राख्यांना नैसर्गिक आणि आकर्षक रूप; फुलांच्या पाकळ्यांचा वापर अन् टाकाऊ वस्तूंपासून पर्यावरणपूरक राख्या; रक्षाबंधन भाऊ-बहिणीच्या पवित्र नात्याचा सण. रक्षाबंधनासाठी बाजारपेठेत विविध प्रकारच्या राख्या दाखल झाल्या आहेत. मात्र, वाशीमच्या केकत उमरा येथील चेतन सेवांकूर आश्रमातील दृष्टिहीन कलाकारांनी आपल्या कल्पकतेतून साकारलेल्या पर्यावरणपूरक राख्या यंदा विशेष आकर्षण ठरत आहेत. रानफुलांच्या पाकळ्या, कडधान्ये आणि टाकाऊ वस्तूंचा कल्पक वापर करून राख्यांची अत्यंत आकर्षक पद्धतीने निर्मिती करण्यात आली. स्वावलंबनासाठी दिव्यांग कलावंतांनी सुरू केलेला हा उपक्रम प्रेरणादायी व आदर्श ठरत आहे. राख्यांना नैसर्गिक आणि आकर्षक रूप; फुलांच्या पाकळ्यांचा वापर श्रावणात बहरणाऱ्या रानझेंडू, तेरडा, कास, चाफा आणि शेवंती यासारख्या विविध फुलांच्या पाकळ्यांचा वापर करून राख्यांना नैसर्गिक आणि आकर्षक रूप देण्यात आले आहे. यासोबतच कागद, धागे तसेच विविध टाकाऊ वस्तूंपासून फॅन्सी आणि कलाकुसरीच्या राख्याही तयार करण्यात आल्या आहेत. त्यामुळे या राख्या आकर्षक असण्यासोबतच पर्यावरणपूरकही ठरत आहेत.सेवांकूर’चा आदर्श उपक्रमकेकत उमरा येथील चेतन सेवांकूर आश्रमात डझनभर मुलांचे वास्तव्य आहे. येथील दृष्टिहीन कलाकार विविध सामाजिक आणि सांस्कृतिक कार्यक्रमांमध्ये गीतगायन करून उदरनिर्वाह करतात. मात्र, पावसाळ्यात संगीताचे कार्यक्रम कमी होत असल्याने त्यांच्या उत्पन्नावर परिणाम होतो. ही बाब लक्षात घेऊन यंदा स्थानिक महिला बचत गटाच्या सहकार्याने दृष्टिहीन कलाकारांनी पर्यावरणपूरक राखी निर्मितीचा अनोखा उपक्रम हाती घेतला आहे.

के.के. रिपोर्टर

Spa रिसोड, वाशिम, महाराष्ट्र•

1 hr ago

राख्यांना नैसर्गिक आणि आकर्षक रूप; फुलांच्या पाकळ्यांचा वापर अन् टाकाऊ वस्तूंपासून पर्यावरणपूरक राख्या; रक्षाबंधन भाऊ-बहिणीच्या पवित्र नात्याचा सण. रक्षाबंधनासाठी बाजारपेठेत विविध प्रकारच्या राख्या दाखल झाल्या आहेत. मात्र, वाशीमच्या केकत उमरा येथील चेतन सेवांकूर आश्रमातील दृष्टिहीन कलाकारांनी आपल्या कल्पकतेतून साकारलेल्या पर्यावरणपूरक राख्या यंदा विशेष आकर्षण ठरत आहेत. रानफुलांच्या पाकळ्या, कडधान्ये आणि टाकाऊ वस्तूंचा कल्पक वापर करून राख्यांची अत्यंत आकर्षक पद्धतीने निर्मिती करण्यात आली. स्वावलंबनासाठी दिव्यांग कलावंतांनी सुरू केलेला हा उपक्रम प्रेरणादायी व आदर्श ठरत आहे. राख्यांना नैसर्गिक आणि आकर्षक रूप; फुलांच्या पाकळ्यांचा वापर श्रावणात बहरणाऱ्या रानझेंडू, तेरडा, कास, चाफा आणि शेवंती यासारख्या विविध फुलांच्या पाकळ्यांचा वापर करून राख्यांना नैसर्गिक आणि आकर्षक रूप देण्यात आले आहे. यासोबतच कागद, धागे तसेच विविध टाकाऊ वस्तूंपासून फॅन्सी आणि कलाकुसरीच्या राख्याही तयार करण्यात आल्या आहेत. त्यामुळे या राख्या आकर्षक असण्यासोबतच पर्यावरणपूरकही ठरत आहेत.सेवांकूर’चा आदर्श उपक्रमकेकत उमरा येथील चेतन सेवांकूर आश्रमात डझनभर मुलांचे वास्तव्य आहे. येथील दृष्टिहीन कलाकार विविध सामाजिक आणि सांस्कृतिक कार्यक्रमांमध्ये गीतगायन करून उदरनिर्वाह करतात. मात्र, पावसाळ्यात संगीताचे कार्यक्रम कमी होत असल्याने त्यांच्या उत्पन्नावर परिणाम होतो. ही बाब लक्षात घेऊन यंदा स्थानिक महिला बचत गटाच्या सहकार्याने दृष्टिहीन कलाकारांनी पर्यावरणपूरक राखी निर्मितीचा अनोखा उपक्रम हाती घेतला आहे.