గంగవరంలో మే 31న జరిగిన బహుజన ఆత్మీయ సమ్మేళనంలో, హైకోర్టు న్యాయవాది, ఆల్ ఇండియా అంబేద్కర్ యువజన సంఘం రాష్ట్ర అధ్యక్షులు చింతమాకుల పుణ్యమూర్తి, బహుజన సమాజాన్ని నిర్మించడం ఎస్సీ, ఎస్టీ, బీసీ, మైనార్టీల బాధ్యత అని ఉద్ఘాటించారు. బహుజన నాయకులు డి.వి. మునిరత్నం అధ్యక్షతన గంగవరం మండలం బ్రిడ్జ్ వద్ద గల ఎస్. ఫంక్షన్ హాలులో నిర్వహించిన ఈ కార్యక్రమంలో వివిధ ప్రాంతాల నుండి వందలాది మంది బహుజన నాయకులు హాజరయ్యారు. ఈ సందర్భంగా ప్రసంగించిన వక్తలు, భారతదేశానికి స్వాతంత్ర్యం వచ్చి సుమారు 76 సంవత్సరాలు గడిచినా, డాక్టర్ బాబాసాహెబ్ అంబేద్కర్ రచించిన రాజ్యాంగం ప్రకారం బహుజనులకు పూర్తిస్థాయిలో స్వేచ్ఛ, స్వాతంత్ర్యం లభించలేదని స్పష్టం చేశారు. ఇప్పటివరకు దేశాన్ని ఆధిపత్య కులాలు పరిపాలిస్తున్నాయని, బహుజనులు రాజ్యాధికారం చేపట్టలేదని వారు పేర్కొన్నారు. ఐదు సంవత్సరాలకు ఒకసారి ఎన్నికల సమయంలో ఆధిపత్య కులాలు మాయమాటలు చెప్పి బహుజనులను నిలువునా ముంచుతూ, వారి హక్కులను హరిస్తున్నారని ఆరోపించారు. ఇకనైనా బహుజనులు మేలుకోవాలని, ఆధిపత్య కులాల కంటే ఎక్కువ సంఖ్యలో ఉన్న తాము బహుజన రాజ్యాధికారం వైపు ప్రయాణించి పాలకులవ్వాలని చింతమాకుల పుణ్యమూర్తి పిలుపునిచ్చారు. ప్రతి గ్రామానికి అంబేద్కర్ సిద్ధాంతం, రాజ్యాంగం, చట్టాలు, హక్కుల గురించి అవగాహన కల్పించాలని ఆయన కోరారు. ఇకమీదట ఎస్సీ, ఎస్టీ, బీసీ, మైనార్టీలు ఐక్యమత్యమై ప్రజలకు నాణ్యమైన ప్రజాస్వామ్యాన్ని అందించాలని తెలిపారు. అనంతరం మధ్యాహ్నం బహుజనుల వనభోజన కార్యక్రమాన్ని కూడా నిర్వహించారు, ఇందులో జిల్లాస్థాయి, పలమనేర్ నియోజకవర్గంలోని అన్ని మండలాల నాయకులు, ప్రజలు వందలాదిగా హాజరయ్యారు.

Doddagalla Munirathinam

Gangavaram, Chittoor•

1 hr ago

గంగవరంలో మే 31న జరిగిన బహుజన ఆత్మీయ సమ్మేళనంలో, హైకోర్టు న్యాయవాది, ఆల్ ఇండియా అంబేద్కర్ యువజన సంఘం రాష్ట్ర అధ్యక్షులు చింతమాకుల పుణ్యమూర్తి, బహుజన సమాజాన్ని నిర్మించడం ఎస్సీ, ఎస్టీ, బీసీ, మైనార్టీల బాధ్యత అని ఉద్ఘాటించారు. బహుజన నాయకులు డి.వి. మునిరత్నం అధ్యక్షతన గంగవరం మండలం బ్రిడ్జ్ వద్ద గల ఎస్. ఫంక్షన్ హాలులో నిర్వహించిన ఈ కార్యక్రమంలో వివిధ ప్రాంతాల నుండి వందలాది మంది బహుజన నాయకులు హాజరయ్యారు. ఈ సందర్భంగా ప్రసంగించిన వక్తలు, భారతదేశానికి స్వాతంత్ర్యం వచ్చి సుమారు 76 సంవత్సరాలు గడిచినా, డాక్టర్ బాబాసాహెబ్ అంబేద్కర్ రచించిన రాజ్యాంగం ప్రకారం బహుజనులకు పూర్తిస్థాయిలో స్వేచ్ఛ, స్వాతంత్ర్యం లభించలేదని స్పష్టం చేశారు. ఇప్పటివరకు దేశాన్ని ఆధిపత్య కులాలు పరిపాలిస్తున్నాయని, బహుజనులు రాజ్యాధికారం చేపట్టలేదని వారు పేర్కొన్నారు. ఐదు సంవత్సరాలకు ఒకసారి ఎన్నికల సమయంలో ఆధిపత్య కులాలు మాయమాటలు చెప్పి బహుజనులను నిలువునా ముంచుతూ, వారి హక్కులను హరిస్తున్నారని ఆరోపించారు. ఇకనైనా బహుజనులు మేలుకోవాలని, ఆధిపత్య కులాల కంటే ఎక్కువ సంఖ్యలో ఉన్న తాము బహుజన రాజ్యాధికారం వైపు ప్రయాణించి పాలకులవ్వాలని చింతమాకుల పుణ్యమూర్తి పిలుపునిచ్చారు. ప్రతి గ్రామానికి అంబేద్కర్ సిద్ధాంతం, రాజ్యాంగం, చట్టాలు, హక్కుల గురించి అవగాహన కల్పించాలని ఆయన కోరారు. ఇకమీదట ఎస్సీ, ఎస్టీ, బీసీ, మైనార్టీలు ఐక్యమత్యమై ప్రజలకు నాణ్యమైన ప్రజాస్వామ్యాన్ని అందించాలని తెలిపారు. అనంతరం మధ్యాహ్నం బహుజనుల వనభోజన కార్యక్రమాన్ని కూడా నిర్వహించారు, ఇందులో జిల్లాస్థాయి, పలమనేర్ నియోజకవర్గంలోని అన్ని మండలాల నాయకులు, ప్రజలు వందలాదిగా హాజరయ్యారు.