૧૦ મોહરમ આશુરાના પવિત્ર દિવસ નિમિત્તે બનાસકાંઠા જિલ્લાના ધાનેરા શહેરમાં મુસ્લિમ સમાજ દ્વારા અત્યંત શાંતિપૂર્ણ અને ભક્તિમય માહોલમાં કલાત્મક તાજિયાનું ભવ્ય જુલુસ કાઢવામાં આવ્યું હતું. કરબલાના શહીદોની યાદમાં નીકળેલા આ જુલુસમાં મોટી સંખ્યામાં અકીદતમંદો જોડાયા હતા. શ્રદ્ધાળુઓ દ્વારા પરંપરાગત રીતે તૈયાર કરવામાં આવેલા કલાત્મક તાજિયા આકર્ષણનું કેન્દ્ર બન્યા હતા. આ પવિત્ર પ્રસંગે કોમી એકતા અને માનવતાના અનોખા દ્રશ્યો જોવા મળ્યા હતા. જુલુસના માર્ગો પર પંજેતન ગ્રુપ, દિવાન સમાજ, કુરેશી સમાજ તેમજ મુસ્લા સમાજ જેવા વિવિધ સંગઠનો અને સમાજ અગ્રણીઓ દ્વારા ઠેર-ઠેર ભવ્ય સબ્બિલ (સેવા સ્ટોલ) બનાવવામાં આવ્યા હતા. વાહનો તેમજ સ્ટોલ મારફતે જુલુસમાં જોડાનાર અને દર્શનાર્થે આવેલા લોકો માટે ઠંડા પાણી, શરબત, દૂધ, કોલ્ડ્રિંક્સ અને લસ્સીની સુંદર વ્યવસ્થા કરવામાં આવી હતી. આ ઉપરાંત, મોહરમના પવિત્ર દિવસે રોઝા રાખતા અકીદતમંદો માટે સેવાભાવી મુસ્લિમ બિરાદરો તરફથી ઇફ્તારીની પણ ઉત્કૃષ્ટ વ્યવસ્થા કરવામાં આવી હતી. સમગ્ર જુલુસ શાંતિપૂર્ણ અને સૌહાર્દપૂર્ણ વાતાવરણમાં સંપન્ન થાય તે માટે ધાનેરા પોલીસ સ્ટાફ દ્વારા ચુસ્ત અને જડબેસલાક પોલીસ બંદોબસ્ત ગોઠવવામાં આવ્યો હતો. પોલીસ પ્રશાસનની સતર્કતા અને સ્થાનિક લોકોના સહયોગથી સમગ્ર કાર્યક્રમ ખૂબ જ શાંતિપૂર્ણ રીતે પૂર્ણ થયો હતો.

ઈકબાલ મેમણ

Local News Reporter ધાનેરા, બનાસકાંઠા, ગુજરાત•

10 hrs ago

૧૦ મોહરમ આશુરાના પવિત્ર દિવસ નિમિત્તે બનાસકાંઠા જિલ્લાના ધાનેરા શહેરમાં મુસ્લિમ સમાજ દ્વારા અત્યંત શાંતિપૂર્ણ અને ભક્તિમય માહોલમાં કલાત્મક તાજિયાનું ભવ્ય જુલુસ કાઢવામાં આવ્યું હતું. કરબલાના શહીદોની યાદમાં નીકળેલા આ જુલુસમાં મોટી સંખ્યામાં અકીદતમંદો જોડાયા હતા. શ્રદ્ધાળુઓ દ્વારા પરંપરાગત રીતે તૈયાર કરવામાં

આવેલા કલાત્મક તાજિયા આકર્ષણનું કેન્દ્ર બન્યા હતા. આ પવિત્ર પ્રસંગે કોમી એકતા અને માનવતાના અનોખા દ્રશ્યો જોવા મળ્યા હતા. જુલુસના માર્ગો પર પંજેતન ગ્રુપ, દિવાન સમાજ, કુરેશી સમાજ તેમજ મુસ્લા સમાજ જેવા વિવિધ સંગઠનો અને સમાજ અગ્રણીઓ દ્વારા ઠેર-ઠેર ભવ્ય સબ્બિલ (સેવા સ્ટોલ)

બનાવવામાં આવ્યા હતા. વાહનો તેમજ સ્ટોલ મારફતે જુલુસમાં જોડાનાર અને દર્શનાર્થે આવેલા લોકો માટે ઠંડા પાણી, શરબત, દૂધ, કોલ્ડ્રિંક્સ અને લસ્સીની સુંદર વ્યવસ્થા કરવામાં આવી હતી. આ ઉપરાંત, મોહરમના પવિત્ર દિવસે રોઝા રાખતા અકીદતમંદો માટે સેવાભાવી મુસ્લિમ બિરાદરો તરફથી ઇફ્તારીની પણ ઉત્કૃષ્ટ

વ્યવસ્થા કરવામાં આવી હતી. સમગ્ર જુલુસ શાંતિપૂર્ણ અને સૌહાર્દપૂર્ણ વાતાવરણમાં સંપન્ન થાય તે માટે ધાનેરા પોલીસ સ્ટાફ દ્વારા ચુસ્ત અને જડબેસલાક પોલીસ બંદોબસ્ત ગોઠવવામાં આવ્યો હતો. પોલીસ પ્રશાસનની સતર્કતા અને સ્થાનિક લોકોના સહયોગથી સમગ્ર કાર્યક્રમ ખૂબ જ શાંતિપૂર્ણ રીતે પૂર્ણ થયો હતો.