प्रलंबित कामे, तक्रारी तातडीने निकाली काढा महापौर हिमगौरी आहेर-आडके यांच्या अध्यक्षतेखाली आढावा बैठक; गणेशोत्सव व सिंहस्थाच्या तयारीलाही गती नाशिक नाशिक महानगरपालिकेच्या विविध विभागांतील प्रलंबित कामे आणि नागरिकांच्या तक्रारी तातडीने निकाली काढण्याचे निर्देश महापौर हिमगौरी आहेर-आडके यांनी दिले. त्यांच्या अध्यक्षतेखाली झालेल्या आढावा बैठकीत गणेशोत्सव तसेच आगामी सण-उत्सवांची पूर्वतयारी, सिंहस्थ कुंभमेळ्याच्या कामांचे नियोजन, शहर स्वच्छता, अतिक्रमण निर्मूलन आणि विविध नागरी प्रश्नांचा सविस्तर आढावा घेण्यात आला. बैठकीस उपमहापौर विलास शिंदे, स्थायी समिती सभापती मच्छिंद्र सानप आणि महापालिका आयुक्त मनीषा खत्री यांची प्रमुख उपस्थिती होती. NMC E-Connect ॲपवर नागरिकांकडून प्राप्त होणाऱ्या तक्रारींचा विभागनिहाय आढावा घेण्यात आला. नागरिकांच्या तक्रारी प्रलंबित राहणार नाहीत, याची दक्षता घेऊन संबंधित विभागांनी तातडीने कार्यवाही करावी, अशा सूचना महापौरांनी दिल्या. नागरिकांना आवश्यक सेवा वेळेत मिळाव्यात आणि विविध विभागांमध्ये योग्य समन्वय राहावा, यावरही बैठकीत भर देण्यात आला. १७ सप्टेंबरपासून ‘सेवा संकल्प अभियान’ नाशिक महानगरपालिका क्षेत्रात १७ सप्टेंबरपासून ‘सेवा संकल्प अभियान’ राबविण्यात येणार आहे. महाराष्ट्र शासनाच्या निर्देशानुसार हे अभियान १७ सप्टेंबर ते १७ ऑक्टोबर २०२६ या कालावधीत होणार आहे. या अभियानांतर्गत नागरिकांना विविध सेवा-सुविधा अधिक सुलभपणे उपलब्ध करून देण्याबरोबरच ‘सेवा माझे योगदान’ उपक्रमातून लोकसहभाग वाढविण्यात येणार आहे. स्वच्छता, वृक्षारोपण, आरोग्य तपासणी, प्लास्टिकमुक्ती, रस्ते सुरक्षा, जलसंधारण, जलस्रोत स्वच्छता, कचरा वर्गीकरण व कंपोस्टिंग, महिला आरोग्य व स्वच्छता तसेच ज्येष्ठ नागरिकांसाठी डिजिटल साक्षरता यांसारखे उपक्रम राबविण्यात येणार आहेत. स्थानिक गरजांनुसार उपक्रम महापालिका क्षेत्रातील स्थानिक गरजा लक्षात घेऊन अभियानाचे नियोजन करण्यात येणार आहे. नागरिकांचा सक्रिय सहभाग घेऊन विविध सेवाभावी व नागरिकोपयोगी उपक्रमांना व्यापक स्वरूप देण्याच्या सूचना विभागांना देण्यात आल्या. अभियानाच्या कालावधीत नियोजनबद्ध पद्धतीने उपक्रम राबवून त्याची वेळेत पूर्तता करावी आणि त्याचा थेट लाभ नागरिकांपर्यंत पोहोचवावा, असेही निर्देश देण्यात आले.

Anil GUNJAL

नाशिक, नाशिक, महाराष्ट्र•

14 hrs ago

प्रलंबित कामे, तक्रारी तातडीने निकाली काढा महापौर हिमगौरी आहेर-आडके यांच्या अध्यक्षतेखाली आढावा बैठक; गणेशोत्सव व सिंहस्थाच्या तयारीलाही गती नाशिक नाशिक महानगरपालिकेच्या विविध विभागांतील प्रलंबित कामे आणि नागरिकांच्या तक्रारी तातडीने निकाली काढण्याचे निर्देश महापौर हिमगौरी आहेर-आडके यांनी दिले. त्यांच्या अध्यक्षतेखाली झालेल्या आढावा बैठकीत गणेशोत्सव तसेच आगामी सण-उत्सवांची पूर्वतयारी, सिंहस्थ कुंभमेळ्याच्या कामांचे नियोजन, शहर स्वच्छता, अतिक्रमण निर्मूलन आणि विविध नागरी प्रश्नांचा सविस्तर आढावा घेण्यात आला. बैठकीस उपमहापौर विलास शिंदे, स्थायी समिती सभापती मच्छिंद्र सानप आणि महापालिका आयुक्त मनीषा खत्री यांची प्रमुख उपस्थिती होती. NMC E-Connect ॲपवर नागरिकांकडून

प्राप्त होणाऱ्या तक्रारींचा विभागनिहाय आढावा घेण्यात आला. नागरिकांच्या तक्रारी प्रलंबित राहणार नाहीत, याची दक्षता घेऊन संबंधित विभागांनी तातडीने कार्यवाही करावी, अशा सूचना महापौरांनी दिल्या. नागरिकांना आवश्यक सेवा वेळेत मिळाव्यात आणि विविध विभागांमध्ये योग्य समन्वय राहावा, यावरही बैठकीत भर देण्यात आला. १७ सप्टेंबरपासून ‘सेवा संकल्प अभियान’ नाशिक महानगरपालिका क्षेत्रात १७ सप्टेंबरपासून ‘सेवा संकल्प अभियान’ राबविण्यात येणार आहे. महाराष्ट्र शासनाच्या निर्देशानुसार हे अभियान १७ सप्टेंबर ते १७ ऑक्टोबर २०२६ या कालावधीत होणार आहे. या अभियानांतर्गत नागरिकांना विविध सेवा-सुविधा अधिक सुलभपणे उपलब्ध करून देण्याबरोबरच ‘सेवा माझे योगदान’

उपक्रमातून लोकसहभाग वाढविण्यात येणार आहे. स्वच्छता, वृक्षारोपण, आरोग्य तपासणी, प्लास्टिकमुक्ती, रस्ते सुरक्षा, जलसंधारण, जलस्रोत स्वच्छता, कचरा वर्गीकरण व कंपोस्टिंग, महिला आरोग्य व स्वच्छता तसेच ज्येष्ठ नागरिकांसाठी डिजिटल साक्षरता यांसारखे उपक्रम राबविण्यात येणार आहेत. स्थानिक गरजांनुसार उपक्रम महापालिका क्षेत्रातील स्थानिक गरजा लक्षात घेऊन अभियानाचे नियोजन करण्यात येणार आहे. नागरिकांचा सक्रिय सहभाग घेऊन विविध सेवाभावी व नागरिकोपयोगी उपक्रमांना व्यापक स्वरूप देण्याच्या सूचना विभागांना देण्यात आल्या. अभियानाच्या कालावधीत नियोजनबद्ध पद्धतीने उपक्रम राबवून त्याची वेळेत पूर्तता करावी आणि त्याचा थेट लाभ नागरिकांपर्यंत पोहोचवावा, असेही निर्देश देण्यात आले.