సాగునీటి కోసం అష్ట కష్టాలు పడుతున్న రైతాంగం. కాలవల్లో నీటి చుక్క లేక విలవిల ప్రతికూల పరిస్థితుల నడుమ ఖరీఫ్‌ సాగును చేపట్టిన రైతులు సాగునీటి కోసం అష్టకష్టాలు పడుతున్నారు. వర్షాలు లేకపోవడం.. పంట కాలువల్లో నీటి జాడ లేకపోవడంతో సాగు చేసిన వరి పంటను కాపాడుకునేందుకు అదనపు వ్యయాన్ని భరించాల్సి వస్తోంది. మురుగు కాలువలు, బోర్లలో లభించే కొద్దిపాటి నీటిని పైపుల ద్వారా పొలాలకు తరలిస్తూ పంటను రక్షించుకునేందుకు రైతులు నానా అవస్థలు పడుతున్నారు. మండలంలో సాధారణంగా ఖరీఫ్‌ సీజన్‌లో సుమారు 28 వేల ఎకరాల్లో వరి సాగు జరుగుతుంది. అయితే ఈ ఏడాది వర్షాభావ పరిస్థితుల కారణంగా ఇప్పటివరకు 10 శాతం విస్తీర్ణంలో కూడా నాట్లు పడని పరిస్థితి నెలకొంది. ఎల్‌నినో ప్రభావంతో వర్షాలు ఆశించిన స్థాయిలో కురవకపోవడంతో వ్యవసాయంపై తీవ్ర ప్రభావం పడింది. బోర్లపై అదనపు భారం వరి సాగు చేపట్టిన రైతులు పంటకు నీరందించేందుకు ప్రత్యామ్నాయ మార్గాలను ఆశ్రయిస్తున్నారు. బోర్లు వేసేందుకు ఒక్కో రైతు సుమారు రూ.25 వేల నుంచి రూ.30 వేల వరకు ఖర్చు చేయాల్సి వస్తోందని చెబుతున్నారు. బోర్లలో లభించే నీటిని పైపుల ద్వారా పొలాలకు తరలించేందుకు మరోవైపు అదనపు వ్యయం అవుతోంది. డీజిల్‌ ఇంజిన్లు, విద్యుత్‌ మోటార్లతో నీటిని తోడుతూ పంటను కాపాడుకునే ప్రయత్నం చేస్తున్నారు. రెండు, మూడు రోజులకోసారి తడి ఎండ తీవ్రత అధికంగా ఉండటంతో పొలాల్లో తేమ త్వరగా ఆరిపోతోంది. దీంతో రెండు, మూడు రోజులకు ఒకసారి నీటి తడి అందించాల్సిన పరిస్థితి ఏర్పడిందని రైతులు వాపోతున్నారు. దూరంగా ఉన్న పొలాలకు మురుగు కాలువల నుంచి పైపుల ద్వారా నీటిని తరలించాల్సి రావడంతో కూలీలు, ఇంధనం, విద్యుత్‌ ఖర్చులు పెరుగుతున్నాయి. పెట్టుబడి ఇప్పటికే పెరిగిన నేపథ్యంలో నీటి తడుల కోసం చేస్తున్న అదనపు వ్యయం రైతులకు భారంగా మారింది. వరి వైపే రైతుల మొగ్గు ఆరు తడి పంటలను సాగు చేయాలని వ్యవసాయ, నీటిపారుదల అధికారులు సూచిస్తున్నప్పటికీ రైతులు మాత్రం వరి సాగుకే మొగ్గుచూపుతున్నారు. తమ భూములు వరి సాగుకు అనుకూలంగా ఉన్నాయని, ప్రత్యామ్నాయ పంటలకు నేల స్వభావం అనుకూలంగా లేదని రైతులు చెబుతున్నారు. దీంతో నీటి లభ్యత తక్కువగా ఉన్నప్పటికీ అందుబాటులో ఉన్న వనరులతో వరి సాగును కొనసాగిస్తున్నారు.

M.Vijay Kishore

Cherukupalle H/O Arumbaka, Bapatla•

6 hrs ago

సాగునీటి కోసం అష్ట కష్టాలు పడుతున్న రైతాంగం. కాలవల్లో నీటి చుక్క లేక విలవిల ప్రతికూల పరిస్థితుల నడుమ ఖరీఫ్‌ సాగును చేపట్టిన రైతులు సాగునీటి కోసం అష్టకష్టాలు పడుతున్నారు. వర్షాలు లేకపోవడం.. పంట కాలువల్లో నీటి జాడ లేకపోవడంతో సాగు చేసిన వరి పంటను కాపాడుకునేందుకు అదనపు వ్యయాన్ని భరించాల్సి వస్తోంది. మురుగు కాలువలు, బోర్లలో లభించే కొద్దిపాటి నీటిని పైపుల ద్వారా పొలాలకు తరలిస్తూ పంటను రక్షించుకునేందుకు రైతులు నానా అవస్థలు పడుతున్నారు. మండలంలో సాధారణంగా ఖరీఫ్‌ సీజన్‌లో సుమారు 28 వేల ఎకరాల్లో వరి సాగు జరుగుతుంది. అయితే ఈ ఏడాది వర్షాభావ పరిస్థితుల కారణంగా ఇప్పటివరకు 10 శాతం విస్తీర్ణంలో కూడా నాట్లు పడని పరిస్థితి నెలకొంది. ఎల్‌నినో ప్రభావంతో వర్షాలు ఆశించిన స్థాయిలో కురవకపోవడంతో వ్యవసాయంపై తీవ్ర ప్రభావం పడింది. బోర్లపై అదనపు భారం వరి సాగు చేపట్టిన రైతులు పంటకు నీరందించేందుకు ప్రత్యామ్నాయ మార్గాలను ఆశ్రయిస్తున్నారు. బోర్లు వేసేందుకు ఒక్కో రైతు సుమారు రూ.25 వేల నుంచి రూ.30 వేల వరకు ఖర్చు చేయాల్సి వస్తోందని చెబుతున్నారు.

బోర్లలో లభించే నీటిని పైపుల ద్వారా పొలాలకు తరలించేందుకు మరోవైపు అదనపు వ్యయం అవుతోంది. డీజిల్‌ ఇంజిన్లు, విద్యుత్‌ మోటార్లతో నీటిని తోడుతూ పంటను కాపాడుకునే ప్రయత్నం చేస్తున్నారు. రెండు, మూడు రోజులకోసారి తడి ఎండ తీవ్రత అధికంగా ఉండటంతో పొలాల్లో తేమ త్వరగా ఆరిపోతోంది. దీంతో రెండు, మూడు రోజులకు ఒకసారి నీటి తడి అందించాల్సిన పరిస్థితి ఏర్పడిందని రైతులు వాపోతున్నారు. దూరంగా ఉన్న పొలాలకు మురుగు కాలువల నుంచి పైపుల ద్వారా నీటిని తరలించాల్సి రావడంతో కూలీలు, ఇంధనం, విద్యుత్‌ ఖర్చులు పెరుగుతున్నాయి. పెట్టుబడి ఇప్పటికే పెరిగిన నేపథ్యంలో నీటి తడుల కోసం చేస్తున్న అదనపు వ్యయం రైతులకు భారంగా మారింది. వరి వైపే రైతుల మొగ్గు ఆరు తడి పంటలను సాగు చేయాలని వ్యవసాయ, నీటిపారుదల అధికారులు సూచిస్తున్నప్పటికీ రైతులు మాత్రం వరి సాగుకే మొగ్గుచూపుతున్నారు. తమ భూములు వరి సాగుకు అనుకూలంగా ఉన్నాయని, ప్రత్యామ్నాయ పంటలకు నేల స్వభావం అనుకూలంగా లేదని రైతులు చెబుతున్నారు. దీంతో నీటి లభ్యత తక్కువగా ఉన్నప్పటికీ అందుబాటులో ఉన్న వనరులతో వరి సాగును కొనసాగిస్తున్నారు.