સાબરકાંઠા જિલ્લાના ખેડબ્રહ્મા તાલુકાના અંતરિયાળ વિસ્તારમાં અને ધરોઈ ડેમના કાંઠે આવેલા ગઢડા શામળાજી ગામે વરસાદ ખેંચાતા ગ્રામજનો ભગવાન શામળિયાના શરણે પહોંચ્યા છે. સાબરકાંઠાના 'મીની શામળાજી' તરીકે ઓળખાતા આ પવિત્ર ધામમાં વરસાદની ભારે ખેંચ વર્તાતા ગ્રામજનો, પૂજારીઓ અને ટ્રસ્ટીઓ દ્વારા ભગવાન શામળિયાને શુદ્ધ જળથી સ્નાન કરાવવાનો નિર્ણય લેવાયો હતો. આ ધાર્મિક વિધિ અંતર્ગત સૌપ્રથમ ભગવાનના વાઘા અને દાગીના ઉતારવામાં આવ્યા હતા. ત્યારબાદ ગામની મહિલાઓ માથે ગડા ભરીને પવિત્ર અને શુદ્ધ પાણી લાવી હતી, જેના વડે પૂજારી દ્વારા ભગવાનને શાસ્ત્રોક્ત સ્નાન કરાવવામાં આવ્યું હતું. સ્નાન વિધિ પૂર્ણ થયા બાદ ભગવાનને ફરીથી નવા વાઘા અને દાગીના પહેરાવી સુંદર શણગાર સજાવવામાં આવ્યો હતો. આ પ્રસંગે મોટી સંખ્યામાં મહિલાઓ અને ગ્રામજનોની ઉપસ્થિતિમાં કાળિયા ઠાકોરની પૂજા-આરતી કરવામાં આવી હતી અને મેઘરાજા સમયસર પધારે તે માટે હૃદયપૂર્વક પ્રાર્થના કરવામાં આવી હતી.

દિવાકર બન્ના

Salesperson ખેડબ્રહ્મા, સાબરકાંઠા, ગુજરાત•

2 hrs ago

સાબરકાંઠા જિલ્લાના ખેડબ્રહ્મા તાલુકાના અંતરિયાળ વિસ્તારમાં અને ધરોઈ ડેમના કાંઠે આવેલા ગઢડા શામળાજી ગામે વરસાદ ખેંચાતા ગ્રામજનો ભગવાન શામળિયાના શરણે પહોંચ્યા છે. સાબરકાંઠાના 'મીની શામળાજી' તરીકે ઓળખાતા આ પવિત્ર ધામમાં વરસાદની ભારે ખેંચ વર્તાતા ગ્રામજનો, પૂજારીઓ અને ટ્રસ્ટીઓ દ્વારા ભગવાન શામળિયાને શુદ્ધ જળથી સ્નાન કરાવવાનો નિર્ણય લેવાયો હતો. આ ધાર્મિક વિધિ અંતર્ગત સૌપ્રથમ ભગવાનના વાઘા અને દાગીના ઉતારવામાં આવ્યા હતા. ત્યારબાદ ગામની મહિલાઓ માથે ગડા ભરીને પવિત્ર અને શુદ્ધ પાણી લાવી હતી, જેના વડે પૂજારી દ્વારા ભગવાનને શાસ્ત્રોક્ત સ્નાન કરાવવામાં આવ્યું હતું. સ્નાન વિધિ પૂર્ણ થયા બાદ ભગવાનને ફરીથી નવા વાઘા અને દાગીના પહેરાવી સુંદર શણગાર સજાવવામાં આવ્યો હતો. આ પ્રસંગે મોટી સંખ્યામાં મહિલાઓ અને ગ્રામજનોની ઉપસ્થિતિમાં કાળિયા ઠાકોરની પૂજા-આરતી કરવામાં આવી હતી અને મેઘરાજા સમયસર પધારે તે માટે હૃદયપૂર્વક પ્રાર્થના કરવામાં આવી હતી.