કપરાડા: કુંભઘાતમાં ટ્રકની બ્રેક ફેલ થતાં ગંભીર અકસ્માત, એક ડ્રાઈવરનું મોત વલસાડ જિલ્લાના કપરાડા તાલુકાના અકસ્માત ઝોન ગણાતા કુંભઘાતમાં આજે ફરી એકવાર ગંભીર અકસ્માત સર્જાયો છે. પ્રાપ્ત માહિતી અનુસાર, કપરાડા તરફથી ઘાટ ઉતરતી વખતે એક ટ્રકની બ્રેક ફેલ થઈ ગઈ હતી. જેના કારણે ચાલકે સ્ટીયરિંગ પરનો કાબૂ ગુમાવતા ટ્રક રસ્તામાં આવતા અનેક વાહનોને અડફેટે લીધો હતો અને અંતે અન્ય એક ટ્રક સાથે જોરદાર ટક્કર થઈ હતી. આ ભયાનક અકસ્માતમાં એક ટ્રક ડ્રાઈવરનું ઘટનાસ્થળે જ કમકમાટીભર્યું મોત નિપજ્યું છે, જ્યારે અન્ય એક વ્યક્તિ ટ્રકની કેબિનમાં કલાકો સુધી ફસાયેલો રહ્યો હતો. ઘટનાની જાણ થતા જ 108 એમ્બ્યુલન્સ અને પોલીસની ટીમ તાત્કાલિક સ્થળ પર પહોંચી હતી. કેબિનમાં ફસાયેલા ડ્રાઈવરને ક્રેનની મદદથી બહાર કાઢવા માટે રેસ્ક્યુ કામગીરી હાથ ધરવામાં આવી છે. ઉલ્લેખનીય છે કે કુંભઘાતમાં અગાઉ પણ આવા અનેક અકસ્માતો સર્જાયા છે, જેના કારણે સ્થાનિકોમાં માર્ગ સલામતી અંગે ગંભીર ચિંતા વ્યક્ત કરવામાં આવી રહી છે.

Parimal Pawar

Social worker પારડી, વલસાડ, ગુજરાત•

2 hrs ago

કપરાડા: કુંભઘાતમાં ટ્રકની બ્રેક ફેલ થતાં ગંભીર અકસ્માત, એક ડ્રાઈવરનું મોત વલસાડ જિલ્લાના કપરાડા તાલુકાના અકસ્માત ઝોન ગણાતા કુંભઘાતમાં આજે ફરી એકવાર ગંભીર અકસ્માત સર્જાયો છે. પ્રાપ્ત માહિતી અનુસાર, કપરાડા તરફથી ઘાટ ઉતરતી વખતે એક ટ્રકની બ્રેક ફેલ થઈ ગઈ હતી. જેના કારણે ચાલકે સ્ટીયરિંગ પરનો કાબૂ ગુમાવતા ટ્રક રસ્તામાં આવતા અનેક વાહનોને અડફેટે લીધો હતો અને અંતે અન્ય એક ટ્રક સાથે જોરદાર ટક્કર થઈ હતી. આ ભયાનક અકસ્માતમાં એક ટ્રક ડ્રાઈવરનું ઘટનાસ્થળે જ કમકમાટીભર્યું મોત નિપજ્યું છે, જ્યારે અન્ય એક વ્યક્તિ ટ્રકની કેબિનમાં કલાકો સુધી ફસાયેલો રહ્યો હતો. ઘટનાની જાણ થતા જ 108 એમ્બ્યુલન્સ અને પોલીસની ટીમ તાત્કાલિક સ્થળ પર પહોંચી હતી. કેબિનમાં ફસાયેલા ડ્રાઈવરને ક્રેનની મદદથી બહાર કાઢવા માટે રેસ્ક્યુ કામગીરી હાથ ધરવામાં આવી છે. ઉલ્લેખનીય છે કે કુંભઘાતમાં અગાઉ પણ આવા અનેક અકસ્માતો સર્જાયા છે, જેના કારણે સ્થાનિકોમાં માર્ગ સલામતી અંગે ગંભીર ચિંતા વ્યક્ત કરવામાં આવી રહી છે.