माळशेज घाटातील रस्ता पावसामुळे खचल्याने माळशेज घाट बंद असल्याने स्थानिक व्यवसायावर मोठा परिणाम! घाट कधी सुरू होणार? मुरबाड तालुक्यातील प्रसिद्ध माळशेज घाट परिसरात मुसळधार पावसामुळे रस्ता खचला गेल्याने मार्ग पूर्णपणे बंद करण्यात आला आहे. त्यामुळे पर्यटकांची वर्दळ थांबली असून, पावसाळ्यात पर्यटकांनी गजबजणाऱ्या पर्यटनस्थळांवर सध्या शुकशुकाट पाहायला मिळत आहे. त्यामुळे स्थानिक रोजगार वर परिणाम झाल्याचे चित्र दिसून येत आहे तसेच घाट कधी सुरू होणार याकडे स्थानिक रोजगारांचे लक्ष लागले आहे. पावसाळा सुरू होताच माळशेज घाट, नाणेघाट, कासाराचा नाळा, दुर्गांचा नाळा, थितबी, काळू वॉटरफॉल तसेच परिसरातील विविध धबधबे आणि नैसर्गिक झरे पाहण्यासाठी मोठ्या संख्येने पर्यटक येत असतात. मात्र, माळशेज घाटातील रस्ता पावसामुळे वाहून गेल्याने वाहतूक पूर्णपणे बंद झाली आहे. त्यामुळे पर्यटकांना या भागात जाण्यास अडथळा निर्माण झाला आहे. रस्ता बंद असल्याने पर्यटनस्थळांकडे जाणाऱ्या पर्यटकांची संख्या मोठ्या प्रमाणात घटली आहे. परिणामी पर्यटनावर अवलंबून असलेल्या चहा स्टॉल, वडापाव दुकाने, भजी-पक्वान्नांचे स्टॉल, नाश्त्याच्या टपऱ्या आणि इतर छोट्या व्यावसायिकांच्या व्यवसायावर मोठा परिणाम झाला आहे. पावसाळ्यात पर्यटकांच्या गर्दीतून या छोट्या व्यावसायिकांना वर्षभराच्या उत्पन्नातील महत्त्वाचा हिस्सा मिळतो. मात्र, सध्या रस्ता बंद असल्याने पर्यटकच नसल्यामुळे अनेक दुकाने व टपऱ्या बंद अवस्थेत दिसत आहेत. त्यामुळे स्थानिक व्यावसायिकांसमोर आर्थिक संकट उभे राहिले आहे. अशी माहिती सामाजिक कार्यकर्ते नथू पारधी यांनी दिली आहे. पर्यटकांच्या सुरक्षेच्या दृष्टीने रस्ता बंद ठेवण्याच्या निर्णयाचे स्थानिकांकडून समर्थन केले जात असले, तरी रस्त्याची तातडीने पाहणी करून दुरुस्ती करावी आणि वाहतूक सुरक्षितपणे पूर्ववत करण्यासाठी प्रशासनाने आवश्यक कार्यवाही करावी, अशी मागणी स्थानिक नागरिक व व्यावसायिकांकडून होत आहे. माळशेज घाटातील रस्ता वाहून गेल्याने पर्यटनाचा हंगाम सुरू होण्यापूर्वीच पर्यटनस्थळांवर शांतता पसरली असून, त्याचा थेट परिणाम स्थानिक पर्यटन व्यवसाय आणि अर्थव्यवस्थेवर होताना दिसत आहे.

लोक हिंद चॅनल

Journalist शहापूर, ठाणे, महाराष्ट्र•

15 hrs ago

माळशेज घाटातील रस्ता पावसामुळे खचल्याने माळशेज घाट बंद असल्याने स्थानिक व्यवसायावर मोठा परिणाम! घाट कधी सुरू होणार? मुरबाड तालुक्यातील प्रसिद्ध माळशेज घाट परिसरात मुसळधार पावसामुळे रस्ता खचला गेल्याने मार्ग पूर्णपणे बंद करण्यात आला आहे. त्यामुळे पर्यटकांची वर्दळ थांबली असून, पावसाळ्यात पर्यटकांनी गजबजणाऱ्या पर्यटनस्थळांवर सध्या शुकशुकाट पाहायला मिळत आहे. त्यामुळे स्थानिक रोजगार वर परिणाम झाल्याचे चित्र दिसून येत आहे तसेच घाट कधी सुरू होणार याकडे स्थानिक रोजगारांचे लक्ष लागले आहे. पावसाळा सुरू होताच माळशेज घाट, नाणेघाट, कासाराचा नाळा, दुर्गांचा नाळा, थितबी, काळू वॉटरफॉल तसेच परिसरातील विविध धबधबे आणि नैसर्गिक झरे पाहण्यासाठी मोठ्या संख्येने पर्यटक येत असतात. मात्र, माळशेज घाटातील रस्ता पावसामुळे वाहून गेल्याने वाहतूक पूर्णपणे बंद झाली आहे. त्यामुळे पर्यटकांना या भागात जाण्यास अडथळा निर्माण झाला आहे. रस्ता बंद असल्याने पर्यटनस्थळांकडे जाणाऱ्या पर्यटकांची संख्या मोठ्या प्रमाणात घटली आहे. परिणामी पर्यटनावर अवलंबून असलेल्या चहा स्टॉल, वडापाव दुकाने, भजी-पक्वान्नांचे स्टॉल, नाश्त्याच्या टपऱ्या आणि इतर छोट्या व्यावसायिकांच्या व्यवसायावर मोठा परिणाम झाला आहे. पावसाळ्यात पर्यटकांच्या गर्दीतून या छोट्या व्यावसायिकांना वर्षभराच्या उत्पन्नातील महत्त्वाचा हिस्सा मिळतो. मात्र, सध्या रस्ता बंद असल्याने पर्यटकच नसल्यामुळे अनेक दुकाने व टपऱ्या बंद अवस्थेत दिसत आहेत. त्यामुळे स्थानिक व्यावसायिकांसमोर आर्थिक संकट उभे राहिले आहे. अशी माहिती सामाजिक कार्यकर्ते नथू पारधी यांनी दिली आहे. पर्यटकांच्या सुरक्षेच्या दृष्टीने रस्ता बंद ठेवण्याच्या निर्णयाचे स्थानिकांकडून समर्थन केले जात असले, तरी रस्त्याची तातडीने पाहणी करून दुरुस्ती करावी आणि वाहतूक सुरक्षितपणे पूर्ववत करण्यासाठी प्रशासनाने आवश्यक कार्यवाही करावी, अशी मागणी स्थानिक नागरिक व व्यावसायिकांकडून होत आहे. माळशेज घाटातील रस्ता वाहून गेल्याने पर्यटनाचा हंगाम सुरू होण्यापूर्वीच पर्यटनस्थळांवर शांतता पसरली असून, त्याचा थेट परिणाम स्थानिक पर्यटन व्यवसाय आणि अर्थव्यवस्थेवर होताना दिसत आहे.