भारतीय कृषी क्षेत्रात तंत्रज्ञानाच्या माध्यमातून उल्लेखनीय योगदान देणाऱ्या शॉप्शन प्रा. लि. पुणे या अग्रगण्य ॲग्रीटेक कंपनीला ॲग्रिकल्चर टुडे कॉन्क्लेव्ह २०२६ मध्ये प्रतिष्ठेचा ‘स्टार्टअप लीडरशिप अवॉर्ड’ प्रदान करण्यात आला आहे. अहमदनगर जिल्ह्यातील कर्जत तालुक्याचे मूळ रहिवासी असलेले कंपनीचे संस्थापक आणि मुख्य कार्यकारी अधिकारी शरद रामदास काळे यांच्या दूरदर्शी नेतृत्वाचा या निमित्ताने राष्ट्रीय स्तरावर गौरव करण्यात आला. हा पुरस्कार भारताचे संरक्षणमंत्री राजनाथ सिंह यांच्या हस्ते प्रदान करण्यात आला असून या सोहळ्याला राजस्थानचे राज्यपाल हरिभाऊ किसनराव बागडे, उत्तर प्रदेशचे कृषिमंत्री सूर्य प्रताप शाही, गुजरातचे कृषिमंत्री राघवजी पटेल यांच्यासह कृषी, उद्योग व सार्वजनिक क्षेत्रातील अनेक मान्यवर उपस्थित होते. शरद काळे हे २०१३ मध्ये पुणे विद्यापीठाच्या सॉफ्टवेअर इंजिनिअर शाखेतील गोल्ड मेडलिस्ट आहेत. त्यांनी महाविद्यालयीन शिक्षणादरम्यानच आपल्या पहिल्या कंपनीची स्थापना करून उद्योजकीय प्रवासाला सुरुवात केली होती. शेतकऱ्यांसाठी तंत्रज्ञानावर आधारित सुलभ सोल्यूशन्स देण्याच्या उद्देशाने त्यांनी पुढे 'शॉप्शन' ची स्थापना केली. मजबूत डीलर नेटवर्कच्या माध्यमातून आधुनिक उपाय आणि कृषी उत्पादने शेतकऱ्यांपर्यंत पोहोचवल्याबद्दल कंपनीला हा पुरस्कार मिळाला आहे. पुरस्कार स्वीकारल्यानंतर काळे यांनी हा सन्मान शेतकरी, डीलर, गुंतवणूकदार आणि आपल्या संपूर्ण टीमला समर्पित केला. सध्या शॉप्शन २५ राज्यांमध्ये कार्यरत असून ५५ हजारांहून अधिक कृषी विक्रेत्यांच्या नेटवर्कद्वारे सेवा पुरवत आहे. तसेच कंपनीच्या 'GBRU' ब्रँडअंतर्गत ३५० हून अधिक कृषी उत्पादने देशभरात पोहोचत आहेत.

संस्कार न्यूज

Advertising agency कर्जत, अहमदनगर, महाराष्ट्र•

5 hrs ago

भारतीय कृषी क्षेत्रात तंत्रज्ञानाच्या माध्यमातून उल्लेखनीय योगदान देणाऱ्या शॉप्शन प्रा. लि. पुणे या अग्रगण्य ॲग्रीटेक कंपनीला ॲग्रिकल्चर टुडे कॉन्क्लेव्ह २०२६ मध्ये प्रतिष्ठेचा ‘स्टार्टअप लीडरशिप अवॉर्ड’ प्रदान करण्यात आला आहे. अहमदनगर जिल्ह्यातील कर्जत तालुक्याचे मूळ रहिवासी असलेले कंपनीचे संस्थापक आणि मुख्य कार्यकारी अधिकारी शरद रामदास काळे यांच्या दूरदर्शी नेतृत्वाचा या निमित्ताने राष्ट्रीय स्तरावर गौरव करण्यात आला. हा पुरस्कार भारताचे संरक्षणमंत्री राजनाथ सिंह यांच्या हस्ते प्रदान करण्यात आला असून या सोहळ्याला राजस्थानचे राज्यपाल हरिभाऊ किसनराव बागडे, उत्तर प्रदेशचे कृषिमंत्री सूर्य प्रताप शाही, गुजरातचे कृषिमंत्री राघवजी पटेल यांच्यासह कृषी, उद्योग व सार्वजनिक क्षेत्रातील अनेक मान्यवर उपस्थित होते. शरद काळे हे २०१३ मध्ये पुणे विद्यापीठाच्या सॉफ्टवेअर इंजिनिअर शाखेतील गोल्ड मेडलिस्ट आहेत. त्यांनी महाविद्यालयीन शिक्षणादरम्यानच आपल्या पहिल्या कंपनीची स्थापना करून उद्योजकीय प्रवासाला सुरुवात केली होती. शेतकऱ्यांसाठी तंत्रज्ञानावर आधारित सुलभ सोल्यूशन्स देण्याच्या उद्देशाने त्यांनी पुढे 'शॉप्शन' ची स्थापना केली. मजबूत डीलर नेटवर्कच्या माध्यमातून आधुनिक उपाय आणि कृषी उत्पादने शेतकऱ्यांपर्यंत पोहोचवल्याबद्दल कंपनीला हा पुरस्कार मिळाला आहे. पुरस्कार स्वीकारल्यानंतर काळे यांनी हा सन्मान शेतकरी, डीलर, गुंतवणूकदार आणि आपल्या संपूर्ण टीमला समर्पित केला. सध्या शॉप्शन २५ राज्यांमध्ये कार्यरत असून ५५ हजारांहून अधिक कृषी विक्रेत्यांच्या नेटवर्कद्वारे सेवा पुरवत आहे. तसेच कंपनीच्या 'GBRU' ब्रँडअंतर्गत ३५० हून अधिक कृषी उत्पादने देशभरात पोहोचत आहेत.