రాజన్న సిరిసిల్ల జిల్లాలోని మార్కండేయ వీధిలో బహుళ అంతస్తు భవనంపై చిక్కుకుపోయిన శునకాన్ని అగ్నిమాపక సిబ్బంది చాకచక్యంగా రక్షించారు. కిందకు రాలేక ఇబ్బంది పడుతున్న కుక్కను చూసి స్థానికులు సమాచారం ఇవ్వడంతో, తాడు సహాయంతో దానిని సురక్షితంగా బయటకు తీశారు. ఫైర్ సిబ్బంది సమయస్ఫూర్తిని స్థానికులు అభినందించారు.

బండి సంజయ్ రాజీనామా చేయాలి* మంత్రివర్గం నుండి భర్తరఫ్ చేయాలి గుడికందుల సత్యం సిపిఎం నగర కమిటీ ఆధ్వర్యంలో కలెక్టరేట్ ముందు అర్ధనగ్న ప్రదర్శనతో నిరసన* *మైనర్ బాలికను వేధించి,అత్యాచారం చేసిన బండి సాయి భగీరథ కఠినంగా శిక్షించాలని, ఘటనకు నైతిక బాధ్యత వహిస్తూ బండి సంజయ్ రాజీనామా చేయాలని, లేదంటే నరేంద్ర మోడీ బండి సంజయ్ నీ మంత్రివర్గం నుండి భర్తరఫ్ చేయాలని డిమాండ్ చేస్తూ సిపిఎం నగర కమిటీ ఆధ్వర్యంలో స్థానిక కలెక్టరేట్ ముందు అర్ధనగ్న ప్రదర్శనతో నిరసన కార్యక్రమం చేపట్టారు. ఈ సందర్భంగా సిపిఎం నగర కార్యదర్శి గుడికందుల సత్యం మాట్లాడుతూ నిన్న బండి సంజయ్ మీడియాతో మాట్లాడుతూ కన్న కొడుకును పోలీసులకు అప్పగించిన చరిత్ర ఎక్కడైనా ఉందా అని ప్రగల్బాలు పలికారు కదా కేంద్ర హోమ్ సహాయ మంత్రి అయి ఉండి నేరా రూపంలో ఎదుర్కొంటున్న ఒక కొడుకుని 8 రోజులు దాచిపెట్టిన చరిత్ర ఎక్కడైనా ఉందా అని ప్రశ్నించారు. ఒక నేరస్తుని దాచిపెట్టి, తన మంత్రి పదవిని అడ్డుపెట్టుకొని కేసును తప్పుదోవ పట్టించిన బండి సంజయ్ పైన కూడా A 2 గా కేసు నమోదు చేయాలని, డిమాండ్ చేశారు. బండి సంజయ్ మంత్రి పదవిలో కొనసాగే అర్హత లేదని తాను మంత్రిగా ఉంటే కేసును నీరుగార్చి న్యాయవిచారణ జరగకుండా అడ్డుకుంటారని ఆవేదన వ్యక్తం చేశారు. *బేటి బచావో అని నినాదాలు చేస్తున్న బిజెపి కి బండి సంజయ్ కొడుకు చేసిన ఘనకార్యం కనబడడం లేదా? *చట్టాన్ని కాపాడి ప్రజలను రక్షించవలసిన కేంద్ర హోమ్ సహాయ మంత్రి కొడుకే మైనర్ బాలిక పై అత్యాచారం చేస్తే ఇక దేశంలో మహిళలకు రక్షణ ఎక్కడ ఉందని ప్రశ్నించారు.* బండి భగీరథ తప్పు చేయకుంటే 8 రోజులు ఎందుకు పారిపోయాడని, దొరికిన తర్వాత ఫోక్సో కేసు ఆధారాలు లేకుండా ఫోన్లో సిమ్ ఎందుకు మాయం చేశాడని అన్నారు. ఇవన్నీ కేంద్ర హోమ్ మినిస్టర్ కు కనబడడం లేదా, ఇంకా బండి సంజయ్ ని మంత్రివర్గంలో ఎందుకు కొనసాగిస్తున్నారని అన్నారు. ఫోక్సో కేసులో నిందితులను వెంటనే అరెస్టు చేసి కఠినంగా శిక్షించాల్సింది పోయి, కాలయాపన చేయడం ఎంతవరకు సమంజసమని అన్నారు. సామాన్యుడు తప్పు చేస్తే వారి తల్లిదండ్రులను పోలీస్ స్టేషన్ కి తీసుకెళ్లి ఆచూకీ తెలుపమని విచారించే పోలీసులకు బండి సంజయ్ కూడా ఎనిమిది రోజులు దొరకలేదా ? అతని స్టేషన్ కి పిలిచి ఎందుకు విచారించలేదని ప్రశ్నించారు. చట్టం ఉన్నోడికి చుట్టమా? పేదలకు ఒక న్యాయం పెద్దలకు ఒక న్యాయమా అని ప్రశ్నించారు. ఈ కేసులో నేరస్తునికి సహకరించిన బండి సంజయ్ ని కూడా నేరస్తునిగా పరిగణించాలని, తనని వెంటనే కేంద్ర మంత్రి పదవి నుండి భర్తరాఫ్ చేయాలని డిమాండ్ చేశారు లేనియెడల బండి సంజయ్ రాజీనామా చేసే వరకు తమ పోరాటాన్ని కొనసాగిస్తామని అన్నారు. ఈ కార్యక్రమంలో సిపిఎం నాయకులు గజ్జల శ్రీకాంత్,రాయికంటి శ్రీనివాస్,నగర కమిటీ సభ్యులు పున్నం రవి, ఆసంపల్లి వినయ్, డబిల్ కార్ శ్రీకాంత్,భూమేష్, అరవింద్,అక్షయ్,రాకేష్, సంతు తదితరులు పాల్గొన్నారు.

కామారెడ్డి జిల్లా కేంద్రంలో తలసేమియా వ్యాధితో బాధపడుతున్న చిన్నారుల కోసం మెగా రక్తదాన శిబిరం ఏర్పాటు చేశారు. ఆదిత్య హాస్పిటల్ సహకారంతో జరుగుతున్న ఈ శిబిరంలో పాల్గొని ప్రాణాలను కాపాడాలని యువతకు పిలుపునిచ్చారు. మొదటి వంద మంది రక్తదాతలకు హెల్మెట్లు, ప్రశంసా పత్రాలు అందజేయనున్నారు.

తెలంగాణలోని త్రివేణి సంగమం కాళేశ్వరం వద్ద సరస్వతి అంత్యపుష్కరాలు వైభవంగా ప్రారంభమయ్యాయి. కంచి కామకోటి పీఠాధిపతి శ్రీ శంకర విజయేంద్ర సరస్వతి పుష్కర స్నానంతో వీటిని లాంఛనంగా మొదలుపెట్టారు. రాష్ట్ర మంత్రులు, ఉన్నతాధికారులు కూడా ఈ పుణ్యస్నానాలు ఆచరించారు.

కామారెడ్డి మండలం లింగాపూర్‌లో కాంగ్రెస్ నాయకులు మాజీ ప్రధాని రాజీవ్ గాంధీ విగ్రహానికి పూలమాలలు వేసి ఘనంగా నివాళులర్పించారు. రాజీవ్ గాంధీ సైన్స్ అండ్ టెక్నాలజీ, ఆర్థిక వ్యవస్థ సరళీకరణ, పంచాయతీ రాజ్ వంటి విప్లవాత్మక నిర్ణయాలు దేశాభివృద్ధికి కీలకమని కొనియాడారు. ఆయన దూరదృష్టితో నవోదయ విద్యాలయాలు, ఓపెన్ యూనివర్సిటీలు ప్రారంభమయ్యాయని గుర్తుచేశారు.

హైదరాబాద్ నుండి నిజామాబాద్ వెళ్తున్న భారీ కంటైనర్ లారీ జాతీయ రహదారి 44పై నాగులపల్లి చౌరస్తా వద్ద మంటల్లో దగ్ధమైంది. తుప్రాన్ మండలం హల్దీవాగ్ సమీపంలో జరిగిన ఈ ఘటనతో వాహనదారులు ఆందోళనకు గురయ్యారు.

హైదరాబాద్‌లోని బోడుప్పల్‌లో జరిగిన కరాటే బ్లాక్ బెల్ట్ పరీక్షలలో మెదక్ జిల్లాకు చెందిన 30 మంది విద్యార్థులు బ్లాక్ బెల్ట్ సాధించారు. మెదక్ గోల్డ్ చైన్ క్లబ్‌లో నాలుగు సంవత్సరాలు శిక్షణ పొందిన ఈ విద్యార్థులను సినీ నటుడు సుమన్ అభినందించారు.

తెలంగాణ ఉద్యమకారుల ఫోరం ఉమ్మడి కరీంనగర్ మహిళా విభాగంలో పలువురికి నియామక పత్రాలు అందజేశారు. జిల్లా చైర్మన్ తెలంగాణ ఆనంద్, మహిళా అధ్యక్షురాలు బిందు సమక్షంలో ఈ నియామకాలు జరిగాయి. దీని ద్వారా పలువురు మహిళా నాయకులకు ప్రధాన కార్యదర్శి, సలహాదారులు వంటి కీలక బాధ్యతలు అప్పగించారు.

కామారెడ్డి జిల్లా కేంద్రంలోని ఓ ప్రైవేట్ ఆసుపత్రిని డీఎంహెచ్ఓ డా. రవీందర్ గౌడ్ ఆకస్మికంగా తనిఖీ చేశారు. గర్భస్థ శిశువు నిర్ధారణ (PCPNDT) చట్టం అమలు, స్కానింగ్ సెంటర్ల నిర్వహణను పరిశీలించిన ఆయన, సిబ్బందికి పలు సూచనలు చేస్తూ నిబంధనలను తప్పక పాటించాలని ఆదేశించారు.

తెలంగాణలోని జగిత్యాల జిల్లా కొండాపూర్‌లో తీవ్ర విషాదం చోటుచేసుకుంది. శివగంగా ఆలయ కోనేరులో ముగ్గురు చిన్నారులు నీటమునిగి ప్రాణాలు కోల్పోయారు. పెద్దలు విందు పనుల్లో ఉండగా జరిగిన ఈ ఘటనతో గ్రామంలో విషాద ఛాయలు అలముకున్నాయి.