राज्यातील शाळांमध्ये विद्यार्थ्यांना दिले जाणारे मध्याह्न भोजन आणि शाळेतील उपाहारगृहांमधील अन्नाच्या गुणवत्तेची तपासणी आता अन्न व औषध प्रशासनामार्फत (FDA) केली जाणार आहे. विद्यार्थ्यांच्या आरोग्याशी संबंधित बाबींमध्ये कोणतीही तडजोड केली जाणार नसल्याचे स्पष्ट करत शासनाने हा निर्णय जाहीर केला आहे. राज्यात निकृष्ट दर्जाचे अन्न, स्वच्छतेचा अभाव आणि अन्नातून विषबाधेबाबत सातत्याने येणाऱ्या तक्रारींच्या पार्श्वभूमीवर विद्यार्थ्यांना सुरक्षित व पौष्टिक अन्न मिळावे यासाठी ही कठोर पावले उचलण्यात आली आहेत. या निर्णयानुसार अन्न व औषध प्रशासनाचे अधिकारी शाळांना भेटी देऊन अन्नाचे नमुने तपासणार आहेत. यामध्ये स्वयंपाकघरातील स्वच्छता, अन्नाची साठवणूक, पिण्याच्या पाण्याची गुणवत्ता आणि अन्न शिजवण्याच्या प्रक्रियेची तपासणी केली जाईल. नियमांचे उल्लंघन आढळल्यास संबंधितांवर कायदेशीर कारवाई करण्याचे संकेतही देण्यात आले आहेत. या निर्णयामुळे शिक्षण क्षेत्रातील तज्ज्ञ, पालक आणि सामाजिक संघटनांनी समाधान व्यक्त केले असून, शाळा प्रशासन व भोजन पुरवठादारांवर आता अधिक जबाबदारी असणार आहे.

Vainganga News Live Network

Press advisory पोंभुर्णा, चंद्रपूर, महाराष्ट्र•

9 hrs ago

राज्यातील शाळांमध्ये विद्यार्थ्यांना दिले जाणारे मध्याह्न भोजन आणि शाळेतील उपाहारगृहांमधील अन्नाच्या गुणवत्तेची तपासणी आता अन्न व औषध प्रशासनामार्फत (FDA) केली जाणार आहे. विद्यार्थ्यांच्या आरोग्याशी संबंधित बाबींमध्ये कोणतीही तडजोड केली जाणार नसल्याचे स्पष्ट करत शासनाने हा निर्णय जाहीर केला आहे. राज्यात निकृष्ट दर्जाचे अन्न, स्वच्छतेचा अभाव आणि अन्नातून विषबाधेबाबत सातत्याने येणाऱ्या तक्रारींच्या पार्श्वभूमीवर विद्यार्थ्यांना सुरक्षित व पौष्टिक अन्न मिळावे यासाठी ही कठोर पावले उचलण्यात आली आहेत. या निर्णयानुसार अन्न व औषध प्रशासनाचे अधिकारी शाळांना भेटी देऊन अन्नाचे नमुने तपासणार आहेत. यामध्ये स्वयंपाकघरातील स्वच्छता, अन्नाची साठवणूक, पिण्याच्या पाण्याची गुणवत्ता आणि अन्न शिजवण्याच्या प्रक्रियेची तपासणी केली जाईल. नियमांचे उल्लंघन आढळल्यास संबंधितांवर कायदेशीर कारवाई करण्याचे संकेतही देण्यात आले आहेत. या निर्णयामुळे शिक्षण क्षेत्रातील तज्ज्ञ, पालक आणि सामाजिक संघटनांनी समाधान व्यक्त केले असून, शाळा प्रशासन व भोजन पुरवठादारांवर आता अधिक जबाबदारी असणार आहे.