ଭୁବନେଶ୍ୱରରୁ ବ୍ରହ୍ମପୁର ଯାଉଥିବା ଏକ AC OSRTC ଭୋଲ୍ଭୋ ବସ୍ ଟାଙ୍ଗି ନିକଟରେ ବିକଳ ହୋଇପଡ଼ିଛି। ଏହି ଘଟଣା ଯୋଗୁଁ ଯାତ୍ରୀମାନେ ଖରାରେ ରାଜପଥରେ ଅଟକି ରହି ହନ୍ତସନ୍ତ ହୋଇଛନ୍ତି। ବସ୍ ଅଚଳ ହେବା ପରେ OSRTCର ସେବା ଓ ରକ୍ଷଣାବେକ୍ଷଣ ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି।

ଝାରସୁଗୁଡ଼ା ଜିଲ୍ଲାର ବେଲପାହାଡ଼ ରେଳ ଫାଟକ ନିକଟରେ ନୂତନ ସାଇ ହେଲ୍-ଥ କେୟାର ଘରୋଇ ହସ୍ପିଟାଲର ଉଦ୍‌ଘାଟନୀ ସମାରୋହ ଅନୁଷ୍ଠିତ ହୋଇଯାଇଛି। ଏହି ଅବସରରେ ବେଲପାହାଡ଼ର ବର୍ଷୀୟାନ୍ ଡାକ୍ତର ଲତିକା ପଟେଲ ମୁଖ୍ୟ ଅତିଥି ଭାବେ ଯୋଗଦେଇ ଫିତା କାଟି ଏହାର ଶୁଭ ଉଦ୍‌ଘାଟନ କରିଥିଲେ। ଡାକ୍ତରଖାନାର ପ୍ରତିଷ୍ଠାତା ସତ୍ୟ ପ୍ରକାଶ ମହାନ୍ତିଙ୍କ ସମେତ ଅନେକ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ। ଉଦ୍‌ଘାଟନୀ ଦିନ ଏକ ମାଗଣା ସ୍ୱାସ୍ଥ୍ୟ ଶିବିର ମଧ୍ୟ ଆୟୋଜିତ ହୋଇଥିଲା, ଯାହାର ଲାଭ ଲୋକେ ଉଠାଇଥିଲେ। ଏହି ଡାକ୍ତରଖାନାରେ ଡ଼ା. ଅମର କୁମାର ଧଳ, ଡ଼ା. ଇଶାନ ପ୍ରଧାନ, ଡ଼ା. ଚିରଞ୍ଜିବୀ ଖଟୁଆଙ୍କ ସମେତ ବିଭିନ୍ନ ବିଶେଷଜ୍ଞ ଡାକ୍ତର ଚିକିତ୍ସକ ଭାବେ ଯୋଗଦାନ କରିଛନ୍ତି। ରୋଗୀମାନଙ୍କୁ ସ୍ୱଳ୍ପ ମୂଲ୍ୟରେ ଜରୁରୀକାଳୀନ ସ୍ୱାସ୍ଥ୍ୟ ସେବା ଯୋଗାଇ ଦେବା ଏହି ହସ୍ପିଟାଲର ଏକ ବିଶେଷ ଲକ୍ଷ୍ୟ। ପ୍ରତ୍ୟେକ ଦିନ ସକାଳ ୭ ଟାରୁ ସନ୍ଧ୍ୟା ୮ ଟା ପର୍ଯ୍ୟନ୍ତ କମ୍ପ୍ୟୁଟର ମାଧ୍ୟମରେ ରକ୍ତ, ମଳ, ମୂତ୍ର, ଧାତୁ ଏବଂ ଗର୍ଭ ପରୀକ୍ଷା ପାଇଁ ସେବା ଉପଲବ୍ଧ ହେବ। ଡାକ୍ତରଖାନାର ପ୍ରତିଷ୍ଠାତା ସତ୍ୟ ପ୍ରକାଶ ମହାନ୍ତି ପ୍ରକାଶ କରିଛନ୍ତି ଯେ ଆଗାମୀ ଦିନରେ ଅଧିକ ବିଶିଷ୍ଟ ପରୀକ୍ଷା ପାଇଁ ସେବା ଉପଲବ୍ଧ କରାଯିବ। ଏଥିସହ ଆମ୍ବୁଲାନ୍ସ ସେବା ମଧ୍ୟ ଯୋଗାଇ ଦିଆଯିବାର ବ୍ୟବସ୍ଥା ରହିଛି। ସେ ଆହୁରି ମଧ୍ୟ କହିଛନ୍ତି ଯେ ଭବିଷ୍ୟତରେ ବିଭିନ୍ନ ବିଶେଷଜ୍ଞ ଡାକ୍ତରଙ୍କ ଦ୍ୱାରା ଲୋକଙ୍କୁ ଉନ୍ନତମାନର ଚିକିତ୍ସା ଯୋଗାଇ ଦେବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯିବ।

ଝାରସୁଗୁଡ଼ା ବିଜୁ ଏକ୍ସପ୍ରେସୱେର ଖେରୁଆଲ୍ ନିକଟରୁ ବଡ଼ମାଲ ପୋଲିସ ଏକ ବଡ଼ ଗଞ୍ଜେଇ ଚୋରା ଚାଲାଣ ଉଦ୍ୟମକୁ ପଣ୍ଡ କରିଛି। ପୋଲିସ ପ୍ରାୟ ୨୫ ଲକ୍ଷ ଟଙ୍କା ମୂଲ୍ୟର ଅଢେଇ କ୍ୱିଣ୍ଟାଲ୍ ଗଞ୍ଜେଇ ଜବତ କରିବାରେ ସଫଳ ହୋଇଛି। ଏହି ଗଞ୍ଜେଇ ବୌଦ୍ଧରୁ ରାୟଗଡ଼କୁ ଚୋରାଚାଲାଣ ହେଉଥିବା ବେଳେ ବାଟରେ କାର୍‌ଟି ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାଗ୍ରସ୍ତ କାର୍‌ରୁ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରିଛି।

ଝାରସୁଗୁଡା ଜିଲ୍ଲାରେ ଉଦ୍ଧାର ହୋଇଥିବା ଜଣେ ମାନସିକ ଅସୁସ୍ଥ ବ୍ୟକ୍ତି ବିନୋଦ କୁମାର (ବିନୋଦ ଯାଦବ)ଙ୍କୁ ଦୀର୍ଘ ଆଠ ବର୍ଷ ପରେ ତାଙ୍କ ପରିବାର ସହ ପୁନର୍ମିଳନ କରାଯାଇଛି। ତାଙ୍କୁ ୨୫ ସେପ୍ଟେମ୍ବର ୨୦୧୮ରେ ଉଦ୍ଧାର କରାଯାଇ ପିପୁଲ୍ସ ଫୋରମ୍ ଦ୍ୱାରା ପରିଚାଳିତ ମିଶନ ଆଶାଲୋକରେ ରଖାଯାଇଥିଲା। ସେଠାରେ ତାଙ୍କୁ ଆବଶ୍ୟକ ଚିକିତ୍ସା, ଯତ୍ନ ଓ ପୁନର୍ବାସ ସୁବିଧା ଯୋଗାଇ ଦିଆଯାଉଥିଲା। ନିରନ୍ତର ପ୍ରୟାସ ଏବଂ ଅନୁସନ୍ଧାନ ପରେ ଜଣାପଡ଼ିଥିଲା ଯେ ବିନୋଦ କୁମାରଙ୍କ ଘର ଉତ୍ତର ପ୍ରଦେଶର ଗୌତମ ବୁଦ୍ଧ ନଗର ଜିଲ୍ଲାରେ। ପରେ ତାଙ୍କ ପରିବାର ସହ ଯୋଗାଯୋଗ କରାଯାଇ ସେମାନଙ୍କୁ ଝାରସୁଗୁଡାକୁ ଅଣାଯାଇଥିଲା ଏବଂ ଜିଲ୍ଲାପାଳଙ୍କ ଉପସ୍ଥିତିରେ ବିନୋଦ କୁମାରଙ୍କୁ ସଫଳତାର ସହ ପରିବାର ସଦସ୍ୟଙ୍କ ହାତରେ ହସ୍ତାନ୍ତର କରାଯାଇଥିଲା। ଏହି ମାନବିକ ପଦକ୍ଷେପକୁ ପ୍ରଶଂସା କରି ଜିଲ୍ଲାପାଳ ଶ୍ରୀ କୁଣାଲ ମୋତିରାମ ଚୱlଣ ମତବ୍ୟକ୍ତ କରିଥିଲେ ଯେ, ମାନବିକତା ଓ ସମ୍ବେଦନଶୀଳତା ସହ କାର୍ଯ୍ୟ କଲେ ଅସହାୟ ଓ ମାନସିକ ଅସୁସ୍ଥ ବ୍ୟକ୍ତିମାନଙ୍କୁ ନିଶ୍ଚିତ ଭାବେ ନିଜ ପରିବାରକୁ ଫେରlଇ ଆଣିହେବ। ସେ କହିଥିଲେ ଯେ ଏହା କେବଳ ଜଣେ ବ୍ୟକ୍ତିଙ୍କ ପୁନର୍ମିଳନ ନୁହେଁ, ବରଂ ଏକ ପରିବାରର ଖୁସିକୁ ଫେରାଇ ଆଣିବାର ମୁହୂର୍ତ୍ତ। ଏହି ସେବାମୂଳକ କାର୍ଯ୍ୟରେ ସମସ୍ତ ସମ୍ପୃକ୍ତ ବିଭାଗ ଓ ସ୍ୱେଚ୍ଛାସେବୀ ସଂଗଠନଙ୍କ ଭୂମିକାକୁ ମଧ୍ୟ ଶ୍ରୀ ଚୱାଣ ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶ୍ରୀ ସୁନୀଲ କୁମାର ନାଏକ ଏବଂ ପିପୁଲ୍ସ ଫୋରମ୍ ଏନଜିଓର କର୍ମକର୍ତ୍ତା ଓ କର୍ମଚାରୀମାନେ ଉପସ୍ଥିତ ଥିଲେ। ଝାରସୁଗୁଡା ସ୍ନେହ ସେତୁ ଅଭିଯାନ ଅଧୀନରେ ହୋଇଥିବା ଏହି ମାନବିକ ପଦକ୍ଷେପ ସଫଳ ହେବାକୁ ନେଇ ଉପସ୍ଥିତ ସମସ୍ତେ ଆନନ୍ଦ ପ୍ରକାଶ କରିଥିଲେ।

ପରମେଶ୍ୱର କବୀର ସାହେବଙ୍କ 629ତମ ପ୍ରକଟ ଦିବସ ପାଳନ ପାଇଁ ସତଲୋକ ଆଶ୍ରମ ଶ୍ରୀ ଧନାନା ଧାମ, ହରିୟାଣାଠାରେ ଏକ ଆୟୋଜନ କରାଯାଇଛି। ଏହି ପବିତ୍ର ଅବସରରେ ସମସ୍ତ ପରିବାରବର୍ଗଙ୍କୁ ସାଦର ଆମନ୍ତ୍ରଣ କରାଯାଇଛି।

किडा सढ गया है पक्का नहीं है आफ लोक भी फोट कर लाओ लाना है

ମା' ସମଲେଶ୍ୱରୀ କଲେଜରେ "ନିଶାମୁକ୍ତ ଭାରତ ଅଭିଯାନ" ଉପରେ ସଚେତନତା ବୈଠକ ମା' ସମଲେଶ୍ୱରୀ କଲେଜରେ "ନିଶାମୁକ୍ତ ଭାରତ ଅଭିଯାନ" ଉପରେ ସଚେତନତା ବୈଠକ ଅନୁଷ୍ଠିତ ବରଗଡ଼ :. ବରଗଡ଼ ବରପାଲି : ଯୁବ ସମାଜକୁ ନିଶାର କୁପ୍ରଭାବରୁ ଦୂରେଇ ରଖିବା ଏବଂ ଏକ ସୁସ୍ଥ ଓ ନିଶାମୁକ୍ତ ସମାଜ ଗଠନ ଲକ୍ଷ୍ୟରେ ବରଗଡ଼ ଜ଼ିଲ୍ଲା ବରପାଲି ବ୍ଲକ ନିକଟରେ ଥିବା ମା' ସମଲେଶ୍ୱରୀ କଲେଜରେ "ନିଶାମୁକ୍ତ ଭାରତ ଅଭିଯାନ" ଉପରେ ଏକ ସଚେତନତା ବୈଠକ ଆୟୋଜିତ ହୋଇଥିଲା। କଲେଜର ପ୍ରମୁଖ ନରେନ୍ଦ୍ର କୁମାର ହୋତାଙ୍କ ନେତୃତ୍ୱରେ ଆୟୋଜିତ ଏହି ବୈଠକରେ କଲେଜର ସମସ୍ତ ଅଧ୍ୟାପକ, କର୍ମଚାରୀ ଏବଂ ବହୁ ସଂଖ୍ୟକ ଛାତ୍ରଛାତ୍ରୀ ଯୋଗଦେଇଥିଲେ। କାର୍ଯ୍ୟକ୍ରମରେ ନିଶା ସେବନର ଭୟାବହ ପରିଣାମ, ଏହାର ସାମାଜିକ, ଆର୍ଥିକ ଓ ସ୍ୱାସ୍ଥ୍ୟ ଉପରେ ପଡ଼ୁଥିବା କୁପ୍ରଭାବ ସମ୍ପର୍କରେ ଆଲୋଚନା କରାଯାଇଥିଲା। ବୈଠକରେ ଉପସ୍ଥିତ ସମସ୍ତେ ନିଶାମୁକ୍ତ ଭାରତ ଗଠନ ପାଇଁ ଶପଥ ଗ୍ରହଣ କରିଥିଲେ। ଯୁବପିଢ଼ି ମଧ୍ୟରେ ନିଶା ବିରୋଧୀ ଚେତନା ସୃଷ୍ଟି କରିବା, ନିଶାରୁ ଦୂରେଇ ରହିବାକୁ ପ୍ରେରଣା ଦେବା ଏବଂ ସମାଜରେ ସକାରାତ୍ମକ ବାର୍ତ୍ତା ପହଞ୍ଚାଇବା ନେଇ ସମସ୍ତେ ସଂକଳ୍ପ ନେଇଥିଲେ। ହୋତା ତାଙ୍କ ବକ୍ତବ୍ୟରେ କହିଥିଲେ ଯେ, ଯୁବ ସମାଜ ଦେଶର ଭବିଷ୍ୟତ। ତେଣୁ ଯୁବପିଢ଼ିଙ୍କୁ ନିଶା ଭଳି ମାରାତ୍ମକ ଅଭ୍ୟାସରୁ ରକ୍ଷା କରିବା ସମସ୍ତଙ୍କର ଦାୟିତ୍ୱ। ଏହି ଅଭିଯାନ ମାଧ୍ୟମରେ ବରଗଡ଼ ଜିଲ୍ଲା ସମେତ ସମଗ୍ର ଓଡ଼ିଶାକୁ ନିଶାମୁକ୍ତ କରିବା ପାଇଁ ସାମୂହିକ ପ୍ରୟାସ ଆବଶ୍ୟକ ବୋଲି ସେ ମତ ପ୍ରକାଶ କରିଥିଲେ। ଶେଷରେ ସମସ୍ତ ଅଂଶଗ୍ରହଣକାରୀ ନିଶା ବିରୋଧୀ ଅଭିଯାନକୁ ଆଗକୁ ବଢ଼ାଇବା ଏବଂ ସମାଜରେ ସଚେତନତାର ଆଲୋକ ପ୍ରସାର କରିବା ପାଇଁ ଏକତ୍ରିତ ଭାବେ କାର୍ଯ୍ୟ କରିବାର ପ୍ରତିଶ୍ରୁତି ନେଇଥିଲେ।

ଝାରସୁଗୁଡ଼ା ଜିଲ୍ଲାରେ ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ଜିଲ୍ଲା ଅବକାରୀ ବିଭାଗର ମିଳିତ ଆନୁକୂଲ୍ୟରେ ଜିଲ୍ଲା ଖଣିଜ ପାଣ୍ଠି ପ୍ରେକ୍ଷାଳୟଠାରେ ଆନ୍ତର୍ଜାତୀୟ ନିଶା ଦ୍ରବ୍ୟ ଅପବ୍ୟବହାର ଓ ଅବୈଧ ଚୋରାଚାଲାଣ ବିରୋଧ ଦିବସ-୨୦୨୬ ପାଳିତ ହୋଇଯାଇଛି। ଏହି ଅବସରରେ ସକାଳ ୭ଟାରେ ଜିଲ୍ଲାପାଳଙ୍କ କାର୍ଯ୍ୟାଳୟରୁ କିଷାନ ଛକ, ବେହେରାମାଲ ଛକ ଦେଇ ପୁନର୍ବାର ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ସଚେତନତା ପଦଯାତ୍ରା କରାଯାଇଥିଲା। ଅତିରିକ୍ତ ଜିଲ୍ଲାପାଳ (ସାଧାରଣ) ଶ୍ରୀ ବ୍ରଜବନ୍ଧୁ ଭୋଇ ପତାକା ପ୍ରଦର୍ଶନ କରି ଏହି ପଦଯାତ୍ରାର ଶୁଭାରମ୍ଭ କରିଥିଲେ। ଏଥିରେ ବିଭିନ୍ନ ସରକାରୀ ବିଭାଗର ଅଧିକାରୀ, ଛାତ୍ରଛାତ୍ରୀ, ସ୍ୱେଚ୍ଛାସେବୀ ସଂଗଠନର ସଦସ୍ୟ ଏବଂ ସାଧାରଣ ଲୋକ ଅଂଶଗ୍ରହଣ କରି ନିଶାମୁକ୍ତ ସମାଜ ଗଠନର ବାର୍ତ୍ତା ପ୍ରଚାର କରିଥିଲେ। ପରେ ଜିଲ୍ଲା ଖଣିଜ ପାଣ୍ଠି ପ୍ରେକ୍ଷାଳୟରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ଏହି ସଭାରେ ଜିଲ୍ଲା ଅବକାରୀ ଅଧିକ୍ଷକ ପ୍ରଭାତ କୁମାର ସେଠୀ, ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସୁନୀଲ କୁମାର ନାୟକ, ବ୍ରହ୍ମକୁମାରୀ ଅନୁଷ୍ଠାନର ରୀନା (ମୁଖ୍ୟ ବକ୍ତା) ଏବଂ ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁନନ୍ଦ ମହାରଣାଙ୍କ ସମେତ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଓ ସ୍ୱେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତାମାନେ ଉପସ୍ଥିତ ଥିଲେ। ପ୍ରାରମ୍ଭରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସୁନୀଲ କୁମାର ନାୟକ ସମସ୍ତଙ୍କୁ ସ୍ୱାଗତ କରି ଦିବସ ପାଳନର ଉଦ୍ଦେଶ୍ୟ ବିଷୟରେ ସୂଚନା ଦେଇଥିଲେ। ଏହାପରେ ପୂର୍ବରୁ ଆୟୋଜିତ ଜିଲ୍ଲାସ୍ତରୀୟ ବକ୍ତୃତା ପ୍ରତିଯୋଗିତାର କୃତିତ୍ୱ ହାସଲ କରିଥିବା ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ। କାର୍ଯ୍ୟକ୍ରମ ଅନ୍ତର୍ଗତ ବେଲପାହାଡ଼ସ୍ଥିତ ମିରର ଥିଏଟର ପକ୍ଷରୁ ନିଶା ମୁକ୍ତ ଭାରତ ଅଭିଯାନ ଅବସରରେ ନିଶାସକ୍ତିର କୁପ୍ରଭାବ ଏବଂ ନିଶାମୁକ୍ତ ସମାଜ ଗଠନର ବାର୍ତ୍ତା ଉପରେ ଆଧାରିତ ଏକ ସଚେତନତାମୂଳକ ନାଟକ ଓ ଗୀତ ପ୍ରଦର୍ଶିତ କରାଯାଇଥିଲା। ଏହି ନାଟକ ମାଧ୍ୟମରେ ମଦ୍ୟପାନ ଓ ବିଭିନ୍ନ ନିଶାଦ୍ରବ୍ୟର କୁପ୍ରଭାବ ସମ୍ପର୍କରେ ସଚେତନତା ସୃଷ୍ଟି କରାଯାଇଥିବାବେଳେ, ସମବେତ ଗୀତ ମାଧ୍ୟମରେ ଯୁବପିଢ଼ିଙ୍କୁ ନିଶାମୁକ୍ତ ଜୀବନ ଗଢ଼ିବାକୁ ଆହ୍ୱାନ କରାଯାଇଥିଲା। ଏହି ପରିବେଷଣରେ ବିନୟ ପ୍ରଧାନ, ସୋନିଆ ବେହେରା, ଜ୍ୟୋତ୍ସ୍ନା କାଲୋ, ବର୍ଷାରାଣୀ ଧଳ, ବେଦବ୍ୟାସ ହରିପାଳ, ସାନିଆ ବେହେରା, ତନୁଜା ମେହେର, ଫକିର ମେହେର, ପୂଜା ଧନ, ଖୁସିକୁମାରୀ ଜେନା, ଲିପ୍ସା ସାହୁ ଏବଂ ଭବେଶ ପ୍ରଧାନ ଅଂଶଗ୍ରହଣ କରିଥିଲେ। କଳାକାରମାନଙ୍କର ଜୀବନ୍ତ ଅଭିନୟ ଓ ସଙ୍ଗୀତ ପରିବେଷଣ ଉପସ୍ଥିତ ଦର୍ଶକଙ୍କ ପ୍ରଶଂସା ଲାଭ କରିବା ସହ ନିଶାମୁକ୍ତ ସମାଜ ଗଠନର ବାର୍ତ୍ତାକୁ ଅଧିକ ପ୍ରଭାବଶାଳୀ ଭାବେ ପହଞ୍ଚାଇଥିଲା। ଶେଷରେ, କନିଷ୍ଠ କିରାଣି ଆଦିତ୍ୟ କୁମାର ବାଦୀ ସମସ୍ତ ଅତିଥି ଓ ଅଂଶଗ୍ରହଣକାରୀଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମର ସମାପନ କରିଥିଲେ।

ଉତ୍ତର ପ୍ରଦେଶର ପୀଲିଭୀତ ଜିଲ୍ଲାର ବୁନ୍ଦୀଭୂଡ ଗାଁରେ ମଦ ଦୋକାନ ଖୋଲିବାକୁ ପହଞ୍ଚିଥିବା ପ୍ରଶାସନିକ ଟିମ୍ ଉପରେ ଗ୍ରାମୀଣ ମହିଳାମାନେ ଆକ୍ରମଣ କରିଛନ୍ତି। ଏହି ଘଟଣା ସମୟରେ ମହିଳାମାନେ ଟିମର ଘୋର ବିରୋଧ କରିଥିଲେ, ଯାହା ପରେ ପରିସ୍ଥିତି ହିଂସାତ୍ମକ ରୂପ ନେଇଥିଲା। ଉଭୟ ପକ୍ଷ ମଧ୍ୟରେ ଲାଠି ଓ ବାଡ଼ିରେ ମୁହାଁମୁହିଁ ହୋଇଥିଲେ ଏବଂ ଉତ୍ତ୍ୟକ୍ତ ମହିଳାମାନେ ମଦ ବୋତଲ ଭାଙ୍ଗିବା ସହ ପୋଲିସ ଗାଡ଼ିକୁ ମଧ୍ୟ କ୍ଷତିଗ୍ରସ୍ତ କରିଥିଲେ। ଏହି ସଂଘର୍ଷରେ ତହସିଲଦାରଙ୍କ ହାତରେ ଏବଂ ଫାଣ୍ଡି ଅଧିକାରୀଙ୍କ ଗୋଡ଼ରେ ଗୁରୁତର ଆଘାତ ଲାଗିଥିଲା, ଯେଉଁଥିରେ ହାଡ଼ ଭାଙ୍ଗିଯାଇଥିବା ସୂଚନା ମିଳିଛି। ଘଟଣା ପରେ ଗାଁରେ ଉତ୍ତେଜନାପୂର୍ଣ୍ଣ ବାତାବରଣ ସୃଷ୍ଟି ହୋଇଛି ଏବଂ ପରିସ୍ଥିତି ଉପରେ ନଜର ରଖିବା ପାଇଁ ପୋଲିସ ବଳ ମୁତୟନ କରାଯାଇଛି।