महाराष्ट्र खो-खो असोसिएशनतर्फे जिल्हा संघटनांना लॅपटॉपचे वितरण महाराष्ट्र खो-खो असोसिएशनतर्फे जिल्हा संघटनांना लॅपटॉपचे वितरण पुणे, दि. २१ ऑगस्ट २०२६ (प्रतिनिधी) : महाराष्ट्र खो-खो असोसिएशनच्या वतीने राज्यातील संलग्न सर्व जिल्हा खो-खो संघटना, तांत्रिक समिती तसेच पंचमंडळ यांच्या कामकाजाला अधिक गतिमान व आधुनिक स्वरूप देण्यासाठी लॅपटॉप वितरण समारंभाचे आयोजन करण्यात आले. शुक्रवार, दि. २१ ऑगस्ट २०२६ रोजी बारामती हॉस्टेल, पुणे येथे हा कार्यक्रम उत्साहात संपन्न झाला. महाराष्ट्र खो-खो असोसिएशनच्या अध्यक्षा तथा महाराष्ट्र राज्याच्या उपमुख्यमंत्री मा. ना. श्रीमती सुनेत्राताई अजित पवार यांच्या शुभहस्ते संलग्न जिल्हा संघटनांचे सचिव, तांत्रिक समिती व पंचमंडळ यांना राज्य संघटनेच्या वतीने लॅपटॉपचे वितरण करण्यात आले. यावेळी महाराष्ट्र खो-खो असोसिएशनचे सहसचिव श्री. जयांशु पोळ यांनी लॅपटॉप स्वीकारला. संघटनात्मक कामकाज, स्पर्धांचे नियोजन, खेळाडूंची माहिती, पंच व तांत्रिक समितीचे कामकाज तसेच विविध प्रशासकीय नोंदी अधिक सुलभ आणि डिजिटल पद्धतीने करण्यासाठी या लॅपटॉपचा उपयोग होणार आहे. राज्यात खो-खो खेळाचा विकास, संघटनात्मक कामकाजात आधुनिक तंत्रज्ञानाचा वापर आणि जिल्हास्तरापासून राज्यस्तरापर्यंत प्रशासन अधिक सक्षम करण्याच्या दृष्टीने महाराष्ट्र खो-खो असोसिएशनने घेतलेला हा उपक्रम महत्त्वपूर्ण मानला जात आहे.

Pramod dada bari

Pachora, Jalgaon•

4 hrs ago

महाराष्ट्र खो-खो असोसिएशनतर्फे जिल्हा संघटनांना लॅपटॉपचे वितरण महाराष्ट्र खो-खो असोसिएशनतर्फे जिल्हा संघटनांना लॅपटॉपचे वितरण पुणे, दि. २१ ऑगस्ट २०२६ (प्रतिनिधी) : महाराष्ट्र खो-खो असोसिएशनच्या वतीने राज्यातील संलग्न सर्व जिल्हा खो-खो संघटना, तांत्रिक समिती तसेच पंचमंडळ यांच्या कामकाजाला अधिक गतिमान व आधुनिक स्वरूप देण्यासाठी लॅपटॉप वितरण समारंभाचे आयोजन करण्यात आले. शुक्रवार, दि. २१ ऑगस्ट २०२६ रोजी बारामती हॉस्टेल, पुणे येथे हा कार्यक्रम उत्साहात संपन्न झाला. महाराष्ट्र खो-खो असोसिएशनच्या अध्यक्षा तथा महाराष्ट्र राज्याच्या उपमुख्यमंत्री मा. ना. श्रीमती सुनेत्राताई अजित पवार यांच्या शुभहस्ते संलग्न जिल्हा संघटनांचे सचिव, तांत्रिक समिती व पंचमंडळ यांना राज्य संघटनेच्या वतीने लॅपटॉपचे वितरण करण्यात आले. यावेळी महाराष्ट्र खो-खो असोसिएशनचे सहसचिव श्री. जयांशु पोळ यांनी लॅपटॉप स्वीकारला. संघटनात्मक कामकाज, स्पर्धांचे नियोजन, खेळाडूंची माहिती, पंच व तांत्रिक समितीचे कामकाज तसेच विविध प्रशासकीय नोंदी अधिक सुलभ आणि डिजिटल पद्धतीने करण्यासाठी या लॅपटॉपचा उपयोग होणार आहे. राज्यात खो-खो खेळाचा विकास, संघटनात्मक कामकाजात आधुनिक तंत्रज्ञानाचा वापर आणि जिल्हास्तरापासून राज्यस्तरापर्यंत प्रशासन अधिक सक्षम करण्याच्या दृष्टीने महाराष्ट्र खो-खो असोसिएशनने घेतलेला हा उपक्रम महत्त्वपूर्ण मानला जात आहे.