ସୁନ୍ଦରଗଡ଼ ଜିଲ୍ଲା ବଣାଇ ଉପଖଣ୍ଡର ତୁମକେଲାଠାରେ ଭାସ୍କର ପ୍ଲାଣ୍ଟ ପାଇଁ ହେବାକୁ ଥିବା ଜନ ଶୁଣାଣୀକୁ ସ୍ଥଗିତ ରଖାଯାଇଛି। ଏହି ଜନ ଶୁଣାଣୀ ବିରୋଧ ସତ୍ତ୍ୱେ ମଧ୍ୟ ସ୍ଥଗିତ ହୋଇଛି।

ସୁନ୍ଦରଗଡ଼ ଜିଲ୍ଲା ବଣାଇ ଉପଖଣ୍ଡର ତୁମକେଲାଠାରେ ଭାସ୍କର ପ୍ଲାଣ୍ଟ ପାଇଁ ହେବାକୁ ଥିବା ଜନ ଶୁଣାଣୀକୁ ସ୍ଥଗିତ ରଖାଯାଇଛି। ଏହି ଜନ ଶୁଣାଣୀ ବିରୋଧ ସତ୍ତ୍ୱେ ମଧ୍ୟ ସ୍ଥଗିତ ହୋଇଛି।

ସୁନ୍ଦରଗଡ଼ ଜିଲ୍ଲାର ବଣାଇଁ ଉପଖଣ୍ଡ ଅନ୍ତର୍ଗତ ଲହୁଣୀପଡ଼ା ବ୍ଲକରେ ଚାଲିଥିବା ଏକ ପଲ୍ଲୀ ସଭାରେ ଉତ୍ତେଜନା ଦେଖାଦେଇଛି। ଲହୁଣୀପଡ଼ା ବ୍ଲକର ଗମଚାଲିଥିବା ଲେଇ ଗ୍ରାମ ନିକଟରେ ଥିବା ଭାସ୍କର ପ୍ଲାଣ୍ଟର ସମ୍ପ୍ରସାରଣ ପାଇଁ IDCO ମାଧ୍ୟମରେ ଜଙ୍ଗଲ ଜମି ହସ୍ତାନ୍ତର କରିବା ନେଇ ଏହି ପଲ୍ଲୀ ସଭା ଆୟୋଜିତ ହୋଇଥିଲା। ଜମି କିସମ ପରିବର୍ତ୍ତନ କରି ଜଙ୍ଗଲ ଜମିକୁ ପ୍ଲାଣ୍ଟକୁ ଦେବା ପ୍ରସ୍ତାବକୁ ସ୍ଥାନୀୟ ମହିଳା ଓ ପୁରୁଷମାନେ ଦୃଢ଼ ବିରୋଧ କରିଥିଲେ। ସୂଚନାନୁସାରେ, ଏହି ଅଞ୍ଚଳରେ ପୂର୍ବରୁ ମଧ୍ୟ ଏହି ପ୍ଲାଣ୍ଟ ଅନେକ ଜମି ହାତେଇ ସାରିଛି ଏବଂ ବର୍ତ୍ତମାନ ଜଙ୍ଗଲ ଜମିକୁ ହାତେଇବାକୁ ବସିଛି। ବିରୋଧ ସମୟରେ ପଲ୍ଲୀ ସଭାରେ ଗଣ୍ଡଗୋଳ ହେବା ସହ ପାଟିତୁଣ୍ଡ ଦେଖାଦେଇଥିଲା। ଶତାଧିକ ଗ୍ରାମବାସୀ ଅଧିକାରୀଙ୍କୁ ବିରୋଧ ପତ୍ର ପ୍ରଦାନ କରିଥିଲେ। ତେବେ, ଅଧିକାରୀମାନେ ବିରୋଧ ପତ୍ର ନେଇ ସେଠାରୁ ଚାଲିଯାଇଥିଲେ, ଯାହାକୁ ନେଇ ଗ୍ରାମବାସୀଙ୍କ ସହ କିଛି ସମୟ ପାଇଁ ପାଟିତୁଣ୍ଡ ହୋଇଥିଲା। ଏହି ଘଟଣା ସମ୍ପର୍କରେ ପ୍ରତିକ୍ରିୟା ଦେବାକୁ ଅଧିକାରୀମାନେ ମନା କରିଦେଇଛନ୍ତି।

କେନ୍ଦୁଝର ଜିଲ୍ଲାର ଭଦ୍ରାସାହି ପଞ୍ଚାୟତ ଅନ୍ତର୍ଗତ ଝାଡ଼ଗାଁ ଅଞ୍ଚଳରେ ବହୁଚର୍ଚ୍ଚିତ ଅନିତା ମହାକୁଡ଼ ହତ୍ୟା ମାମଲାରେ ପୋଲିସ ମୁଖ୍ୟ ଅଭିଯୁକ୍ତଙ୍କ ସମେତ ଅନ୍ୟ ସମ୍ପୃକ୍ତ ଅପରାଧୀଙ୍କୁ ଗିରଫ କରିବା ପରେ ଅନିତାଙ୍କ ପରିବାର କିଛିଟା ଆଶ୍ୱସ୍ତ ହୋଇଛନ୍ତି। ଏହି ପରିପ୍ରେକ୍ଷୀରେ ଅନିତା ମହାକୁଡ଼ଙ୍କ ଏକାଦଶ କାର୍ଯ୍ୟ ଅନୁଷ୍ଠିତ ହୋଇଥିବା ବେଳେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇବା ପାଇଁ ଭରସା ଟିମ୍‌ ପହଞ୍ଚିଥିଲା। ଅନିତା ନିଖୋଜ ହେବା ଦିନଠାରୁ ତାଙ୍କ ପରିବାର ନ୍ୟାୟ ପାଇଁ ସଂଘର୍ଷ କରୁଥିଲେ। ଏହି ସମୟରେ ଭରସା ଟିମ୍‌ ପରିବାର ପାଖରେ ଛିଡ଼ା ହୋଇ କେନ୍ଦୁଝର ଜିଲ୍ଲା ଏସ୍‌ପିଙ୍କୁ ଭେଟି ଘଟଣାର ସଠିକ୍ ତଦନ୍ତ ଓ ଦୋଷୀଙ୍କ ଗିରଫ ଦାବି କରିଥିଲେ। ପରବର୍ତ୍ତୀ ସମୟରେ ପୋଲିସ ତଦନ୍ତ କରି ଅଭିଯୁକ୍ତମାନଙ୍କୁ ଗିରଫ କରିଥିଲା। ଏକାଦଶ କାର୍ଯ୍ୟରେ ଭରସା ଟିମ୍‌ର ଗୋପୀନାଥ ରାମ, ଲମ୍ବାଧର ମହାନ୍ତ, ସୁବାସିନୀ ମହାକୁଡ଼, ଦିଲୀପ କୁମାର ମୁଣ୍ଡା, ରତ୍ନମଣି ସେଠୀ, ବୈଶାଖୀ ମହାନ୍ତ, ଶଙ୍କର ଚାଟମ୍ବା, ଦୀପକ ପ୍ରସାଦ ନାଏକ, ମମତା ମହାନ୍ତ, କରଣ, ପୂର୍ଣ୍ଣିମା ଭଦ୍ର ଓ ପାପୁ ଘଣା ଉପସ୍ଥିତ ରହି ଅନିତା ମହାକୁଡ଼ଙ୍କ ଫଟୋଚିତ୍ରରେ ପୁଷ୍ପାଞ୍ଜଳି ଅର୍ପଣ କରିଥିଲେ। ସେମାନେ ମୃତ ଆତ୍ମାର ସଦ୍‌ଗତି କାମନା କରି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଥିଲେ। ଭରସା ଟିମ୍‌ର ସଦସ୍ୟମାନେ କହିଛନ୍ତି ଯେ, ଅପରାଧୀମାନେ ଧରାପଡ଼ିଥିଲେ ମଧ୍ୟ ମାମଲାରେ ପରିବାରକୁ ସମ୍ପୂର୍ଣ୍ଣ ନ୍ୟାୟ ନମିଳିବା ପର୍ଯ୍ୟନ୍ତ ସେମାନଙ୍କ ଲଢ଼େଇ ଜାରି ରହିବ। ଦୋଷୀମାନଙ୍କୁ କଠୋର ଦଣ୍ଡ ମିଳିଲେ ହିଁ ଅନିତାଙ୍କ ଆତ୍ମାକୁ ପ୍ରକୃତ ଶାନ୍ତି ମିଳିବ ବୋଲି ସେମାନେ ମତ ଦେଇଥିଲେ। ଏହି ଏକାଦଶ କାର୍ଯ୍ୟରେ ବହୁ ସଂଖ୍ୟକ ଗ୍ରାମବାସୀ, ସମାଜସେବୀ ଓ ଶୁଭେଚ୍ଛୁମାନେ ଯୋଗଦେଇ ଅନିତାଙ୍କ ଅମର ଆତ୍ମା ପ୍ରତି ଶ୍ରଦ୍ଧାଞ୍ଜଳି ଜଣାଇବା ସହ ଏପରି ଘଟଣାର ପୁନରାବୃତ୍ତି ରୋକିବା ପାଇଁ ଆଇନ କଠୋର ବାର୍ତ୍ତା ଦେବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ।

ଦେବଗଡ଼ ଜିଲ୍ଲାରେ ରାଜ୍ୟ ସରକାରଙ୍କ ଦୁଇ ବର୍ଷର କାର୍ଯ୍ୟକାଳ ପୂର୍ତ୍ତି ଉପଲକ୍ଷେ ଏକ ଜିଲ୍ଲା ସ୍ତରୀୟ ପ୍ରଦର୍ଶନୀ ମେଳା ଓ ସାଧାରଣ ସଭା ଆୟୋଜନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଜୁନ୍ ୧୭, ୨୦୨୬ ରେ ଜିଲ୍ଲାପାଳଙ୍କ ବିକାଶ ଭବନ ସମ୍ମିଳନୀ କକ୍ଷରେ ଜିଲ୍ଲାପାଳ କବିନ୍ଦ୍ର କୁମାର ସାହୁଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ‘ବିକାଶର ଧାରା ଓଡ଼ିଶା ସାରା’ ଶୀର୍ଷକରେ ଜୁନ୍ ୧୮ ରୁ ଜୁନ୍ ୨୦ ତାରିଖ ପର୍ଯ୍ୟନ୍ତ ତିନି ଦିନ ଧରି ଅପରାହ୍ନ ୪ ଘଟିକାରୁ ରାତ୍ର ୯ ଘଟିକା ପର୍ଯ୍ୟନ୍ତ ପ୍ରଧାନପାଟ ରୋଡ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହେବ। ଜିଲ୍ଲାର ବିଭିନ୍ନ ବିଭାଗ ଦ୍ୱାରା ଏହି ଜିଲ୍ଲା ସ୍ତରୀୟ ପ୍ରଦର୍ଶନୀ ମେଳା ଓ ସାଧାରଣ ସଭା ପରିଚାଳିତ ହେବ। ବୈଠକରେ ଅତିରିକ୍ତ ଜିଲ୍ଲାପାଳ ରେବେକା ବିଲୁଙ୍ଗ, ଅତିରିକ୍ତ ନିର୍ବାହୀ ଅଧିକାରୀ (ଜିଲ୍ଲା ପରିଷଦ) ଦିଲୀପ କୁମାର ପ୍ରଧାନ, ଭାରପ୍ରାପ୍ତ ନିର୍ବାହୀ ଅଧିକାରୀ (ପୌର ପରିଷଦ) କଳିଙ୍ଗ ଆଶିଷ ଶତପଥି, ଜିଲ୍ଲା ଶିକ୍ଷା ଅଧିକାରୀ ଗେନ୍ଦ୍ରା କୁଜୂର୍, ଜିଲ୍ଲା ମଙ୍ଗଳ ଅଧିକାରୀ ଶିଶିର କୁମାର ପୁହାଣ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋରଞ୍ଜନ ସୂତାର ଏବଂ ଅନ୍ୟାନ୍ୟ ଜିଲ୍ଲା ସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ।

ସମ୍ବଲପୁର ଜିଲ୍ଲା ଜମନକିରା ବ୍ଲକ ଅନ୍ତର୍ଗତ ସୁବର୍ଣ୍ଣପାଲି ଗ୍ରାମପଞ୍ଚାୟତର ନାଗ୍ରାବାହାଲ (ମଦନ ଢ଼ିପା)ରେ ରହୁଥିବା ୭୪ ବର୍ଷୀୟା ବୃଦ୍ଧା ବୈଦେହୀ ମିଞ୍ଜ ଏକ ଭଙ୍ଗାଦଦରା ଘରେ ଅସହାୟ ଅବସ୍ଥାରେ ଜୀବନ ବିତାଉଛନ୍ତି। ସରକାର ଗରିବ ଏବଂ ଅସହାୟଙ୍କ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିବା ଆବାସ ଯୋଜନାରେ ବୈଦେହୀ ସମ୍ପୂର୍ଣ୍ଣ ଯୋଗ୍ୟ ହୋଇ ମଧ୍ୟ ସେଥିରୁ ବଞ୍ଚିତ ହୋଇଛନ୍ତି। ଗତ ଦଶ ବର୍ଷ ଧରି ସେ ଘର ଖଣ୍ଡିଏ ପାଇଁ ସ୍ଥାନୀୟ ସରପଞ୍ଚ, ବ୍ଲକ ପ୍ରଶାସନ ଏବଂ ନେତାମାନଙ୍କୁ ବାରମ୍ବାର ଗୁହାରି, ଦରଖାସ୍ତ ଓ ଅନୁରୋଧ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ଏହି ଘଟଣାଟି ପଞ୍ଚାୟତିରାଜ ଓ ଗ୍ରାମ୍ୟ ଉନ୍ନୟନ ବିଭାଗର ମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ଘଟିଛି। ବୈଦେହୀଙ୍କ ପରିବାରରେ ପୂର୍ବରୁ ତାଙ୍କ ସ୍ୱାମୀ ଓ ଦୁଇ ପୁଅ ଥିଲେ। ପୁଅମାନଙ୍କ ବିବାହ ପରେ ଓ ପିଲାଛୁଆ ଜନ୍ମ ହେବା ପରେ ସେମାନେ ନିଜ ନିଜ ସ୍ତ୍ରୀ ଓ ପିଲାଛୁଆଙ୍କୁ ଧରି ଅଲଗା ଅଲଗା ଘର କରି ରହୁଛନ୍ତି। ସ୍ୱାମୀଙ୍କ ମୃତ୍ୟୁ ପରେ ବୈଦେହୀ ସମ୍ପୂର୍ଣ୍ଣ ବେସାହାରା ହୋଇପଡ଼ିଛନ୍ତି। ତାଙ୍କୁ ଦେଖାଶୁଣା କରିବାକୁ କେହି ନାହାନ୍ତି ଏବଂ ଖରା, ବର୍ଷା, ଶୀତ ସବୁ ସମୟରେ ସେ ସେହି ଭଙ୍ଗା ଦଦରା ଘରେ ରହିବାକୁ ବାଧ୍ୟ ହେଉଛନ୍ତି, ଯାହା କେତେବେଳେ ବି ଭାଙ୍ଗିଯାଇପାରେ। ବୈଦେହୀଙ୍କୁ ସରକାରୀ ସହାୟତା ଭାବରେ କେବଳ ଗ୍ରାମପଞ୍ଚାୟତରୁ ମାସକୁ ୫ କିଲୋ ଚାଉଳ ଓ ବାର୍ଦ୍ଧକ୍ୟ ଭତ୍ତା ମିଳୁଛି। ଏହି ଭତ୍ତା ଟଙ୍କାରେ ଘର ତିଆରି କରିବା ଅସମ୍ଭବ ବୋଲି ସେ କହିଛନ୍ତି। ଏଭଳି ଅସହାୟ ଅବସ୍ଥାରେ ଜୀବନ ବିତାଉଥିବା ବୈଦେହୀଙ୍କ ଘରକୁ ଉପଯୁକ୍ତ ତଦନ୍ତ କରି ଯଥାଶୀଘ୍ର ଏକ ପକ୍କା ଘର ଯୋଗାଇ ଦେବାକୁ ଦାବି କରାଯାଉଛି।

ଝାରସୁଗୁଡ଼ା ଜିଲ୍ଲାର ବେଲପାହାଡ଼ ଫାଟକ ନିକଟରେ ନୂତନ ସ୍ୱାସ୍ଥ୍ୟ ସେବା 'ସାଇ ହେଲ୍ଥ କେୟାର' (Sai Health Care) ଆରମ୍ଭ ହୋଇଛି। ଏହି ସ୍ୱାସ୍ଥ୍ୟ କେନ୍ଦ୍ର ୧୭ ତାରିଖରୁ ନିରନ୍ତର ଦିନରାତି ସବୁ ସମୟରେ ସେବା ଯୋଗାଇ ଦେବା ପାଇଁ ପ୍ରସ୍ତୁତ ରହିଛି।

କେନ୍ଦୁଝର ଜିଲ୍ଲାର ବାଂଶପାଳ ବ୍ଲକ ଅନ୍ତର୍ଗତ ବିରିନ୍ଦା ଗାଁ ରଜ ପାଇଁ ଚଳଚଞ୍ଚଳ ହୋଇଉଠିଛି। ଗାଁର ସମସ୍ତ ଲୋକଙ୍କ ମୁହଁରେ ଖୁସିର ମାହୋଲ ଦେଖିବାକୁ ମିଳିଛି ଏବଂ ରଜ ଦୋଳି ଗୀତରେ ସମଗ୍ର ଗାଁରେ ଉତ୍ସାହର ପରିବେଶ ସୃଷ୍ଟି ହୋଇଛି।

ରାଜ୍ୟ ସରକାରଙ୍କ ଦ୍ୱିତୀୟ ବର୍ଷ ପୂର୍ତ୍ତି ଅବସରରେ ଦେବଗଡ଼ ପୌରପରିଷଦ ପକ୍ଷରୁ 'ବିକାଶ ଧାରା ଓଡ଼ିଶା ସାରା' ଶୀର୍ଷକ ସହରାଞ୍ଚଳ ଜନସମ୍ପର୍କ ଏବଂ ନାଗରିକ ଭାଗିଦାରୀ କାର୍ଯ୍ୟକ୍ରମ ଜୁନ ୧୭, ୨୦୨୬ ରେ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ଭାରପ୍ରାପ୍ତ ପୌରପରିଷଦ ନିର୍ବାହୀ ଅଧିକାରୀ କଳିଙ୍ଗ ଆଶିଷ ଶତପଥୀଙ୍କ ତତ୍ତ୍ୱାବଧାନରେ ପରିଚାଳିତ ହୋଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ରେବେକା ବିଲୁଙ୍ଗ, ବରଣ୍ୟ ଅତିଥି ଭାବେ ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ, ଜିଲ୍ଲା ସହର ଉନ୍ନୟନ ସଂସ୍ଥାର ରାଜେନ୍ଦ୍ର କୁମାର ମିଞ୍ଜ, ଭାରପ୍ରାପ୍ତ ପୌରପରିଷଦ ଅଧ୍ୟକ୍ଷ ପ୍ରଜିତ କୁମାର ଭୋଜ ଏବଂ ସମ୍ବଲପୁର ସାଂସଦଙ୍କ ପ୍ରତିନିଧି ସୁଧୀର କୁମାର କପରଦାର ପ୍ରମୁଖ ଯୋଗ ଦେଇ ପ୍ରଦୀପ ପ୍ରଜ୍ୱଳନ କରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ। ଏହି ଅବସରରେ ରାଜ୍ୟ ସରକାରଙ୍କ ଦ୍ୱିତୀୟ ବର୍ଷର ଉପଲବ୍ଧି ଏବଂ ଜିଲ୍ଲା ବିକାଶ ସମ୍ପର୍କରେ ଆଲୋକପାତ କରାଯାଇଥିଲା। ପୌରପରିଷଦ ଓ ପୌରାଞ୍ଚଳର ବିକାଶ ସହିତ ସ୍ୱାସ୍ଥ୍ୟ, ଶିକ୍ଷା, ନୂତନ ଷ୍ଟାଡିୟମ୍ ଏବଂ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା। କାର୍ଯ୍ୟକ୍ରମରେ ୱାର୍ଡ ନମ୍ବର ୮ର କାଉନସିଲର ସରୋଜିନୀ ମୁଣ୍ଡା, ୱାର୍ଡ ନମ୍ବର ୯ର କାଉନସିଲର ଇତିଶ୍ରୀ ମିଶ୍ର, ୱାର୍ଡ ନମ୍ବର ୧୦ର କାଉନସିଲର କାର୍ତ୍ତିକ ମହାକୁଡ଼ଙ୍କ ସମେତ ଅନ୍ୟ କାଉନସିଲର, ଗଣମାଧ୍ୟମ ପ୍ରତିନିଧି, ସ୍ୱଚ୍ଛ ସାଥୀ ଏବଂ ଜନସାଧାରଣ ଉପସ୍ଥିତ ଥିଲେ। ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋରଞ୍ଜନ ସୂତାର ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ।