సంతబొమ్మాలి మండలం దండు గోపాలపురం జిల్లా పరిషత్ హైస్కూల్లో చదివి ప్రతిష్టాత్మకమైన ఐఐఐటీలో సీట్లు సాధించిన ముగ్గురు విద్యార్థినిల తల్లిదండ్రులను ఉపాధ్యాయులు, సిబ్బంది మంగళవారం ఘనంగా సన్మానించారు. చెట్లతాండ్ర గ్రామానికి చెందిన చక్క రామారావు, లక్ష్మి దంపతుల ముగ్గురు కుమార్తెలు అనిత, సమజ్ఞ, శరణ్య దండు గోపాలపురం జిల్లా పరిషత్ ఉన్నత పాఠశాలలో విద్యాభ్యాసం చేశారు. వీరు ముగ్గురూ క్రమశిక్షణతో చదివి 2021, 2025, 2026 విద్యా సంవత్సరాలలో 10వ తరగతిలో ఉత్తమ మార్కులు సాధించి ఐఐఐటీలో సీట్లు సంపాదించారు. ఒకే కుటుంబానికి చెందిన ముగ్గురు బాలికలు ఇలా ప్రతిష్టాత్మకమైన సంస్థలో సీట్లు పొందడం అరుదైన విషయమని నిర్వాహకులు పేర్కొన్నారు. ఈ విజయం మిగిలిన విద్యార్థులలో స్ఫూర్తి నింపేందుకు, ప్రధానోపాధ్యాయులు, ఉపాధ్యాయులు, పాఠశాల విద్యార్థుల సమక్షంలో ఆ విద్యార్థుల తల్లిదండ్రులైన రామారావు, లక్ష్మీ దంపతులను జ్ఞాపికను అందజేసి, దుస్సాలువ కప్పి, బహుమతులు ఇచ్చి సత్కరించారు. ఈ సందర్భంగా పాఠశాల ప్రధానోపాధ్యాయులు పిట్ట గంగన్న మాట్లాడుతూ, ఈ ముగ్గురు బాలికల విజయం పాఠశాలకు, విద్యార్థులకు గొప్ప స్ఫూర్తినిస్తుందని కొనియాడారు. ఇలాంటి విజయాలు అరుదుగా జరుగుతుంటాయని, ఇలాంటి ఆణిముత్యాలు అయిన విద్యార్థులను తమ పాఠశాలలో చేర్పించి పాఠశాలకు, గ్రామానికి మంచి పేరు తీసుకొచ్చిన తల్లిదండ్రులకు ఉపాధ్యాయులు కృతజ్ఞతలు తెలిపారు. విద్యార్థులు ఇదే స్ఫూర్తితో పై చదువులలో మరింత రాణించి పాఠశాల పేరు ప్రఖ్యాతలను మరింతగా ఇనుమడింప చేయాలని కోరారు. అనంతరం విద్యార్థుల తండ్రి రామారావు మాట్లాడుతూ, తమ పిల్లలను ఇంత చక్కగా, క్రమశిక్షణగా విద్యాభ్యాసం గావించిన పాఠశాల ఉపాధ్యాయుల సేవలు ఎన్నటికీ మరువలేనివని అన్నారు. వారి కృషి వలనే తమకు ఇది సాధ్యమైందని, వారికి ఎప్పటికీ కృతజ్ఞతలుగా ఉంటామని తెలిపారు. ఈ కార్యక్రమంలో ఉపాధ్యాయులు భాస్కరరావు, లక్ష్మీనారాయణ, నాగేశ్వరరావు, బి.శ్రీనివాసరావు, శారదాంబ, అన్నాజీ, జె.శ్రీనివాసరావు, మురళీధరరాజు, రాము, సూర్యప్రకాష్, శ్రీధరు, విజయలక్ష్మి, కె.శ్రీనివాసరావు, లక్ష్మన్నునాయుడు, డి.శ్రీనివాసరావు, దయాసాగర్, శ్రీధర్, మార్కండేయులు, అలాగే పాఠశాల కమిటీ సభ్యులు పాల్గొన్నారు.

Karri Sankara Reddy

జర్నలిస్ట్ సంతబొమ్మాళి, శ్రీకాకుళం, ఆంధ్రప్రదేశ్•

4 hrs ago

సంతబొమ్మాలి మండలం దండు గోపాలపురం జిల్లా పరిషత్ హైస్కూల్లో చదివి ప్రతిష్టాత్మకమైన ఐఐఐటీలో సీట్లు సాధించిన ముగ్గురు విద్యార్థినిల తల్లిదండ్రులను ఉపాధ్యాయులు, సిబ్బంది మంగళవారం ఘనంగా సన్మానించారు. చెట్లతాండ్ర గ్రామానికి చెందిన చక్క రామారావు, లక్ష్మి దంపతుల ముగ్గురు కుమార్తెలు అనిత, సమజ్ఞ, శరణ్య దండు గోపాలపురం జిల్లా పరిషత్ ఉన్నత పాఠశాలలో విద్యాభ్యాసం చేశారు. వీరు ముగ్గురూ క్రమశిక్షణతో చదివి 2021, 2025, 2026 విద్యా సంవత్సరాలలో 10వ తరగతిలో ఉత్తమ మార్కులు సాధించి ఐఐఐటీలో సీట్లు సంపాదించారు. ఒకే కుటుంబానికి చెందిన ముగ్గురు బాలికలు ఇలా ప్రతిష్టాత్మకమైన సంస్థలో సీట్లు పొందడం అరుదైన విషయమని నిర్వాహకులు పేర్కొన్నారు. ఈ విజయం మిగిలిన విద్యార్థులలో స్ఫూర్తి నింపేందుకు, ప్రధానోపాధ్యాయులు, ఉపాధ్యాయులు, పాఠశాల విద్యార్థుల సమక్షంలో ఆ విద్యార్థుల తల్లిదండ్రులైన రామారావు, లక్ష్మీ దంపతులను జ్ఞాపికను అందజేసి, దుస్సాలువ కప్పి, బహుమతులు ఇచ్చి సత్కరించారు. ఈ సందర్భంగా పాఠశాల ప్రధానోపాధ్యాయులు పిట్ట గంగన్న మాట్లాడుతూ, ఈ ముగ్గురు బాలికల విజయం పాఠశాలకు, విద్యార్థులకు గొప్ప స్ఫూర్తినిస్తుందని కొనియాడారు. ఇలాంటి విజయాలు అరుదుగా జరుగుతుంటాయని, ఇలాంటి ఆణిముత్యాలు అయిన విద్యార్థులను తమ పాఠశాలలో చేర్పించి పాఠశాలకు, గ్రామానికి మంచి పేరు తీసుకొచ్చిన తల్లిదండ్రులకు ఉపాధ్యాయులు కృతజ్ఞతలు తెలిపారు. విద్యార్థులు ఇదే స్ఫూర్తితో పై చదువులలో మరింత రాణించి పాఠశాల పేరు ప్రఖ్యాతలను మరింతగా ఇనుమడింప చేయాలని కోరారు. అనంతరం విద్యార్థుల తండ్రి రామారావు మాట్లాడుతూ, తమ పిల్లలను ఇంత చక్కగా, క్రమశిక్షణగా విద్యాభ్యాసం గావించిన పాఠశాల ఉపాధ్యాయుల సేవలు ఎన్నటికీ మరువలేనివని అన్నారు. వారి కృషి వలనే తమకు ఇది సాధ్యమైందని, వారికి ఎప్పటికీ కృతజ్ఞతలుగా ఉంటామని తెలిపారు. ఈ కార్యక్రమంలో ఉపాధ్యాయులు భాస్కరరావు, లక్ష్మీనారాయణ, నాగేశ్వరరావు, బి.శ్రీనివాసరావు, శారదాంబ, అన్నాజీ, జె.శ్రీనివాసరావు, మురళీధరరాజు, రాము, సూర్యప్రకాష్, శ్రీధరు, విజయలక్ష్మి, కె.శ్రీనివాసరావు, లక్ష్మన్నునాయుడు, డి.శ్రీనివాసరావు, దయాసాగర్, శ్రీధర్, మార్కండేయులు, అలాగే పాఠశాల కమిటీ సభ్యులు పాల్గొన్నారు.