जालना मर्चंट बँक घोटाळा : २३.३३ कोटींच्या फसवणुकीत आणखी तिघांना अटक जालना मर्चंट बँक घोटाळा : २३.३३ कोटींच्या फसवणुकीत आणखी तिघांना अटक जालना शहरातील जालना मर्चंट को-ऑपरेटिव्ह बँक घोटाळ्याप्रकरणी आर्थिक गुन्हे शाखेने महत्त्वाची कारवाई करत मुख्य आरोपींच्या तीन सहकाऱ्यांना अटक केली आहे. रामेश्वर जाधव, ज्ञानेश्वर जाधव आणि सुधाकर ठोंबरे (सर्व रा. भोकरदन) अशी अटकेतील आरोपींची नावे असून न्यायालयाने त्यांना ६ दिवसांची पोलीस कोठडी सुनावली आहे. या प्रकरणात बनावट कागदपत्रांच्या आधारे वेअरहाऊसच्या नावावर ११७ बनावट खातेदार उघडून तब्बल २३ कोटी ३३ लाख रुपयांची फसवणूक करण्यात आल्याची तक्रार चंदनझीरा पोलीस ठाण्यात दाखल झाली होती. त्यानुसार विविध कलमांन्वये गुन्हा नोंदविण्यात आला आहे. या घोटाळ्याचा तपास आर्थिक गुन्हे शाखेकडे वर्ग करण्यात आला असून पोलीस अधीक्षक अजयकुमार बन्सल व अपर पोलीस अधीक्षक आयुष नोपाणी यांच्या मार्गदर्शनाखाली तपास सुरू आहे. यापूर्वी या प्रकरणातील मुख्य सूत्रधार रायचंद कुरंगळ आणि निलेश्वर भोसले यांना अटक करण्यात आली असून त्यांना २४ एप्रिलपर्यंत पोलीस कोठडी देण्यात आली आहे. तपासादरम्यान उघडकीस आले की, अटक आरोपींनी एजंटच्या माध्यमातून बनावट कागदपत्रे तयार करून खातेदारांना १० ते २० हजार रुपयांचे आमिष दाखवत मोठ्या प्रमाणावर फसवणूक केली. तांत्रिक विश्लेषणाच्या आधारे फरार आरोपींचा शोध घेऊन बुलढाणा जिल्ह्यातून रामेश्वर व ज्ञानेश्वर जाधव यांना अटक करण्यात आली, तर सुधाकर ठोंबरे याला जालन्यातून उशीरा रात्री ताब्यात घेण्यात आले. या प्रकरणात पुढील तपास सुरू असून आणखी आरोपींचा शोध घेतला जात आहे. ही कारवाई आर्थिक गुन्हे शाखेचे पोलीस उपअधीक्षक सुरेश उनवणे यांच्या मार्गदर्शनाखाली सहायक पोलीस निरीक्षक मिथुन घुगे व त्यांच्या पथकाने यशस्वीरीत्या पार पाडली आहे.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

जालना मर्चंट बँक घोटाळा : २३.३३ कोटींच्या फसवणुकीत आणखी तिघांना अटक जालना मर्चंट बँक घोटाळा : २३.३३ कोटींच्या फसवणुकीत आणखी तिघांना अटक जालना शहरातील जालना मर्चंट को-ऑपरेटिव्ह बँक घोटाळ्याप्रकरणी आर्थिक गुन्हे शाखेने महत्त्वाची कारवाई करत मुख्य आरोपींच्या तीन सहकाऱ्यांना अटक केली आहे. रामेश्वर जाधव, ज्ञानेश्वर जाधव आणि सुधाकर ठोंबरे (सर्व रा. भोकरदन) अशी अटकेतील आरोपींची नावे असून न्यायालयाने त्यांना ६ दिवसांची पोलीस कोठडी सुनावली आहे. या प्रकरणात बनावट कागदपत्रांच्या आधारे वेअरहाऊसच्या नावावर ११७ बनावट खातेदार उघडून तब्बल २३ कोटी ३३ लाख रुपयांची फसवणूक करण्यात आल्याची तक्रार चंदनझीरा पोलीस ठाण्यात दाखल झाली होती. त्यानुसार विविध कलमांन्वये गुन्हा नोंदविण्यात आला आहे. या घोटाळ्याचा तपास आर्थिक गुन्हे शाखेकडे वर्ग करण्यात आला असून पोलीस अधीक्षक अजयकुमार बन्सल व अपर पोलीस अधीक्षक आयुष नोपाणी यांच्या मार्गदर्शनाखाली तपास सुरू आहे. यापूर्वी या प्रकरणातील मुख्य सूत्रधार रायचंद कुरंगळ आणि निलेश्वर भोसले यांना अटक करण्यात आली असून त्यांना २४ एप्रिलपर्यंत पोलीस कोठडी देण्यात आली आहे. तपासादरम्यान उघडकीस आले की, अटक आरोपींनी एजंटच्या माध्यमातून बनावट कागदपत्रे तयार करून खातेदारांना १० ते २० हजार रुपयांचे आमिष दाखवत मोठ्या प्रमाणावर फसवणूक केली. तांत्रिक विश्लेषणाच्या आधारे फरार आरोपींचा शोध घेऊन बुलढाणा जिल्ह्यातून रामेश्वर व ज्ञानेश्वर जाधव यांना अटक करण्यात आली, तर सुधाकर ठोंबरे याला जालन्यातून उशीरा रात्री ताब्यात घेण्यात आले. या प्रकरणात पुढील तपास सुरू असून आणखी आरोपींचा शोध घेतला जात आहे. ही कारवाई आर्थिक गुन्हे शाखेचे पोलीस उपअधीक्षक सुरेश उनवणे यांच्या मार्गदर्शनाखाली सहायक पोलीस निरीक्षक मिथुन घुगे व त्यांच्या पथकाने यशस्वीरीत्या पार पाडली आहे.