नीट पेपरफुटीप्रकरणी केंद्रीय शिक्षण मंत्री धर्मेंद्र प्रधान यांनी राजीनामा दिला असला तरी हा लढा संपलेला नाही, असा इशारा काँग्रेस प्रदेशाध्यक्ष हर्षवर्धन सपकाळ यांनी दिला आहे. मोदी सरकारच्या शिक्षण विभागातील भ्रष्ट कारभाराविरोधात काँग्रेस पक्षाचा लढा सुरूच राहणार असल्याचे त्यांनी स्पष्ट केले. या प्रकरणी धर्मेंद्र प्रधान यांच्यासह या रॅकेटमधील सर्वांना कठोर शिक्षा झाली पाहिजे, संसदेत यावर चर्चा झाली पाहिजे आणि विद्यार्थ्यांवरील सर्व गुन्हे रद्द केले पाहिजेत, अशी मागणी त्यांनी केली. तसेच पंतप्रधान नरेंद्र मोदी यांनी देशाची जाहीर माफी मागितल्याशिवाय काँग्रेस गप्प बसणार नाही, असेही त्यांनी नमूद केले. हर्षवर्धन सपकाळ पुढे म्हणाले की, धर्मेंद्र प्रधान यांना अखेर राजीनामा द्यावाच लागला, पण या राजीनाम्याने हुरळून जाण्याची गरज नाही. धर्मेंद्र प्रधान यांच्या काळात परीक्षेवर पकड निर्माण करून 'वन नेशन, वन एक्झामिनेशन'च्या माध्यमातून १५२ वेळा पेपर लीक करण्यात आला. यातून एका वर्ग विशेषाला व भाजपच्या लोकांना फायदा पोहोचवून भ्रष्ट मार्गाने पैसे कमवण्यात आले. नीट परीक्षेसाठी पालक जेवढा पैसा खर्च करतात, तो केंद्र सरकारच्या पाच विभागांतील खर्चापेक्षा जास्त आहे. या रॅकेटची मुळे खोलवर गेलेली असून या सर्वांचा शोध लागल्याशिवाय शांत बसणार नाही. धर्मेंद्र प्रधान यांच्या राजीनाम्याने काँग्रेसचे आंदोलन थांबणार नसून कँडल मार्चही काढण्यात येणार असल्याचे त्यांनी स्पष्ट केले.

लोक हिंद चॅनल

Journalist शहापूर, ठाणे, महाराष्ट्र•

12 hrs ago

नीट पेपरफुटीप्रकरणी केंद्रीय शिक्षण मंत्री धर्मेंद्र प्रधान यांनी राजीनामा दिला असला तरी हा लढा संपलेला नाही, असा इशारा काँग्रेस प्रदेशाध्यक्ष हर्षवर्धन सपकाळ यांनी दिला आहे. मोदी सरकारच्या शिक्षण विभागातील भ्रष्ट कारभाराविरोधात काँग्रेस पक्षाचा लढा सुरूच राहणार असल्याचे त्यांनी स्पष्ट केले. या प्रकरणी धर्मेंद्र प्रधान यांच्यासह या रॅकेटमधील सर्वांना कठोर शिक्षा झाली पाहिजे, संसदेत यावर चर्चा झाली पाहिजे आणि विद्यार्थ्यांवरील सर्व गुन्हे रद्द केले पाहिजेत, अशी मागणी त्यांनी केली. तसेच पंतप्रधान नरेंद्र मोदी यांनी देशाची जाहीर माफी मागितल्याशिवाय काँग्रेस गप्प बसणार नाही, असेही त्यांनी नमूद केले. हर्षवर्धन सपकाळ पुढे म्हणाले की, धर्मेंद्र प्रधान यांना अखेर राजीनामा द्यावाच लागला, पण या राजीनाम्याने हुरळून जाण्याची गरज नाही. धर्मेंद्र प्रधान यांच्या काळात परीक्षेवर पकड निर्माण करून 'वन नेशन, वन एक्झामिनेशन'च्या माध्यमातून १५२ वेळा पेपर लीक करण्यात आला. यातून एका वर्ग विशेषाला व भाजपच्या लोकांना फायदा पोहोचवून भ्रष्ट मार्गाने पैसे कमवण्यात आले. नीट परीक्षेसाठी पालक जेवढा पैसा खर्च करतात, तो केंद्र सरकारच्या पाच विभागांतील खर्चापेक्षा जास्त आहे. या रॅकेटची मुळे खोलवर गेलेली असून या सर्वांचा शोध लागल्याशिवाय शांत बसणार नाही. धर्मेंद्र प्रधान यांच्या राजीनाम्याने काँग्रेसचे आंदोलन थांबणार नसून कँडल मार्चही काढण्यात येणार असल्याचे त्यांनी स्पष्ट केले.