విశాఖ బీచ్ షాక్స్ పేరిట అభివృద్ధి నెపంతో మద్యం అమ్మకాలకు అనుమతిస్తూ జారీ చేసిన జీవో నంబర్ 361ని రద్దు చేయాలని డిమాండ్ చేస్తూ, AIYF, AISF, NFIW జిల్లా సమితి ఆధ్వర్యంలో విశాఖ ఆర్కే బీచ్లోని ఎన్టీఆర్ విగ్రహం వద్ద నుండి ఆక్వా స్పోర్ట్స్ కాంప్లెక్స్ ఇరువైపులా వినూత్న రీతిలో నిరసన ప్రదర్శన నిర్వహించారు. ఈ నిరసనలో పాల్గొన్నవారు మద్యం ఖాళీ సీసాలను మెడలో వేసుకుని నినాదాలు చేశారు. విశాఖను సర్వనాశనం చేయవద్దని, గోవా తరహా సంస్కృతి సంప్రదాయాలను ఇక్కడ తీసుకురావద్దని నినదిస్తూ, బీచ్లో ఉన్న ప్రజలకు ప్రభుత్వ వైఫల్యాలను వివరించారు. ఈ సందర్భంగా ఏఐవైఎఫ్ జిల్లా అధ్యక్షులు వై. రాంబాబు, ఆంధ్రప్రదేశ్ మహిళా సమాఖ్య జిల్లా కార్యదర్శి ఎం.ఏ. బేగం, ఏఐఎస్ఎఫ్ జిల్లా కార్యదర్శి యు. నాగరాజు మాట్లాడుతూ, విశాలమైన, సుందరమైన విశాఖ బీచ్ను కుటుంబ సభ్యులతో కలిసి ఆస్వాదించే తీర ప్రాంతాన్ని పర్యాటక అభివృద్ధి పేరిట మద్యం దుకాణాల కేంద్రంగా మార్చేందుకు తీసుకొచ్చిన జీవో నంబర్ 362ని, మద్యం దుకాణాల ఏర్పాటుకు ప్రభుత్వం చేస్తున్న ప్రయత్నాలను తక్షణమే రద్దు చేయాలని డిమాండ్ చేశారు. విశాఖ ఎంపీ శ్రీ భరత్ ఎన్నికల్లో ఇచ్చిన హామీలను నెరవేర్చకపోగా, గెలిపించిన ప్రజలకు తీవ్ర అన్యాయం, నష్టం చేస్తున్నారని, ప్రశాంతమైన విశాఖను సర్వనాశనం చేయడానికి ఆయన కంకణం కట్టుకున్నారని విమర్శించారు. విశాఖలో ఉన్న అనేక సమస్యలు విలయతాండవం చేస్తున్నా ఏమీ పట్టనట్టు వ్యవహరిస్తున్నారని మండిపడ్డారు. ప్రజలపై ఏ మాత్రం అంకితభావం, గౌరవం ఉన్నా, ఈ కూటమి ప్రభుత్వం తక్షణమే ఈ నిర్ణయాన్ని వెనక్కి తీసుకోవాలని డిమాండ్ చేశారు. లేనియెడల ప్రభుత్వ మెడలు వంచే వరకు ప్రజలను ఐక్యం చేసి, రోజు వివిధ రూపాల్లో ఉద్యమాలు కొనసాగిస్తామని స్పష్టం చేశారు. ఈ కార్యక్రమంలో యువజన, విద్యార్థి, మహిళా సంఘాల నాయకులు సందీప్, మధురెడ్డి, గణేష్, పుష్ప, పద్మ, ఇతర యువకులు, విద్యార్థులు, మహిళలు పాల్గొన్నారు.
విశాఖ బీచ్ షాక్స్ పేరిట అభివృద్ధి నెపంతో మద్యం అమ్మకాలకు అనుమతిస్తూ జారీ చేసిన జీవో నంబర్ 361ని రద్దు చేయాలని డిమాండ్ చేస్తూ, AIYF, AISF, NFIW జిల్లా సమితి ఆధ్వర్యంలో విశాఖ ఆర్కే బీచ్లోని ఎన్టీఆర్ విగ్రహం వద్ద నుండి ఆక్వా స్పోర్ట్స్ కాంప్లెక్స్ ఇరువైపులా వినూత్న రీతిలో నిరసన ప్రదర్శన నిర్వహించారు. ఈ నిరసనలో పాల్గొన్నవారు మద్యం ఖాళీ సీసాలను మెడలో వేసుకుని నినాదాలు చేశారు. విశాఖను సర్వనాశనం చేయవద్దని, గోవా తరహా సంస్కృతి సంప్రదాయాలను ఇక్కడ తీసుకురావద్దని నినదిస్తూ, బీచ్లో ఉన్న ప్రజలకు ప్రభుత్వ వైఫల్యాలను వివరించారు. ఈ సందర్భంగా ఏఐవైఎఫ్ జిల్లా అధ్యక్షులు వై. రాంబాబు, ఆంధ్రప్రదేశ్ మహిళా సమాఖ్య జిల్లా కార్యదర్శి ఎం.ఏ. బేగం, ఏఐఎస్ఎఫ్ జిల్లా కార్యదర్శి యు. నాగరాజు మాట్లాడుతూ, విశాలమైన, సుందరమైన విశాఖ బీచ్ను కుటుంబ సభ్యులతో కలిసి ఆస్వాదించే తీర ప్రాంతాన్ని పర్యాటక అభివృద్ధి పేరిట మద్యం దుకాణాల కేంద్రంగా మార్చేందుకు తీసుకొచ్చిన జీవో నంబర్ 362ని, మద్యం దుకాణాల ఏర్పాటుకు ప్రభుత్వం చేస్తున్న ప్రయత్నాలను తక్షణమే రద్దు చేయాలని డిమాండ్ చేశారు. విశాఖ ఎంపీ శ్రీ భరత్ ఎన్నికల్లో ఇచ్చిన హామీలను నెరవేర్చకపోగా, గెలిపించిన ప్రజలకు తీవ్ర అన్యాయం, నష్టం చేస్తున్నారని, ప్రశాంతమైన విశాఖను సర్వనాశనం చేయడానికి ఆయన కంకణం కట్టుకున్నారని విమర్శించారు. విశాఖలో ఉన్న అనేక సమస్యలు విలయతాండవం చేస్తున్నా ఏమీ పట్టనట్టు వ్యవహరిస్తున్నారని మండిపడ్డారు. ప్రజలపై ఏ మాత్రం అంకితభావం, గౌరవం ఉన్నా, ఈ కూటమి ప్రభుత్వం తక్షణమే ఈ నిర్ణయాన్ని వెనక్కి తీసుకోవాలని డిమాండ్ చేశారు. లేనియెడల ప్రభుత్వ మెడలు వంచే వరకు ప్రజలను ఐక్యం చేసి, రోజు వివిధ రూపాల్లో ఉద్యమాలు కొనసాగిస్తామని స్పష్టం చేశారు. ఈ కార్యక్రమంలో యువజన, విద్యార్థి, మహిళా సంఘాల నాయకులు సందీప్, మధురెడ్డి, గణేష్, పుష్ప, పద్మ, ఇతర యువకులు, విద్యార్థులు, మహిళలు పాల్గొన్నారు.
- ఆంధ్ర-ఒడిస్సా సరిహద్దు ప్రాంతాల్లో నిర్వహించిన జాయింట్ ఆపరేషన్లో భాగంగా రూ.5.6 కోట్ల విలువైన 1125 కిలోల గంజాయిని స్వాధీనం చేసుకున్నారు. అరకు నియోజకవర్గంలోని ముంచంగిపట్టు మండలం బూసిపుట్టు వద్ద ముందస్తు సమాచారం ఆధారంగా ఎన్ఫోర్స్మెంట్ మరియు ముంచంగిపట్టు పోలీస్ శాఖ ఆధ్వర్యంలో ఈ జాయింట్ ఆపరేషన్ జరిగింది. ఈ ఆపరేషన్లో భారీగా గంజాయి పట్టుబడింది. ఈ గంజాయి అక్రమ రవాణాకు పాల్పడుతున్న ముగ్గురు వ్యక్తులను ఎన్ఫోర్స్మెంట్ అధికారులు అరెస్టు చేశారు. అరెస్టు అయిన వారిని రిమాండ్కు తరలించనున్నట్లు అధికారులు తెలిపారు.1N.S.R.Guptha
- Post by Narasimha Narasimha4Narasimha Narasimha
- అంతర్జాతీయ యోగా దినోత్సవాన్ని పురస్కరించుకుని, విజయనగరం పట్టణంలోని బాలాజీ జంక్షన్లో శనివారం 'యోగాంధ్ర' కార్యక్రమం ఘనంగా నిర్వహించారు. ఈ కార్యక్రమంలో జిల్లా నలుమూలల నుంచి వచ్చిన వేలాదిమంది ప్రజలు ఉత్సాహంగా పాల్గొని యోగాసనాలు వేశారు, తద్వారా యోగా ప్రాముఖ్యతను చాటిచెప్పారు. జిల్లా కలెక్టర్ ఎస్. రాంసుందర్ రెడ్డి, జిల్లా ఎస్పీ ఏ.ఆర్. దామోదర్, ఎంపీ కలిశెట్టి అప్పలనాయుడు, ఎమ్మెల్యే పూసపాటి అదితి విజయలక్ష్మి గజపతిరాజుతో పాటు ఇతర ప్రజాప్రతినిధులు, జిల్లా అధికారులు ప్రజలతో కలిసి వివిధ యోగాసనాలను ప్రదర్శించారు. యోగా ద్వారా లభించే శారీరక, మానసిక ఆరోగ్య ప్రయోజనాలపై వారు ప్రజలకు అవగాహన కల్పించారు. ఈ సందర్భంగా ఎంపీ మాట్లాడుతూ, ఆధునిక జీవనశైలిలో ఆరోగ్యాన్ని కాపాడుకోవడానికి యోగా అత్యుత్తమ సాధనమని నొక్కిచెప్పారు. ప్రతిరోజూ యోగా సాధన చేయడం వల్ల శారీరక దృఢత్వంతో పాటు మానసిక ప్రశాంతత కూడా చేకూరుతుందని ఆయన వివరించారు. బాలాజీ జంక్షన్ 'యోగా చేద్దాం - ఆరోగ్యాన్ని పొందుదాం' అనే నినాదాలతో మారుమోగిపోగా, చిన్నారుల నుండి వృద్ధుల వరకు అందరూ ఈ వేడుకలో ఉత్సాహంగా పాలుపంచుకున్నారు.1Kumar
- ఆదివారం డుంబ్రిగూడ మండల పరిసర గ్రామాల్లో చల్లని వాతావరణం నెలకొంది. ఉదయం నుంచే ఆకాశం దట్టమైన మబ్బులతో కమ్ముకొని, నిరంతరాయంగా ముసురు కొనసాగింది. అప్పుడప్పుడూ వీచిన చల్లని గాలులు ప్రజలకు ఉపశమనాన్ని కలిగించాయి. వర్ష సూచనలు స్పష్టంగా కనిపించడంతో వాతావరణం మరింత ఆహ్లాదకరంగా మారింది, స్థానికులు మోస్తరు నుంచి భారీ వర్షాలు కురిసే అవకాశం ఉందని భావిస్తున్నారు. ఈ పరిస్థితుల్లో రైతులు తమ వ్యవసాయ పనుల్లో నిమగ్నమవగా, చాలామంది చల్లని వాతావరణాన్ని ఆస్వాదించారు. మండల కేంద్రంతో పాటు పలు గ్రామాల్లో రోజంతా మేఘావృత పరిస్థితులు కొనసాగాయి.1Nava surya
- రాష్ట్ర ప్రభుత్వ ఆదేశాల మేరకు బొబ్బిలిలో 12వ అంతర్జాతీయ యోగా దినోత్సవాన్ని పురస్కరించుకుని, మున్సిపల్, ఎంపీడీఓ కార్యాలయ సిబ్బందికి యోగా శిక్షణ నిర్వహించారు. మున్సిపల్ కమిషనర్ ఎల్. రామలక్ష్మి, ఎంపీడీఓ పి. రవికుమార్ ఆధ్వర్యంలో ఈ శిక్షణ కార్యక్రమం జరిగింది. యోగా గురువు గురుబ్రహ్మ ప్రసాద్ పర్యవేక్షణలో శిక్షకురాలు సత్య మనస్విని సిబ్బందికి యోగాసనాలు చేయించారు. యోగా వల్ల కలిగే లాభాలను ఆమె ఈ సందర్భంగా వివరించారు. శారీరక, మానసిక ఒత్తిడిని జయించాలంటే ప్రతి ఒక్కరూ రోజుకు కనీసం ఒక గంట పాటు యోగాసనాలు, ప్రాణాయామం చేయాలని శిక్షకురాలు సూచించారు. యోగాను తమ దైనందిన జీవితంలో భాగం చేసుకోవాలని సిబ్బందికి తెలియజేశారు.3వెంకీ నాయుడు
- శ్రీకాకుళం జిల్లాలోని పెదపాడు, మునశబుపేట, సింగుపురం తదితర ప్రాంతాల్లో ఆదివారం మధ్యాహ్నం ఉరుములు, మెరుపులతో కూడిన భారీ వర్షం కురిసింది. ఒక్కసారిగా కురిసిన ఈ వాన కారణంగా రహదారులపై నీరు నిలిచిపోయింది, దీంతో వాహనదారులు రాకపోకల్లో తీవ్ర ఇబ్బందులు ఎదుర్కొన్నారు. అయితే, గత రెండు రోజులుగా నమోదైన అధిక ఉష్ణోగ్రతలతో అల్లాడుతున్న ప్రజలకు ఈ వర్షం కొంత ఉపశమనం కలిగించింది. ఈ నేపథ్యంలో అధికారులు ప్రజలకు సూచనలు జారీ చేశారు. ముఖ్యంగా చెట్లు, విద్యుత్ స్తంభాల సమీపంలో నిలవవద్దని అధికారులు హెచ్చరించారు. శ్రీకాకాళం రూరల్ ప్రాంతాల్లో కూడా భారీ వర్షం కురుస్తున్నట్లు సమాచారం.1Bhoomi
- మన్యం జిల్లాలోని పాలకొండ మండల పరిధిలో ఈరోజు ఉదయం నుండి వర్షం కురుస్తోంది. ఈ వర్షం రైతన్నలకు ఎదలు, నారుమాడులు మొలకెత్తుటకు, మొక్కజొన్న సాగు చేసుకున్న వారికి ఎంతో ఉపయోగకరంగా ఉంది. ముఖ్యంగా కూరగాయల సాగుకు కూడా ఈ వర్షం ఎంతగానో ప్రయోజనం చేకూరుస్తుంది. పాలకొండ మండలంలోని అన్ని ప్రాంతాలలో ఉదయం నుండి ఈ వర్షం నిరంతరాయంగా కొనసాగుతోంది, వ్యవసాయ కార్యకలాపాలకు గణనీయమైన సహాయాన్ని అందిస్తోంది.1Duppada Anandarao
- విశాఖపట్నం జిల్లాలోని మధురవాడ సాయిరాం కాలనీలో ఆదివారం ఉదయం తీవ్ర విషాదం చోటుచేసుకుంది. ఆరేళ్ల బాలుడు కురిటి అఖిల్ తన తల్లికి చెప్పి ఆడుకోవడానికి వెళ్లగా, విద్యుత్ ఘాతానికి గురై ప్రాణాలు కోల్పోయాడు. శ్రీకాకుళం జిల్లా నుండి జీవనోపాధి నిమిత్తం ఇక్కడికి వచ్చిన ఆ కుటుంబంలో కన్న కొడుకు మృతిచెందడంతో తీరని దుఃఖం అలుముకుంది.1N.S.R.Guptha
