दिवेघाटात महिलेची निर्घृण हत्या; लैंगिक संबंधास नकार दिल्याने तरुणाचा संताप, फुरसुंगी पोलिसांकडून आरोपी अटकेत जनसंघर्ष न्युज नेटवर्क पुणे, ता.८ : हडपसर–सासवड रस्त्यावरील दिवेघाटाच्या पायथ्याशी ३ मार्च रोजी सापडलेल्या अर्धनग्न महिलेच्या मृतदेह प्रकरणाचा उलगडा फुरसुंगी पोलिसांनी केला असून या प्रकरणी २९ वर्षीय तरुणाला अटक करण्यात आली आहे. लैंगिक संबंधास नकार दिल्याने संतापाच्या भरात आरोपीने महिलेची दगडाने ठेचून व गळा आवळून हत्या केल्याचे तपासात समोर आले आहे. घटनेनंतर परिसरात मोठी खळबळ उडाली होती. माहिती मिळताच फुरसुंगी पोलीस व गुन्हे शाखेचे पथक घटनास्थळी दाखल झाले. पोलिसांनी परिसरातील सीसीटीव्ही फुटेज तपासून तसेच तांत्रिक तपासाच्या आधारे काही दिवसांतच या खुनाचा छडा लावला. तपासादरम्यान प्रकाश बिभीषण माने (वय २९) याला ताब्यात घेण्यात आले. तो एका खासगी कंपनीत सुपरवायझर म्हणून काम करतो. सीसीटीव्ही फुटेजमध्ये तो गेल्या काही दिवसांपासून त्या महिलेवर नजर ठेवून असल्याचे आढळले. संबंधित महिला दिवेघाटाच्या पायथ्याशी झोपत असायची. ३ मार्च रोजी रात्री सुमारे ११ वाजण्याच्या सुमारास आरोपीने महिलेशी जबरदस्तीने लैंगिक संबंध प्रस्थापित करण्याचा प्रयत्न केला. मात्र महिलेने विरोध करताच आरोपी संतापला. महिलेनं आरडाओरडा सुरू केल्याने घाबरलेल्या आरोपीने तिच्या डोक्यात दगड घालून मारहाण केली व गळा आवळून तिची हत्या केल्याचे तपासात स्पष्ट झाले आहे. या घटनेमुळे परिसरात भीतीचे वातावरण निर्माण झाले आहे. मृत महिलेची ओळख अद्याप पटलेली नसून तिचे वय अंदाजे ३० ते ४० वर्षे असल्याचा अंदाज पोलिसांनी व्यक्त केला आहे. ही कारवाई गुन्हे शाखेचे पोलीस उपायुक्त निखिल पिंगळे यांच्या मार्गदर्शनाखाली युनिट सहाचे पोलीस निरीक्षक सुदर्शन गायकवाड व त्यांच्या पथकाने केली. आरोपीने चौकशीत गुन्ह्याची कबुली दिली असून मृत महिलेची ओळख पटविणे व पुढील तपास सुरू असल्याची माहिती पोलिसांनी दिली.

Sanjay Chandgude

Local News Reporter इंदापूर, पुणे, महाराष्ट्र•

on 7 March

दिवेघाटात महिलेची निर्घृण हत्या; लैंगिक संबंधास नकार दिल्याने तरुणाचा संताप, फुरसुंगी पोलिसांकडून आरोपी अटकेत जनसंघर्ष न्युज नेटवर्क पुणे, ता.८ : हडपसर–सासवड रस्त्यावरील दिवेघाटाच्या पायथ्याशी ३ मार्च रोजी सापडलेल्या अर्धनग्न महिलेच्या मृतदेह प्रकरणाचा उलगडा फुरसुंगी पोलिसांनी केला असून या प्रकरणी २९ वर्षीय तरुणाला अटक करण्यात आली आहे. लैंगिक संबंधास नकार दिल्याने संतापाच्या भरात आरोपीने महिलेची दगडाने ठेचून व गळा आवळून हत्या केल्याचे तपासात समोर आले आहे. घटनेनंतर परिसरात मोठी खळबळ उडाली होती. माहिती मिळताच फुरसुंगी पोलीस व गुन्हे शाखेचे पथक घटनास्थळी दाखल झाले. पोलिसांनी परिसरातील सीसीटीव्ही फुटेज तपासून तसेच तांत्रिक तपासाच्या आधारे काही दिवसांतच या खुनाचा छडा लावला. तपासादरम्यान प्रकाश बिभीषण माने (वय २९) याला ताब्यात घेण्यात आले. तो एका खासगी कंपनीत सुपरवायझर म्हणून काम करतो. सीसीटीव्ही फुटेजमध्ये तो गेल्या काही दिवसांपासून त्या महिलेवर नजर ठेवून असल्याचे आढळले. संबंधित महिला दिवेघाटाच्या पायथ्याशी झोपत असायची. ३ मार्च रोजी रात्री सुमारे ११ वाजण्याच्या सुमारास आरोपीने महिलेशी जबरदस्तीने लैंगिक संबंध प्रस्थापित करण्याचा प्रयत्न केला. मात्र महिलेने विरोध करताच आरोपी संतापला. महिलेनं आरडाओरडा सुरू केल्याने घाबरलेल्या आरोपीने तिच्या डोक्यात दगड घालून मारहाण केली व गळा आवळून तिची हत्या केल्याचे तपासात स्पष्ट झाले आहे. या घटनेमुळे परिसरात भीतीचे वातावरण निर्माण झाले आहे. मृत महिलेची ओळख अद्याप पटलेली नसून तिचे वय अंदाजे ३० ते ४० वर्षे असल्याचा अंदाज पोलिसांनी व्यक्त केला आहे. ही कारवाई गुन्हे शाखेचे पोलीस उपायुक्त निखिल पिंगळे यांच्या मार्गदर्शनाखाली युनिट सहाचे पोलीस निरीक्षक सुदर्शन गायकवाड व त्यांच्या पथकाने केली. आरोपीने चौकशीत गुन्ह्याची कबुली दिली असून मृत महिलेची ओळख पटविणे व पुढील तपास सुरू असल्याची माहिती पोलिसांनी दिली.