ગાંધીનગર સ્થિત ભારતીય સેનાના મિલિટરી સેન્ટરમાં ગ્રીન એમ્બેસેડર જીતુભાઈની આગેવાનીમાં અને કેબિનેટ મંત્રી ઋષિકેશ પટેલની ઉપસ્થિતિમાં હરિત અભિયાન અંતર્ગત વૃક્ષારોપણ મહાઅભિયાન યોજાયું હતું. આ આયોજન દરમિયાન કેબિનેટ મંત્રી, સૈન્યના અધિકારીઓ, ગ્રીન ગ્લોબલ બ્રિગેડના પ્રણેતા જીતુભાઈ, ટ્રસ્ટીઓ અને પર્યાવરણપ્રેમીઓએ સાથે મળીને વૃક્ષારોપણ કરી પ્રકૃતિ સંરક્ષણનો સંદેશ વહેતો કર્યો હતો. આ કાર્યક્રમમાં કર્નલ સિદ્ધરાજસિંહ ભાટી, મેજર સૌરભ કુમાર અને તેમની ટીમની વિશેષ કામગીરીને બિરદાવવામાં આવી હતી. ગુજરાત જાહેર સેવા આયોગ (GPSC)ના અધ્યક્ષ હસમુખભાઈ પટેલના સહયોગથી અહીં છેલ્લા બે વર્ષમાં પ્રતિ વર્ષ ૨૧ હજારથી વધુ વૃક્ષોનું સફળ વાવેતર કરાયું છે. હવે ત્રીજા વર્ષમાં પ્રવેશતાની સાથે જ સમગ્ર સૈન્ય કેમ્પસમાં ૧ લાખ વૃક્ષો વાવીને હરિત આવરણ ઊભું કરવાનો નવો સંકલ્પ વ્યક્ત કરવામાં આવ્યો છે. કેન્દ્રીય ગૃહ અને સહકાર મંત્રી અમિત શાહના માર્ગદર્શન હેઠળ ગાંધીનગર લોકસભા વિસ્તારમાં ૧.૨૫ કરોડથી વધુ વૃક્ષો વાવીને વિસ્તારને હરિયાળો બનાવવાનો જે મહાસંકલ્પ ચાલી રહ્યો છે, આ અભિયાન તેમાં મોટું યોગદાન આપી રહ્યું છે. કાર્યક્રમના અંતે જીતુભાઈએ ઉપસ્થિત સૌને ગ્રીન ગ્લોબલ બ્રિગેડના પાંચ સંકલ્પો લેવડાવ્યા હતા અને જણાવ્યું હતું કે વૃક્ષારોપણ એ પ્રકૃતિ પ્રત્યેની આપણી જવાબદારી અને આવનારી પેઢી માટે હરિયાળા ભવિષ્યનું નિર્માણ છે.

BABA SAIYAD

Newspaper distribution વિજાપુર, મહેસાણા, ગુજરાત•

1 hr ago

ગાંધીનગર સ્થિત ભારતીય સેનાના મિલિટરી સેન્ટરમાં ગ્રીન એમ્બેસેડર જીતુભાઈની આગેવાનીમાં અને કેબિનેટ મંત્રી ઋષિકેશ પટેલની ઉપસ્થિતિમાં હરિત અભિયાન અંતર્ગત વૃક્ષારોપણ મહાઅભિયાન યોજાયું હતું. આ આયોજન દરમિયાન કેબિનેટ મંત્રી, સૈન્યના અધિકારીઓ, ગ્રીન ગ્લોબલ બ્રિગેડના પ્રણેતા જીતુભાઈ, ટ્રસ્ટીઓ અને પર્યાવરણપ્રેમીઓએ સાથે મળીને વૃક્ષારોપણ કરી પ્રકૃતિ સંરક્ષણનો સંદેશ વહેતો કર્યો હતો. આ કાર્યક્રમમાં કર્નલ સિદ્ધરાજસિંહ ભાટી, મેજર સૌરભ કુમાર અને તેમની ટીમની વિશેષ કામગીરીને બિરદાવવામાં આવી હતી. ગુજરાત જાહેર સેવા આયોગ (GPSC)ના અધ્યક્ષ હસમુખભાઈ પટેલના સહયોગથી અહીં છેલ્લા બે વર્ષમાં પ્રતિ વર્ષ ૨૧ હજારથી વધુ વૃક્ષોનું સફળ વાવેતર કરાયું છે. હવે ત્રીજા વર્ષમાં પ્રવેશતાની સાથે જ સમગ્ર સૈન્ય કેમ્પસમાં ૧ લાખ વૃક્ષો વાવીને હરિત આવરણ ઊભું કરવાનો નવો સંકલ્પ વ્યક્ત કરવામાં આવ્યો છે. કેન્દ્રીય ગૃહ અને સહકાર મંત્રી અમિત શાહના માર્ગદર્શન હેઠળ ગાંધીનગર લોકસભા વિસ્તારમાં ૧.૨૫ કરોડથી વધુ વૃક્ષો વાવીને વિસ્તારને હરિયાળો બનાવવાનો જે મહાસંકલ્પ ચાલી રહ્યો છે, આ અભિયાન તેમાં મોટું યોગદાન આપી રહ્યું છે. કાર્યક્રમના અંતે જીતુભાઈએ ઉપસ્થિત સૌને ગ્રીન ગ્લોબલ બ્રિગેડના પાંચ સંકલ્પો લેવડાવ્યા હતા અને જણાવ્યું હતું કે વૃક્ષારોપણ એ પ્રકૃતિ પ્રત્યેની આપણી જવાબદારી અને આવનારી પેઢી માટે હરિયાળા ભવિષ્યનું નિર્માણ છે.