એક ભુવાજીએ રમેલ દરમિયાન ધૂણતા-ધૂણતા ભવિષ્યવાણી કરી હતી કે ૨૪ તારીખની સાંજે વરસાદ થશે. જોકે, તેમણે કયા વર્ષે — પછી ભલે તે ૨૦૨૬ હોય કે ૨૦૨૭ — વરસાદ થશે તે સ્પષ્ટ કર્યું ન હતું.

સુરેન્દ્રનગર જિલ્લાના સાયલા હાઇવે પર SMC દ્વારા ઈંગ્લીશ દારૂ ઝડપી પાડવામાં આવ્યો છે.

ધાંગધ્રા તાલુકાના થળા ગામે વિદેશી દારૂનું વેચાણ થતું હોવાની મળેલી બાતમીના આધારે પોલીસે કાર્યવાહી હાથ ધરી હતી. પોલીસે એક રેણાકી મકાન પર દરોડો પાડી નાની-મોટી વિદેશી દારૂની બોટલો સહિત કુલ ₹18,860નો મુદ્દામાલ જપ્ત કર્યો હતો. આ મામલે, પોલીસે થળા ગામના રહેવાસી છત્રસિંહ ઉર્ફે સતુભા રાજુભા ઝાલાને ઝડપી પાડ્યો છે. વિદેશી દારૂ મોકલનાર અન્ય બે વ્યક્તિઓ વિરુદ્ધ પણ તાલુકા પોલીસ સ્ટેશનમાં ગુનો નોંધી કાયદેસરની કાર્યવાહી કરવામાં આવી છે.

મહેસાણામાં પૂર્વ નાયબ મુખ્યમંત્રી નીતિન પટેલ ટ્રાફિકમાં ફસાઈ ગયા હતા. એક કલાક સુધી ટ્રાફિક જામમાં ફસાયા બાદ તેમનો પિત્તો ગયો હતો. આ ઘટના બાદ નીતિન પટેલ સીધા કલોલ તાલુકા પોલીસ સ્ટેશન પહોંચ્યા હતા, જ્યાં તેમણે હાજર પોલીસ કર્મીઓને ખખડાવ્યા હતા. તેમણે સવાલ કર્યો કે જો ટ્રાફિક જામથી લોકો પરેશાન છે, તો પોલીસ શું કરી રહી છે.

પાટણ જિલ્લાના દાઉદપુર ગામમાં આવેલી પ્રાથમિક શાળા ખાતે શાળા પ્રવેશોત્સવ અને કન્યા કેળવણી મહોત્સવની ઉજવણી કરવામાં આવી હતી. આ કાર્યક્રમ દરમિયાન કુલ 13 વિદ્યાર્થીઓએ શાળામાં પ્રવેશ મેળવ્યો.

સુરેન્દ્રનગર જિલ્લાના મોરથળા ગામની સીમમાંથી ગેરકાયદે ખનન પ્રવૃત્તિ ઝડપાઈ છે.

Post by Pankaj Parmar

સમી તાલુકાના સોનાર ગામે ગૌચર જમીનમાં કેમિકલયુક્ત લાલચોળ પાણી ઠલવાતા ગ્રામજનોમાં ભારે રોષ ફાટી નીકળ્યો છે. આ લાલ કેમિકલયુક્ત પાણીને કારણે આજુબાજુના વિસ્તારમાં તીવ્ર દુર્ગંધ ફેલાઈ ગઈ છે, એટલું જ નહીં, પરંતુ કેમિકલના કારણે બનેલા ખાબોચિયામાં અબોલ પશુઓ માટે મોટું જોખમ ઊભું થયું છે. આ ઘટના બાદ ગ્રામલોકોએ વહીવટી તંત્ર સમક્ષ રજૂઆત કરી હતી. જેના પગલે તંત્ર દ્વારા સ્થળ પરથી સેમ્પલ લેવાની કવાયત હાથ ધરવામાં આવી છે. સમી તાલુકાના સોનાર ગામની ખાડીમાં કેમિકલ ઠલવાતા સમગ્ર વિસ્તારમાં ચકચાર મચી ગઈ છે.

સમીના સોનાર ગામની સીમ નજીક ગૌચરની ખાડીમાં એક ખાનગી કંપની દ્વારા કેમિકલ ઠાલવવામાં આવતા ગ્રામજનોમાં ભારે રોષ ફેલાયો છે. કેમિકલ ઠલવાતાની સાથે જ ખાડીનું પાણી ગુલાબી રંગનું થઈ ગયું હતું, અને તેની દુર્ગંધને કારણે ગ્રામજનોને શ્વાસ લેવામાં તકલીફ પડતી હોવાની પણ ફરિયાદ ઉઠી છે. આસપાસના ખેતરોમાં પણ આ કેમિકલની અસર થવાની આશંકા વ્યક્ત કરવામાં આવી છે. ગ્રામજનોની રજૂઆત મળતા GPCB, SDM અને મામલતદાર સહિતના અધિકારીઓ ઘટનાસ્થળે દોડી આવ્યા હતા. જોકે, આ દરમિયાન ગ્રામજનો અને અધિકારીઓ વચ્ચે ઉગ્ર રોષ જોવા મળ્યો હતો. GPCBની ટીમે ખાડીમાંથી કેમિકલના સેમ્પલ લીધા હતા, અને આસપાસના ખેતરોમાંથી પણ માટીના સેમ્પલ એકત્ર કર્યા હતા. ગ્રામજનોના ભારે રોષનો સામનો કરવો પડ્યો હોવાથી, અધિકારીઓ ગ્રામજનોના વધુ વિરોધનો ભોગ બને તે પહેલા સેમ્પલ લઈને તાત્કાલિક ત્યાંથી રવાના થઈ ગયા હતા.