హక్కులు తెలుసుకో ... మోసాలను అడ్డుకో ! రాష్ట్ర విజిలెన్స్ కమిటీ సభ్యులు కాండ్రేగుల వెంకటరమణ అనకాపల్లి : పౌరుల హక్కులను బలోపేతం చేయడంలో సమాచార హక్కు (ఆర్టీఐ) చట్టం అత్యంత కీలక పాత్ర పోషిస్తుందని రాష్ట్ర వినియోగదారుల వ్యవహారాలు, ఆహార, పౌరసరఫరాల విజిలెన్స్ కమిటీ సభ్యులు కాండ్రేగుల వెంకటరమణ స్పష్టం చేశారు. కేంద్ర యువజన వ్యవహారాలు, క్రీడా మంత్రిత్వ శాఖ ‘మై భారత’ డిప్యూటీ డైరక్టర్ గొర్లి మహేశ్వరావు అధ్యక్షతన ‘ప్రజా ప్రయోజన చట్టాలు’పై జరిగిన సమావేశంలో ఆయన మాట్లాడారు. ప్రభుత్వ పాలనలో పారదర్శకత, జవాబుదారీతనం తీసుకురావడానికి ఆర్టీఐ చట్టాన్ని ప్రజలు సద్వినియోగం చేసుకోవాలని పిలుపునిచ్చారు. వినియోగదారుల హక్కులు: వస్తువులు, సేవలు కొనుగోలు చేసే సమయంలో ప్రతి ఒక్కరూ తమ హక్కులను తెలుసుకోవాలన్నారు. మోసాలకు గురైనా లేదా నాసిరకం సేవలు ఎదురైనా వెనుకాడకుండా చట్టపరంగా పరిష్కారం పొందాలన్నారు. ఆహార భద్రత: జాతీయ ఆహార భద్రత చట్టం ద్వారా నిరుపేద కుటుంబాలకు అందుతున్న ప్రజా పంపిణీ వ్యవస్థపై ఆయన ప్రజలకు కాండ్రేగుల వెంకటరమణ అవగాహన కల్పించారు. పథకాలపై అప్రమత్తత: ప్రజా ప్రయోజనాల కోసం రూపొందించిన చట్టాలు, ప్రభుత్వ సంక్షేమ పథకాలు నిజమైన అర్హులైన ప్రతి ఒక్కరికీ చేరేలా ప్రజలు అప్రమత్తంగా వ్యవహరించాలన్నారు. ఇందుకోసం అవగాహన కార్యక్రమాలు మరింత విస్తృతం కావాల్సిన అవసరం ఉందన్నారు. చట్టాలపై యువత పూర్తి అవగాహన పెంచుకోవాలని, ఇతరులకు సైతం హక్కులు, బాధ్యతలపై సమాజంలో చైతన్యం కల్పించాలని ఆయన కోరారు. ప్రజా సంక్షేమం, పారదర్శక పాలన, హక్కుల పరిరక్షణ పటిష్టమైన ప్రజాస్వామ్యానికి అసలైన పునాదులని ఆయన ఉద్ఘాటించారు. ఈ కార్యక్రమంలో సామాజిక కార్యకర్తలు శ్రీరంగం రామన్నదొర, వి.పవన్‌కుమార్ తదితరులు పాల్గొన్నారు. ఈ సందర్భంగా 'వికసిత్ భారత్ యంగ్ లీడర్స్ డైలాగ్స్' బ్రోచర్‌ను విడుదల చేశారు.

Nagireddy Sivaji

అనకాపల్లి, అనకాపల్లి, ఆంధ్రప్రదేశ్•

1 hr ago

హక్కులు తెలుసుకో ... మోసాలను అడ్డుకో ! రాష్ట్ర విజిలెన్స్ కమిటీ సభ్యులు కాండ్రేగుల వెంకటరమణ అనకాపల్లి : పౌరుల హక్కులను బలోపేతం చేయడంలో సమాచార హక్కు (ఆర్టీఐ) చట్టం అత్యంత కీలక పాత్ర పోషిస్తుందని రాష్ట్ర వినియోగదారుల వ్యవహారాలు, ఆహార, పౌరసరఫరాల విజిలెన్స్ కమిటీ సభ్యులు కాండ్రేగుల వెంకటరమణ స్పష్టం చేశారు. కేంద్ర యువజన వ్యవహారాలు, క్రీడా మంత్రిత్వ శాఖ ‘మై భారత’ డిప్యూటీ డైరక్టర్ గొర్లి మహేశ్వరావు అధ్యక్షతన ‘ప్రజా ప్రయోజన చట్టాలు’పై జరిగిన సమావేశంలో ఆయన మాట్లాడారు. ప్రభుత్వ పాలనలో పారదర్శకత, జవాబుదారీతనం తీసుకురావడానికి ఆర్టీఐ చట్టాన్ని ప్రజలు సద్వినియోగం చేసుకోవాలని పిలుపునిచ్చారు. వినియోగదారుల హక్కులు: వస్తువులు, సేవలు కొనుగోలు చేసే సమయంలో ప్రతి ఒక్కరూ తమ హక్కులను తెలుసుకోవాలన్నారు. మోసాలకు గురైనా లేదా నాసిరకం సేవలు ఎదురైనా వెనుకాడకుండా చట్టపరంగా పరిష్కారం పొందాలన్నారు. ఆహార భద్రత: జాతీయ ఆహార భద్రత చట్టం ద్వారా నిరుపేద కుటుంబాలకు అందుతున్న ప్రజా పంపిణీ వ్యవస్థపై ఆయన ప్రజలకు కాండ్రేగుల వెంకటరమణ అవగాహన కల్పించారు. పథకాలపై అప్రమత్తత: ప్రజా ప్రయోజనాల కోసం రూపొందించిన చట్టాలు, ప్రభుత్వ సంక్షేమ పథకాలు నిజమైన అర్హులైన ప్రతి ఒక్కరికీ చేరేలా ప్రజలు అప్రమత్తంగా వ్యవహరించాలన్నారు. ఇందుకోసం అవగాహన కార్యక్రమాలు మరింత విస్తృతం కావాల్సిన అవసరం ఉందన్నారు. చట్టాలపై యువత పూర్తి అవగాహన పెంచుకోవాలని, ఇతరులకు సైతం హక్కులు, బాధ్యతలపై సమాజంలో చైతన్యం కల్పించాలని ఆయన కోరారు. ప్రజా సంక్షేమం, పారదర్శక పాలన, హక్కుల పరిరక్షణ పటిష్టమైన ప్రజాస్వామ్యానికి అసలైన పునాదులని ఆయన ఉద్ఘాటించారు. ఈ కార్యక్రమంలో సామాజిక కార్యకర్తలు శ్రీరంగం రామన్నదొర, వి.పవన్‌కుమార్ తదితరులు పాల్గొన్నారు. ఈ సందర్భంగా 'వికసిత్ భారత్ యంగ్ లీడర్స్ డైలాగ్స్' బ్రోచర్‌ను విడుదల చేశారు.