రాష్ట్ర ఉప ముఖ్యమంత్రి, జనసేన పార్టీ అధ్యక్షుడు పవన్ కళ్యాణ్‌పై విమర్శలు చేసే నైతిక అర్హత వైఎస్సార్ కాంగ్రెస్ పార్టీకి లేదని రామచంద్రపురం నియోజకవర్గ కూటమి పార్టీ నాయకులు తీవ్ర స్థాయిలో మండిపడ్డారు. అధికారంలో ఉన్నప్పుడు కాపు సమాజానికి ఇచ్చిన హామీలను విస్మరించి, ఇప్పుడు కాపుల పేరుతో సమావేశాలు నిర్వహించడం రాజకీయ దివాళాకోరుతనానికి నిదర్శనమని వారు విమర్శించారు. రామచంద్రపురం లయన్స్ క్లబ్ కళ్యాణ మండపంలో నిర్వహించిన మీడియా సమావేశంలో జనసేన ఇన్‌చార్జ్ పోలిశెట్టి చంద్రశేఖర్, కాపు నాయకులు కంచుమర్తి బాబురావు, అన్యం శ్రీరామ్, కొట్టువాడ హరిబాబు, దేవు వెంకటరాజు, ఆళ్ళ బుజ్జి సహా పలువురు కూటమి పార్టీ నాయకులు మాట్లాడారు. కాపు వర్గానికి బీసీ రిజర్వేషన్లు కల్పిస్తామని చెప్పి అధికారంలోకి వచ్చిన వైసీపీ, ఆ హామీని పూర్తిగా విస్మరించి కాపులను మోసం చేసిందని ఆరోపించారు. కాపు కార్పొరేషన్‌ను నిర్వీర్యం చేసి, యువత ఆశయాలను దెబ్బతీసిన పార్టీ వైసీపీనే అని విమర్శించారు. పవన్ కళ్యాణ్‌ను ఒక కులానికి పరిమితం చేసే ప్రయత్నాలు దురుద్దేశపూరితమైనవని వారు పేర్కొన్నారు. ఆయన కాపుల నాయకుడు మాత్రమే కాదని, రైతు, కార్మికుడు, యువకుడు, మహిళ, మధ్యతరగతి కుటుంబం సహా అన్ని వర్గాల ఆశయాలకు ప్రతినిధిగా ఎదిగిన నాయకుడని స్పష్టం చేశారు. ప్రజల కోసం తన వ్యక్తిగత జీవితాన్ని, సినీ జీవితాన్ని పక్కన పెట్టి రాజకీయాల్లోకి వచ్చిన పవన్ కళ్యాణ్, అధికారం కోసం కాకుండా బాధ్యత కోసం రాజకీయాలు చేస్తున్న అరుదైన నాయకుడని కొనియాడారు. దేశ ప్రధానమంత్రి స్వయంగా పవన్ కళ్యాణ్ నివాసానికి వెళ్లి పరామర్శించడం ఆయన రాజకీయ స్థాయి, జాతీయ ప్రాధాన్యతను తెలియజేస్తుందని, నిజాయితీ, నిబద్ధత, ధైర్యం, తెగింపు, దేశభక్తి ఆయన వ్యక్తిత్వానికి ప్రతీకలని తెలిపారు. వెంకటాయపాలెంలో తోట త్రిమూర్తులు నిర్వహించిన సమావేశం కాపు సంక్షేమం కోసం కాదని, కొందరు నాయకుల రాజకీయ ఉనికిని కాపాడుకునేందుకు చేసిన ప్రయత్నమని కూటమి నాయకులు విమర్శించారు. రాష్ట్రం నలుమూలల నుంచి వైసీపీ నాయకులను సమీకరించి సమావేశం నిర్వహించడం వెనుక ఉన్న అసలు ఉద్దేశాన్ని ప్రజలు ఇప్పటికే అర్థం చేసుకున్నారని అన్నారు. గతంలో కాపు ఉద్యమాల సమయంలో కేసులు నమోదై యువత ఇబ్బందులు పడుతున్నప్పుడు మౌనం వహించిన నాయకులు, ఇప్పుడు కాపులపై కపట ప్రేమ చూపించడం రాజకీయ అవకాశవాదమేనన్నారు. “వైఎస్ఆర్ కాపులు” అనే పేరుతో కాపు సమాజాన్ని రాజకీయంగా విభజించేందుకు ప్రయత్నించడం హాస్యాస్పదమని, కాపులు ఒక పార్టీకి బానిసలు కారని, తమ భవిష్యత్తును తామే నిర్ణయించుకునే సామర్థ్యం ఉన్న సమాజమని స్పష్టం చేశారు. రామచంద్రపురం నియోజకవర్గంలో రాష్ట్ర మంత్రి వాసంశెట్టి సుభాష్ అన్ని వర్గాల ప్రజలకు సమాన న్యాయం చేస్తూ అభివృద్ధి, సామాజిక సేవ కార్యక్రమాలు చేపడుతున్నారని కూటమి నాయకులు తెలిపారు. బడుగు, బలహీన వర్గాలు, కాపు సమాజ అభ్యున్నతి కోసం పనిచేస్తున్న నాయకత్వానికి మద్దతు ఇవ్వడం తమ బాధ్యతగా భావించామని పేర్కొన్నారు. తాము పదవుల కోసం, వ్యక్తిగత ప్రయోజనాల కోసం కాకుండా, సమాజ ప్రయోజనాలు, రాష్ట్ర అభివృద్ధి, కాపు యువత భవిష్యత్తు కోసం మాత్రమే కూటమిని బలపరిచామని స్పష్టం చేశారు. వైసీపీ నాయకులు కులాల మధ్య చిచ్చు పెట్టే ప్రయత్నాలు విరమించుకోవాలని, ప్రజా సమస్యలపై పోరాటం చేయాలని కూటమి నాయకులు సూచించారు. కులాలను రెచ్చగొట్టి రాజకీయ లబ్ధి పొందే రోజులు ముగిశాయని, ప్రజలు చైతన్య వంతులయ్యారని పేర్కొంటూ, "కులాలను విభజించే రాజకీయాలు జగన్‌కు సాధ్యమైతే... కులాలను కలిపే రాజకీయాలు పవన్ కళ్యాణ్‌తోనే సాధ్యం" అని నాయకులు స్పష్టం చేశారు.

Apsv9 News channel

Media company Yeleswaram, Kakinada•

9 hrs ago

రాష్ట్ర ఉప ముఖ్యమంత్రి, జనసేన పార్టీ అధ్యక్షుడు పవన్ కళ్యాణ్‌పై విమర్శలు చేసే నైతిక అర్హత వైఎస్సార్ కాంగ్రెస్ పార్టీకి లేదని రామచంద్రపురం నియోజకవర్గ కూటమి పార్టీ నాయకులు తీవ్ర స్థాయిలో మండిపడ్డారు. అధికారంలో ఉన్నప్పుడు కాపు సమాజానికి ఇచ్చిన హామీలను విస్మరించి, ఇప్పుడు కాపుల పేరుతో సమావేశాలు నిర్వహించడం రాజకీయ దివాళాకోరుతనానికి నిదర్శనమని వారు విమర్శించారు. రామచంద్రపురం లయన్స్ క్లబ్ కళ్యాణ మండపంలో నిర్వహించిన మీడియా సమావేశంలో జనసేన ఇన్‌చార్జ్ పోలిశెట్టి చంద్రశేఖర్, కాపు నాయకులు కంచుమర్తి బాబురావు, అన్యం శ్రీరామ్, కొట్టువాడ హరిబాబు, దేవు వెంకటరాజు, ఆళ్ళ బుజ్జి సహా పలువురు కూటమి పార్టీ నాయకులు మాట్లాడారు. కాపు వర్గానికి బీసీ రిజర్వేషన్లు కల్పిస్తామని చెప్పి అధికారంలోకి వచ్చిన వైసీపీ, ఆ హామీని పూర్తిగా విస్మరించి కాపులను మోసం చేసిందని ఆరోపించారు. కాపు కార్పొరేషన్‌ను నిర్వీర్యం చేసి, యువత ఆశయాలను దెబ్బతీసిన పార్టీ వైసీపీనే అని విమర్శించారు. పవన్ కళ్యాణ్‌ను ఒక కులానికి పరిమితం చేసే ప్రయత్నాలు దురుద్దేశపూరితమైనవని వారు పేర్కొన్నారు. ఆయన కాపుల నాయకుడు మాత్రమే కాదని, రైతు, కార్మికుడు, యువకుడు, మహిళ, మధ్యతరగతి కుటుంబం సహా అన్ని వర్గాల ఆశయాలకు ప్రతినిధిగా ఎదిగిన నాయకుడని స్పష్టం చేశారు. ప్రజల కోసం తన వ్యక్తిగత జీవితాన్ని, సినీ జీవితాన్ని పక్కన పెట్టి రాజకీయాల్లోకి వచ్చిన పవన్ కళ్యాణ్, అధికారం కోసం కాకుండా బాధ్యత కోసం రాజకీయాలు చేస్తున్న అరుదైన నాయకుడని కొనియాడారు. దేశ ప్రధానమంత్రి స్వయంగా పవన్ కళ్యాణ్ నివాసానికి వెళ్లి పరామర్శించడం ఆయన రాజకీయ స్థాయి, జాతీయ ప్రాధాన్యతను తెలియజేస్తుందని, నిజాయితీ, నిబద్ధత, ధైర్యం, తెగింపు, దేశభక్తి ఆయన వ్యక్తిత్వానికి ప్రతీకలని తెలిపారు. వెంకటాయపాలెంలో తోట త్రిమూర్తులు నిర్వహించిన సమావేశం కాపు సంక్షేమం కోసం కాదని, కొందరు నాయకుల రాజకీయ ఉనికిని కాపాడుకునేందుకు చేసిన ప్రయత్నమని కూటమి నాయకులు విమర్శించారు. రాష్ట్రం నలుమూలల నుంచి వైసీపీ నాయకులను సమీకరించి సమావేశం నిర్వహించడం వెనుక ఉన్న అసలు ఉద్దేశాన్ని ప్రజలు ఇప్పటికే అర్థం చేసుకున్నారని అన్నారు. గతంలో కాపు ఉద్యమాల సమయంలో కేసులు నమోదై యువత ఇబ్బందులు పడుతున్నప్పుడు మౌనం వహించిన నాయకులు, ఇప్పుడు కాపులపై కపట ప్రేమ చూపించడం రాజకీయ అవకాశవాదమేనన్నారు. “వైఎస్ఆర్ కాపులు” అనే పేరుతో కాపు సమాజాన్ని రాజకీయంగా విభజించేందుకు ప్రయత్నించడం హాస్యాస్పదమని, కాపులు ఒక పార్టీకి బానిసలు కారని, తమ భవిష్యత్తును తామే నిర్ణయించుకునే సామర్థ్యం ఉన్న సమాజమని స్పష్టం చేశారు. రామచంద్రపురం నియోజకవర్గంలో రాష్ట్ర మంత్రి వాసంశెట్టి సుభాష్ అన్ని వర్గాల ప్రజలకు సమాన న్యాయం చేస్తూ అభివృద్ధి, సామాజిక సేవ కార్యక్రమాలు చేపడుతున్నారని కూటమి నాయకులు తెలిపారు. బడుగు, బలహీన వర్గాలు, కాపు సమాజ అభ్యున్నతి కోసం పనిచేస్తున్న నాయకత్వానికి మద్దతు ఇవ్వడం తమ బాధ్యతగా భావించామని పేర్కొన్నారు. తాము పదవుల కోసం, వ్యక్తిగత ప్రయోజనాల కోసం కాకుండా, సమాజ ప్రయోజనాలు, రాష్ట్ర అభివృద్ధి, కాపు యువత భవిష్యత్తు కోసం మాత్రమే కూటమిని బలపరిచామని స్పష్టం చేశారు. వైసీపీ నాయకులు కులాల మధ్య చిచ్చు పెట్టే ప్రయత్నాలు విరమించుకోవాలని, ప్రజా సమస్యలపై పోరాటం చేయాలని కూటమి నాయకులు సూచించారు. కులాలను రెచ్చగొట్టి రాజకీయ లబ్ధి పొందే రోజులు ముగిశాయని, ప్రజలు చైతన్య వంతులయ్యారని పేర్కొంటూ, "కులాలను విభజించే రాజకీయాలు జగన్‌కు సాధ్యమైతే... కులాలను కలిపే రాజకీయాలు పవన్ కళ్యాణ్‌తోనే సాధ్యం" అని నాయకులు స్పష్టం చేశారు.