బహుజన్ డెమొక్రసీ స్టూడెంట్ ఫెడరేషన్ (బీడీఎస్ఎఫ్) ఉమ్మడి ఆదిలాబాద్ జిల్లా కన్వీనర్ చాకటి ఆనంద్ విద్యార్థుల హక్కుల సాధనకై, వారు ఎదుర్కొంటున్న విద్యా, మౌలిక వసతుల సమస్యల పరిష్కారం కోసం ప్రభుత్వంపై సమరశంఖం పూరించారు. ఆదివారం మీడియాతో మాట్లాడుతూ, విద్యార్థుల ఇబ్బందులను ప్రభుత్వం, అధికారులు తక్షణమే పరిష్కరించాలని ఆయన గట్టిగా డిమాండ్ చేశారు. ఈ సందర్భంగా విద్యావ్యవస్థలోని లోపాలను చాకటి ఆనంద్ తీవ్రంగా ఎండగట్టారు. ప్రభుత్వ పాఠశాలలు, కళాశాలల్లో కనీస మౌలిక వసతులు కరువవ్వడంపై తీవ్ర ఆందోళన వ్యక్తం చేశారు. అధ్యాపకుల ఖాళీలను భర్తీ చేయకపోవడం, సరిపడా తరగతి గదులు లేకపోవడం, లైబ్రరీలు, ప్రయోగశాలలను సక్రమంగా నిర్వహించకపోవడం వల్ల విద్యార్థుల చదువులు కుంటుపడుతున్నాయని ఆయన మండిపడ్డారు. ఉన్నత విద్యను అభ్యసించాలనుకునే పేద, మధ్యతరగతి విద్యార్థులకు ప్రభుత్వం నుండి అందాల్సిన స్కాలర్‌షిప్‌లు, ఫీజు రీయింబర్స్‌మెంట్ సకాలంలో విడుదల చేయకపోవడంపై కూడా చాకటి ఆనంద్ ధ్వజమెత్తారు. గ్రామీణ ప్రాంతాల పేద విద్యార్థులు ఉన్నత విద్య కోసం పట్టణాలకు వెళ్లాలంటే రవాణా, ఆర్థిక ఇబ్బందులు శాపంగా మారాయని, సరైన హాస్టల్ వసతులు కూడా లేవని ఆయన పేర్కొన్నారు. దీనివల్ల ఎంతో మంది విద్యార్థులు చదువుకు దూరమయ్యే పరిస్థితి ఏర్పడిందని ఆవేదన వ్యక్తం చేశారు. ప్రభుత్వం ఇప్పటికైనా నిద్ర మత్తు వీడి పెండింగ్ సమస్యలన్నింటినీ తక్షణమే పరిష్కరించాలని చాకటి ఆనంద్ డిమాండ్ చేశారు. విద్యార్థుల భవిష్యత్తును దృష్టిలో ఉంచుకుని విద్యారంగ సమస్యలపై ప్రభుత్వం ప్రత్యేక దృష్టి సారించాలని ఆయన కోరారు. విద్యార్థుల న్యాయమైన డిమాండ్లపై ప్రభుత్వం నిర్లక్ష్యంగా వ్యవహరిస్తే, బీడీఎస్ఎఫ్ ఆధ్వర్యంలో రాష్ట్రవ్యాప్తంగా పెద్ద ఎత్తున ఆందోళన కార్యక్రమాలు చేపడుతామని ప్రభుత్వాన్ని ఆయన హెచ్చరించారు.

AlluriMahesh

Local News Reporter Adilabad Urban, Telangana•

4 hrs ago

బహుజన్ డెమొక్రసీ స్టూడెంట్ ఫెడరేషన్ (బీడీఎస్ఎఫ్) ఉమ్మడి ఆదిలాబాద్ జిల్లా కన్వీనర్ చాకటి ఆనంద్ విద్యార్థుల హక్కుల సాధనకై, వారు ఎదుర్కొంటున్న విద్యా, మౌలిక వసతుల సమస్యల పరిష్కారం కోసం ప్రభుత్వంపై సమరశంఖం పూరించారు. ఆదివారం మీడియాతో మాట్లాడుతూ, విద్యార్థుల ఇబ్బందులను ప్రభుత్వం, అధికారులు తక్షణమే పరిష్కరించాలని ఆయన గట్టిగా డిమాండ్ చేశారు. ఈ సందర్భంగా విద్యావ్యవస్థలోని లోపాలను చాకటి ఆనంద్ తీవ్రంగా ఎండగట్టారు. ప్రభుత్వ పాఠశాలలు, కళాశాలల్లో కనీస మౌలిక వసతులు కరువవ్వడంపై తీవ్ర ఆందోళన వ్యక్తం చేశారు. అధ్యాపకుల ఖాళీలను భర్తీ చేయకపోవడం, సరిపడా తరగతి గదులు లేకపోవడం, లైబ్రరీలు, ప్రయోగశాలలను సక్రమంగా నిర్వహించకపోవడం వల్ల విద్యార్థుల చదువులు కుంటుపడుతున్నాయని ఆయన మండిపడ్డారు. ఉన్నత విద్యను అభ్యసించాలనుకునే పేద, మధ్యతరగతి విద్యార్థులకు ప్రభుత్వం నుండి అందాల్సిన స్కాలర్‌షిప్‌లు, ఫీజు రీయింబర్స్‌మెంట్ సకాలంలో విడుదల చేయకపోవడంపై కూడా చాకటి ఆనంద్ ధ్వజమెత్తారు. గ్రామీణ ప్రాంతాల పేద విద్యార్థులు ఉన్నత విద్య కోసం పట్టణాలకు వెళ్లాలంటే రవాణా, ఆర్థిక ఇబ్బందులు శాపంగా మారాయని, సరైన హాస్టల్ వసతులు కూడా లేవని ఆయన పేర్కొన్నారు. దీనివల్ల ఎంతో మంది విద్యార్థులు చదువుకు దూరమయ్యే పరిస్థితి ఏర్పడిందని ఆవేదన వ్యక్తం చేశారు. ప్రభుత్వం ఇప్పటికైనా నిద్ర మత్తు వీడి పెండింగ్ సమస్యలన్నింటినీ తక్షణమే పరిష్కరించాలని చాకటి ఆనంద్ డిమాండ్ చేశారు. విద్యార్థుల భవిష్యత్తును దృష్టిలో ఉంచుకుని విద్యారంగ సమస్యలపై ప్రభుత్వం ప్రత్యేక దృష్టి సారించాలని ఆయన కోరారు. విద్యార్థుల న్యాయమైన డిమాండ్లపై ప్రభుత్వం నిర్లక్ష్యంగా వ్యవహరిస్తే, బీడీఎస్ఎఫ్ ఆధ్వర్యంలో రాష్ట్రవ్యాప్తంగా పెద్ద ఎత్తున ఆందోళన కార్యక్రమాలు చేపడుతామని ప్రభుత్వాన్ని ఆయన హెచ్చరించారు.