેલે રૂબરૂ સુરત અને નવસારીની મુલાકાત લઈને સ્થિતિની સમીક્ષા કરી છે અને દરેક પ્રભાવિત વિસ્તારમાં તાત્કાલિક સહાય પહોંચાડવા માટે સર્વેની કામગીરી યુદ્ધના ધોરણે શરૂ કરી દેવામાં આવી છે. મંત્રીશ્રીએ 'સ્વચ્છ સુરત'ને ફરીથી બેઠું કરવામાં મોટું યોગદાન આપનાર સફાઈ કર્મીઓ, જિલ્લા વહીવટી તંત્ર, મહાનગરપાલિકા અને જાગૃત શહેરીજનોના યોગદાનની પણ સરાહના કરી હતી. સરકાર

દ્વારા સમયસર મળેલી આ આર્થિક સહાય બદલ સ્થાનિક રહીશોએ આભાર વ્યક્ત કર્યો હતો. આ પ્રસંગે મેયર માયાબેન માવાણી, ધારાસભ્ય સંગીતાબેન પાટીલ, ડેપ્યુટી મેયર સુધાકરભાઈ ચૌધરી, સ્થાયી સમિતિ ચેરમેન રાજનભાઈ પટેલ, જિલ્લા કલેકટર તેજસ પરમાર, નિવાસી અધિક કલેક્ટર વિજય રબારી, પ્રાંત અધિકારી વી. જે. ભંડારી અને શહેર સંગઠન પ્રમુખ પરેશભાઈ પટેલ સહિતના અધિકારીઓ અને સ્થાનિક અગ્રણીઓ ઉપસ્થિત રહ્યા હતા.