हिंगोलीच्या भगवान महावीर गार्डन परिसरात मध्यरात्री ट्रान्सफॉर्मरला आग लागल्याने वीजपुरवठा खंडित झाला. सततच्या वीज खंडिततेमुळे संतप्त नागरिकांनी महावितरणच्या कारभारावर तीव्र नाराजी व्यक्त केली आहे. तात्पुरत्या दुरुस्तीऐवजी कायमस्वरूपी उपाययोजना करण्याची मागणी करत नागरिकांनी आंदोलनाचा इशारा दिला आहे.

Post by Nandkumar Motiram Totewad

जिंतूर तालुक्यातील शिवडी येथे बस आणि दुचाकी यांच्यात झालेल्या धडकेत तिघांचा मृत्यू झाला आहे.

केमिस्ट संघटनेच्या नुकत्याच झालेल्या निवडणुकीत केमिस्ट एकता पॅनलने दणदणीत विजय संपादन केला आहे. या निवडणुकीमध्ये संजय मंत्री अध्यक्षपदी निवडून आले.

परभणी येथे 'संडे ऑन सायकल' हा उपक्रम मोठ्या उत्साहात संपन्न झाला. या उपक्रमातून फिटनेस आणि निरोगी जीवनाचा संदेश देण्यात आला.

सार्वजनिक बांधकाम विभागाच्या मंत्रालयातील अधिकाऱ्यांवर गंभीर भ्रष्टाचाराचे आरोप करत प्रजासत्ताक समाजवादी भारत पार्टी (पी.एस.बी.पी.) कर्मचारी-कामगार संघ, महाराष्ट्राने एक मोठी घोषणा केली आहे. या आरोपप्रकरणी ९० कर्मचारी ९ जूनपासून मुंबईतील आझाद मैदानावर बेमुदत आमरण उपोषणास बसणार आहेत. संघटनेने पत्रकार परिषद घेऊन आरोप केला आहे की, सन २०२० मध्ये दुसरा व चौथा शनिवार तसेच शासकीय सुट्ट्यांच्या दिवशी काम केलेल्या कर्मचाऱ्यांच्या मोबदल्यासाठी मंजूर झालेल्या निधीच्या वितरणात मोठ्या प्रमाणावर अनियमितता झाली आहे. २०६ कर्मचाऱ्यांच्या नावाने रक्कम वितरित केल्याची नोंद असली तरी, प्रत्यक्षात त्यापैकी ६५ कर्मचाऱ्यांच्या खात्यात पैसे जमा झाले नसल्याचा दावा संघटनेने केला आहे. संघटनेचे अध्यक्ष भगत यांच्या म्हणण्यानुसार, संबंधित मागणीपत्रावर मंत्रालयाकडून वारंवार अशा त्रुटी काढण्यात आल्या, ज्यांचा कर्मचाऱ्यांच्या कामाशी कोणताही संबंध नव्हता. याशिवाय, मंत्रालयातील अवर सचिव रणजीत अहिरे यांनी काम मंजूर करण्यासाठी चक्क ४० लाख रुपयांची मागणी केल्याचा गंभीर आरोपही संघटनेने केला आहे. या मागण्या मान्य होत नसल्याने कर्मचाऱ्यांना वारंवार वेठीस धरण्याचे काम सुरू असल्याचा आरोप संघटनेने केला आहे. त्यामुळे, संबंधित अधिकाऱ्यांच्या कारभाराची सखोल चौकशी करून त्यांच्यावर फौजदारी गुन्हा दाखल करावा, तसेच त्यांच्या चल-अचल मालमत्तेची लाचलुचपत प्रतिबंधक विभागामार्फत (एसीबी) चौकशी करावी, अशी मागणी संघटनेने केली आहे. याच मागण्यांसाठी ९ जूनपासून आझाद मैदानावर ९० कर्मचारी बेमुदत आमरण उपोषणाला बसणार असल्याचे संघटनेच्या पदाधिकाऱ्यांनी प्रसिद्धीपत्रकात म्हटले आहे.

विजेच्या तारेच्या संपर्कात आल्याने आदिल खान साजिद खान नावाच्या सात वर्षांच्या मुलाचा जागीच मृत्यू झाला.

Post by Nandkumar Motiram Totewad

समृद्धी महामार्गावर मेहकरजवळ एका भीषण अपघातात पुणे-नागपूर लक्झरी बसने ट्रकला जोरदार धडक दिली. या अपघातात बसमधील सुमारे 20 ते 25 प्रवासी जखमी झाले असून, त्यापैकी दोघांची प्रकृती गंभीर असल्याचे वृत्त आहे.