मराठवाडा हायस्कूलमध्ये छत्रपती संभाजी महाराज पुण्यतिथीनिमित्त बलिदान मास साजरा परभणी (प्रतिनिधी) : “जगावे कसे हे छत्रपती शिवाजी महाराज यांनी शिकवले आणि देश-धर्मासाठी मरावे कसे हे छत्रपती संभाजी महाराज यांनी जगाला दाखवून दिले,” असे प्रेरणादायी विचार प्रमुख वक्ते शिवप्रसाद कोरे यांनी व्यक्त केले. नूतन विद्या समिती संचलित मराठवाडा हायस्कूल, शिवाजीनगर (परभणी) येथे छत्रपती संभाजी महाराज यांच्या पुण्यतिथीनिमित्त बलिदान मास कार्यक्रम उत्साहात साजरा करण्यात आला. कार्यक्रमाच्या अध्यक्षस्थानी पर्यवेक्षक शिवाजी आरळकर होते. यावेळी पर्यवेक्षक सूर्यकांत पाटील, सहाय्यक पर्यवेक्षक सुनील रामपूरकर, सहाय्यक पर्यवेक्षक नंदकिशोर साळवे तसेच विद्यार्थी संसदेचे प्रतिनिधी श्रीपाद कुलकर्णी यांची प्रमुख उपस्थिती होती. प्रमुख वक्ते शिवप्रसाद कोरे यांनी मार्गदर्शन करताना छत्रपती संभाजी महाराज यांच्या पराक्रम, शौर्य आणि त्यागमय जीवनाचा सविस्तर आढावा घेतला. शंभूराजे हे केवळ पराक्रमी योद्धे नव्हते, तर स्वाभिमान, विद्वत्ता आणि धर्मनिष्ठेचे प्रतीक होते. स्वराज्यावर आलेल्या प्रत्येक संकटाला त्यांनी निर्भयपणे सामोरे जात मुघल बादशहा औरंगजेब यांच्या प्रबळ साम्राज्याशी धैर्याने सामना केला, असे त्यांनी सांगितले. तसेच धर्म, स्वाभिमान आणि स्वराज्य रक्षणासाठी शंभूराजांनी अमानुष अत्याचार सहन केले; मात्र धर्मांतर स्वीकारले नाही. त्यामुळे त्यांचे बलिदान इतिहासात अद्वितीय असल्याचे कोरे यांनी नमूद केले. शंभूराजांनी लिहिलेला बुधभूषण हा ग्रंथ त्यांच्या विद्वत्तेचा पुरावा असल्याचेही त्यांनी सांगितले. कार्यक्रमाच्या शेवटी पर्यवेक्षक शिवाजी आरळकर यांनी विद्यार्थ्यांना प्रेरणामंत्र दिला. कार्यक्रमाचे आभार प्रदर्शन श्रीपाद कुलकर्णी यांनी केले. या कार्यक्रमाच्या यशस्वीतेसाठी विशाल धानोरकर, प्रदीप मुळे, श्री बिरादार, गणेश सूर्यवंशी, सुनील तुरुकमाने, गोपाळ रोडे, अविनाश जाधव, विनोद लोलगे, गणेश काळबांडे, गिरीश देशपांडे, अभिजीत कुलकर्णी, संजय नागरे, सुडके, सुधाकर रेडगे तसेच सर्व शिक्षक व कर्मचारी यांनी विशेष परिश्रम घेतले. कार्यक्रमास मोठ्या संख्येने शिक्षक व विद्यार्थी उपस्थित होते. या उपक्रमामुळे विद्यार्थ्यांमध्ये छत्रपती संभाजी महाराज यांच्या पराक्रम, शौर्य व बलिदानाबद्दल अभिमान आणि प्रेरणा निर्माण झाली.

Kapil Ashokrao Shinde

मानवत, परभणी, महाराष्ट्र•

2 hrs ago

मराठवाडा हायस्कूलमध्ये छत्रपती संभाजी महाराज पुण्यतिथीनिमित्त बलिदान मास साजरा परभणी (प्रतिनिधी) : “जगावे कसे हे छत्रपती शिवाजी महाराज यांनी शिकवले आणि देश-धर्मासाठी मरावे कसे हे छत्रपती संभाजी महाराज यांनी जगाला दाखवून दिले,” असे प्रेरणादायी विचार प्रमुख वक्ते शिवप्रसाद कोरे यांनी व्यक्त केले. नूतन विद्या समिती संचलित मराठवाडा हायस्कूल, शिवाजीनगर (परभणी) येथे छत्रपती संभाजी महाराज यांच्या पुण्यतिथीनिमित्त बलिदान मास कार्यक्रम उत्साहात साजरा करण्यात आला. कार्यक्रमाच्या अध्यक्षस्थानी पर्यवेक्षक शिवाजी आरळकर होते. यावेळी पर्यवेक्षक सूर्यकांत पाटील, सहाय्यक पर्यवेक्षक सुनील रामपूरकर, सहाय्यक पर्यवेक्षक नंदकिशोर साळवे तसेच विद्यार्थी संसदेचे प्रतिनिधी श्रीपाद कुलकर्णी यांची प्रमुख उपस्थिती होती. प्रमुख वक्ते शिवप्रसाद कोरे यांनी मार्गदर्शन करताना छत्रपती संभाजी महाराज यांच्या पराक्रम, शौर्य आणि त्यागमय जीवनाचा सविस्तर आढावा घेतला. शंभूराजे हे केवळ पराक्रमी योद्धे नव्हते, तर स्वाभिमान, विद्वत्ता आणि धर्मनिष्ठेचे प्रतीक होते. स्वराज्यावर आलेल्या प्रत्येक संकटाला त्यांनी निर्भयपणे सामोरे जात मुघल बादशहा औरंगजेब यांच्या प्रबळ साम्राज्याशी धैर्याने सामना केला, असे त्यांनी सांगितले. तसेच धर्म, स्वाभिमान आणि स्वराज्य रक्षणासाठी शंभूराजांनी अमानुष अत्याचार सहन केले; मात्र धर्मांतर स्वीकारले नाही. त्यामुळे त्यांचे बलिदान इतिहासात अद्वितीय असल्याचे कोरे यांनी नमूद केले. शंभूराजांनी लिहिलेला बुधभूषण हा ग्रंथ त्यांच्या विद्वत्तेचा पुरावा असल्याचेही त्यांनी सांगितले. कार्यक्रमाच्या शेवटी पर्यवेक्षक शिवाजी आरळकर यांनी विद्यार्थ्यांना प्रेरणामंत्र दिला. कार्यक्रमाचे आभार प्रदर्शन श्रीपाद कुलकर्णी यांनी केले. या कार्यक्रमाच्या यशस्वीतेसाठी विशाल धानोरकर, प्रदीप मुळे, श्री बिरादार, गणेश सूर्यवंशी, सुनील तुरुकमाने, गोपाळ रोडे, अविनाश जाधव, विनोद लोलगे, गणेश काळबांडे, गिरीश देशपांडे, अभिजीत कुलकर्णी, संजय नागरे, सुडके, सुधाकर रेडगे तसेच सर्व शिक्षक व कर्मचारी यांनी विशेष परिश्रम घेतले. कार्यक्रमास मोठ्या संख्येने शिक्षक व विद्यार्थी उपस्थित होते. या उपक्रमामुळे विद्यार्थ्यांमध्ये छत्रपती संभाजी महाराज यांच्या पराक्रम, शौर्य व बलिदानाबद्दल अभिमान आणि प्रेरणा निर्माण झाली.