यवतमाळ: विजेच्या धक्क्याने महिलेचा मृत्यू, वाचवतांना मुलाला लागला शॉक अवकाळी पाऊस आणि वादळी वाऱ्यामुळे तुटलेल्या वीज केबलचा धोकादायक परिणाम समोर आला असून, विजेच्या धक्क्याने एका महिलेचा मृत्यू झाल्याची घटना दिग्रस तालुक्यात घडली आहे. सविता रमेश पवार (वय ५२) वर्ष असे मृत महिलेचे नाव आहे. या प्रकरणी फिर्यादी डॉ. जयपाल रमेश पवार (वय ३१) वर्ष रा. तिवरी यांनी दिलेल्या माहितीनुसार, वादळी वाऱ्यासह अवकाळी पावसामुळे परिसरातील विद्युत केबल तुटली होती. त्यामुळे त्यांच्या घरासमोरील ओसरीतील लोखंडी अँगलमध्ये जिवंत विद्युत प्रवाह उतरला होता. फिर्यादीची आई सविता पवार या चुलीवर पाणी गरम करण्यासाठी उठल्या असता त्यांचा ओसरीतील लोखंडी अँगलला स्पर्श झाला. त्याच वेळी त्यांना जबर विद्युत धक्का बसून त्या बेशुद्ध पडल्या. आईला वाचवण्यासाठी धाव घेतलेल्या मुलगा डॉ. जयपाल पवार यालाही हात लावताच विजेचा धक्का बसला. प्रसंगावधान राखत त्यांनी फ्यूज काढून वीजपुरवठा खंडित केला आणि आईला दिग्रस येथील आरोग्यधाम हॉस्पिटलमध्ये उपचारासाठी दाखल केले. मात्र डॉक्टरांनी तपासणीअंती सविता पवार यांना मृत घोषित केले.

Sajid Patlewale

दिग्रस, यवतमाळ, महाराष्ट्र•

20 hrs ago

यवतमाळ: विजेच्या धक्क्याने महिलेचा मृत्यू, वाचवतांना मुलाला लागला शॉक अवकाळी पाऊस आणि वादळी वाऱ्यामुळे तुटलेल्या वीज केबलचा धोकादायक परिणाम समोर आला असून, विजेच्या धक्क्याने एका महिलेचा मृत्यू झाल्याची घटना दिग्रस तालुक्यात घडली आहे. सविता रमेश पवार (वय ५२) वर्ष असे मृत महिलेचे नाव आहे. या प्रकरणी फिर्यादी डॉ. जयपाल रमेश पवार (वय ३१) वर्ष रा. तिवरी यांनी दिलेल्या माहितीनुसार, वादळी वाऱ्यासह अवकाळी पावसामुळे परिसरातील विद्युत केबल तुटली होती. त्यामुळे त्यांच्या घरासमोरील ओसरीतील लोखंडी अँगलमध्ये जिवंत विद्युत प्रवाह उतरला होता. फिर्यादीची आई सविता पवार या चुलीवर पाणी गरम करण्यासाठी उठल्या असता त्यांचा ओसरीतील लोखंडी अँगलला स्पर्श झाला. त्याच वेळी त्यांना जबर विद्युत धक्का बसून त्या बेशुद्ध पडल्या. आईला वाचवण्यासाठी धाव घेतलेल्या मुलगा डॉ. जयपाल पवार यालाही हात लावताच विजेचा धक्का बसला. प्रसंगावधान राखत त्यांनी फ्यूज काढून वीजपुरवठा खंडित केला आणि आईला दिग्रस येथील आरोग्यधाम हॉस्पिटलमध्ये उपचारासाठी दाखल केले. मात्र डॉक्टरांनी तपासणीअंती सविता पवार यांना मृत घोषित केले.