नांदेड जिल्ह्यातील चैतन्यनगर परिसरातील शिवमंदिरात आंतरराष्ट्रीय योग दिनानिमित्त माहिती आणि प्रसारण मंत्रालयाच्या केंद्रीय संचार ब्युरो, नांदेड आणि योग विद्याधाम, नांदेड यांच्या संयुक्त विद्यमाने एका विशेष कार्यक्रमाचे आयोजन करण्यात आले. या कार्यक्रमाच्या उद्घाटनप्रसंगी बोलताना ज्येष्ठ पत्रकार आणि सामाजिक कार्यकर्ते श्री आनंद कल्याणकर यांनी आजच्या धकाधकीच्या जीवनात शारीरिक आणि मानसिक आरोग्य सुदृढ ठेवण्यासाठी नियमित योगाभ्यास अत्यंत आवश्यक असल्याचे प्रतिपादन केले. त्यांच्या मते, योगामुळे विविध आरोग्य समस्यांपासून संरक्षण मिळते तसेच जीवनात सकारात्मकता आणि आनंद निर्माण होतो. आपल्या मार्गदर्शनात आनंद कल्याणकर यांनी समग्र मानवजातीच्या कल्याणासाठी योग हा अत्यंत प्रभावी मार्ग असल्याचे सांगितले. शारीरिक आरोग्यासोबतच मानसिक स्वास्थ्य टिकवून ठेवण्यासाठी आणि तणावमुक्त जीवन जगण्यासाठी नियमित योगाभ्यास गरजेचा असून, विविध आजारांपासून स्वतःचे संरक्षण करण्यासाठी योगासोबतच कमी साखरेचा वापर, सात्त्विक आणि घरगुती आहाराचा अंगीकार करणे काळाची गरज असल्याचे त्यांनी अधोरेखित केले. या कार्यक्रमाला केंद्रीय संचार ब्युरोचे प्रसिद्धी प्रमुख सुमित दोडल, ज्येष्ठ पत्रकार पंढरीनाथ बोखारे, योग विद्याधामचे सचिव नल्लावार यांच्यासह अनेक मान्यवर उपस्थित होते. योग विद्याधामचे योग प्रशिक्षक त्र्यंबक गायकवाड यांच्या मार्गदर्शनाखाली सहप्रशिक्षक प्रभाकर रेणगुंटवार, श्रीमती जयश्री गिराम आणि श्रीमती शकुंतला कलंबरकर यांनी पाठीवरील, पोटावरील, बैठक स्थितीतील आणि दंड स्थितीतील आसने, प्राणायाम तसेच ध्यान यांचा समावेश असलेली विविध योगासनांची प्रात्यक्षिके सादर केली. यामध्ये सूर्यनमस्कार, सर्वांगासन, नौकासन, धनुरासन, वृक्षासन, भुजंगासन आदी प्रमुख योगासनांचे सविस्तर प्रात्यक्षिक उपस्थितांना दाखवण्यात आले. कार्यक्रमाचे प्रास्ताविक केंद्रीय संचार ब्युरोचे प्रसिद्धी प्रमुख सुमित दोडल यांनी केले, तर प्रभाकर रेणगुंटवार यांनी आभार प्रदर्शन केले. योग दिनानिमित्त आयोजित या कार्यक्रमाला परिसरातील नागरिक, योगप्रेमी आणि विविध क्षेत्रातील मान्यवरांनी उत्स्फूर्त प्रतिसाद दिला.

Gajanan Bidkar

Nanded, Maharashtra•

2 hrs ago

नांदेड जिल्ह्यातील चैतन्यनगर परिसरातील शिवमंदिरात आंतरराष्ट्रीय योग दिनानिमित्त माहिती आणि प्रसारण मंत्रालयाच्या केंद्रीय संचार ब्युरो, नांदेड आणि योग विद्याधाम, नांदेड यांच्या संयुक्त विद्यमाने एका विशेष कार्यक्रमाचे आयोजन करण्यात आले. या कार्यक्रमाच्या उद्घाटनप्रसंगी बोलताना ज्येष्ठ पत्रकार आणि सामाजिक कार्यकर्ते श्री आनंद कल्याणकर यांनी आजच्या धकाधकीच्या जीवनात शारीरिक आणि मानसिक आरोग्य सुदृढ ठेवण्यासाठी नियमित योगाभ्यास अत्यंत आवश्यक असल्याचे प्रतिपादन केले. त्यांच्या मते, योगामुळे विविध आरोग्य समस्यांपासून संरक्षण मिळते तसेच जीवनात सकारात्मकता आणि आनंद निर्माण होतो. आपल्या मार्गदर्शनात आनंद कल्याणकर यांनी समग्र मानवजातीच्या कल्याणासाठी योग हा अत्यंत प्रभावी मार्ग असल्याचे सांगितले. शारीरिक आरोग्यासोबतच मानसिक स्वास्थ्य टिकवून ठेवण्यासाठी आणि तणावमुक्त जीवन जगण्यासाठी नियमित योगाभ्यास गरजेचा असून, विविध आजारांपासून स्वतःचे संरक्षण करण्यासाठी योगासोबतच कमी साखरेचा वापर, सात्त्विक आणि घरगुती आहाराचा अंगीकार

करणे काळाची गरज असल्याचे त्यांनी अधोरेखित केले. या कार्यक्रमाला केंद्रीय संचार ब्युरोचे प्रसिद्धी प्रमुख सुमित दोडल, ज्येष्ठ पत्रकार पंढरीनाथ बोखारे, योग विद्याधामचे सचिव नल्लावार यांच्यासह अनेक मान्यवर उपस्थित होते. योग विद्याधामचे योग प्रशिक्षक त्र्यंबक गायकवाड यांच्या मार्गदर्शनाखाली सहप्रशिक्षक प्रभाकर रेणगुंटवार, श्रीमती जयश्री गिराम आणि श्रीमती शकुंतला कलंबरकर यांनी पाठीवरील, पोटावरील, बैठक स्थितीतील आणि दंड स्थितीतील आसने, प्राणायाम तसेच ध्यान यांचा समावेश असलेली विविध योगासनांची प्रात्यक्षिके सादर केली. यामध्ये सूर्यनमस्कार, सर्वांगासन, नौकासन, धनुरासन, वृक्षासन, भुजंगासन आदी प्रमुख योगासनांचे सविस्तर प्रात्यक्षिक उपस्थितांना दाखवण्यात आले. कार्यक्रमाचे प्रास्ताविक केंद्रीय संचार ब्युरोचे प्रसिद्धी प्रमुख सुमित दोडल यांनी केले, तर प्रभाकर रेणगुंटवार यांनी आभार प्रदर्शन केले. योग दिनानिमित्त आयोजित या कार्यक्रमाला परिसरातील नागरिक, योगप्रेमी आणि विविध क्षेत्रातील मान्यवरांनी उत्स्फूर्त प्रतिसाद दिला.