खानापूर-आटपाडी मतदारसंघातील दुष्काळी परिस्थितीवर मात करण्यासाठी टेंभू योजनेचे पाणी सोडण्याची कार्यवाही सुरू झाली आहे. यामुळे आता मतदारसंघातील तलाव, बंधारे आणि जलसाठे भरण्याचा मार्ग मोकळा झाला असल्याची माहिती आमदार सुहास बाबर यांनी दिली आहे. या पाण्याचा खानापूर आणि आटपाडी तालुक्यातील शेतकऱ्यांना मोठा दिलासा मिळणार असून शेतीसाठी सिंचनाची सुविधा उपलब्ध होण्यास मदत होणार आहे. खानापूर–आटपाडी हा भाग कायम दुष्काळाच्या छायेत राहिलेला आहे. त्यातच 'अल निनो'च्या प्रभावामुळे पावसाचे प्रमाण कमी असल्याने आगामी काळातील संभाव्य पाणीटंचाई लक्षात घेऊन आमदार सुहास बाबर यांनी सुरुवातीपासूनच पाणी प्रश्नाला प्राधान्य दिले. त्यांनी जिल्हाधिकारी, जलसंपदा विभाग आणि संबंधित अधिकाऱ्यांकडे सातत्याने पाठपुरावा करत टेंभू योजना तातडीने सुरू करण्याची मागणी केली होती. तसेच मतदारसंघातील सर्व लघु पाटबंधारे तलाव, बंधारे व जलसाठे टेंभूच्या पाण्याने भरून घेण्यात यावेत, अशी मागणीही त्यांनी लावून धरली होती. सध्या कृष्णा नदी खोऱ्यात उपलब्ध असलेल्या पाण्याचे नियोजन करून टेंभू उपसा सिंचन योजनेद्वारे हे पाणी उपलब्ध करून दिले जात आहे. या योजनेच्या माध्यमातून सर्व लघुपाटबंधारे तलाव व जलसाठे भरून घेतल्यामुळे भविष्यातील पाणीटंचाईवर नियंत्रण ठेवण्यास मदत होईल, असा विश्वास आमदार बाबर यांनी व्यक्त केला आहे.

EXPRESS NEWS

Press advisory मिरज, सांगली, महाराष्ट्र•

1 hr ago

खानापूर-आटपाडी मतदारसंघातील दुष्काळी परिस्थितीवर मात करण्यासाठी टेंभू योजनेचे पाणी सोडण्याची कार्यवाही सुरू झाली आहे. यामुळे आता मतदारसंघातील तलाव, बंधारे आणि जलसाठे भरण्याचा मार्ग मोकळा झाला असल्याची माहिती आमदार सुहास बाबर यांनी दिली आहे. या पाण्याचा खानापूर आणि आटपाडी तालुक्यातील शेतकऱ्यांना मोठा दिलासा मिळणार असून शेतीसाठी सिंचनाची सुविधा उपलब्ध होण्यास मदत होणार आहे. खानापूर–आटपाडी हा भाग कायम दुष्काळाच्या छायेत राहिलेला आहे. त्यातच 'अल निनो'च्या प्रभावामुळे पावसाचे प्रमाण कमी असल्याने आगामी काळातील संभाव्य पाणीटंचाई लक्षात घेऊन आमदार सुहास बाबर यांनी सुरुवातीपासूनच पाणी प्रश्नाला प्राधान्य दिले. त्यांनी जिल्हाधिकारी, जलसंपदा विभाग आणि संबंधित अधिकाऱ्यांकडे सातत्याने पाठपुरावा करत टेंभू योजना तातडीने सुरू करण्याची मागणी केली होती. तसेच मतदारसंघातील सर्व लघु पाटबंधारे तलाव, बंधारे व जलसाठे टेंभूच्या पाण्याने भरून घेण्यात यावेत, अशी मागणीही त्यांनी लावून धरली होती. सध्या कृष्णा नदी खोऱ्यात उपलब्ध असलेल्या पाण्याचे नियोजन करून टेंभू उपसा सिंचन योजनेद्वारे हे पाणी उपलब्ध करून दिले जात आहे. या योजनेच्या माध्यमातून सर्व लघुपाटबंधारे तलाव व जलसाठे भरून घेतल्यामुळे भविष्यातील पाणीटंचाईवर नियंत्रण ठेवण्यास मदत होईल, असा विश्वास आमदार बाबर यांनी व्यक्त केला आहे.