અરવલ્લી જિલ્લાના શામળાજી-મોડાસા હાઇવે પર આવેલા લાલપુર શામળાજી રેલ્વે સ્ટેશન નજીક એક ગંભીર કાર અકસ્માત સર્જાયો હતો. ઉદેપુરથી કપડવંજ જઈ રહેલી કારનું અચાનક ટાયર નીકળી જવાના કારણે કાર બેકાબૂ બની પલ્ટી મારી ગઈ હતી. અકસ્માત એટલો ગંભીર હતો કે ક્ષણભર માટે ઘટનાસ્થળે અફરાતફરીનો માહોલ સર્જાયો હતો. આ મુશ્કેલ ઘડીએ અકસ્માત સ્થળેથી પસાર થઈ રહેલા ટીંટોઇના પત્રકાર કાદરભાઈ ડમરીએ સમયસૂચકતા દાખવી કારમાં ફસાયેલા બંને મુસાફરોને સુરક્ષિત રીતે બહાર કાઢ્યા હતા. સદનસીબે આ અકસ્માતમાં બંને મુસાફરોનો આબાદ બચાવ થયો હતો અને કોઈ જાનહાનિ થઈ નહોતી. ઘટનાની જાણ થતાં જ ૧૦૮ એમ્બ્યુલન્સ તાત્કાલિક ઘટનાસ્થળે પહોંચી ગઈ હતી અને બંનેને વધુ સારવાર માટે હોસ્પિટલ ખસેડ્યા હતા. મુસાફરોને સુરક્ષિત બહાર કાઢવામાં સફળ રહેતા ત્યાં હાજર લોકોએ પત્રકાર કાદરભાઈ ડમરીની આ કામગીરીની ભારે સરાહના કરી હતી.

સમાચાર 31 ગુજરાત

Local News Reporter મોડાસા, અરવલ્લી, ગુજરાત•

1 hr ago

અરવલ્લી જિલ્લાના શામળાજી-મોડાસા હાઇવે પર આવેલા લાલપુર શામળાજી રેલ્વે સ્ટેશન નજીક એક ગંભીર કાર અકસ્માત સર્જાયો હતો. ઉદેપુરથી કપડવંજ જઈ રહેલી કારનું અચાનક ટાયર નીકળી જવાના કારણે કાર બેકાબૂ બની પલ્ટી મારી ગઈ હતી. અકસ્માત એટલો ગંભીર હતો કે ક્ષણભર માટે ઘટનાસ્થળે અફરાતફરીનો માહોલ સર્જાયો હતો. આ મુશ્કેલ ઘડીએ અકસ્માત સ્થળેથી પસાર થઈ રહેલા ટીંટોઇના પત્રકાર કાદરભાઈ ડમરીએ સમયસૂચકતા દાખવી કારમાં ફસાયેલા બંને મુસાફરોને સુરક્ષિત રીતે બહાર કાઢ્યા હતા. સદનસીબે આ અકસ્માતમાં બંને મુસાફરોનો આબાદ બચાવ થયો હતો અને કોઈ જાનહાનિ થઈ નહોતી. ઘટનાની જાણ થતાં જ ૧૦૮ એમ્બ્યુલન્સ તાત્કાલિક ઘટનાસ્થળે પહોંચી ગઈ હતી અને બંનેને વધુ સારવાર માટે હોસ્પિટલ ખસેડ્યા હતા. મુસાફરોને સુરક્ષિત બહાર કાઢવામાં સફળ રહેતા ત્યાં હાજર લોકોએ પત્રકાર કાદરભાઈ ડમરીની આ કામગીરીની ભારે સરાહના કરી હતી.