पावसाळ्यात आपत्तीचा सामना करताना योग्य समन्वय ठेवा - जिल्हाधिकारी संजयसिंह चव्हाण आपत्ती काळात तात्काळ मदत करण्याच्या सूचना विजेपासून बचावासाठी ‘दामिनी’ ॲप डाऊनलोड करण्याचे. आवाहन परभणी, (प्रतिनिधी) : आगामी पावसाळ्यात उद्भवणाऱ्या नैसर्गिक आपत्तींचा प्रभावीपणे सामना करण्यासाठी सर्व विभागांनी परस्पर समन्वय ठेवून काम करावे. तसेच आपत्ती काळात मदत व पुनर्वसन कार्य तात्काळ सुरू करून नागरिकांमध्ये जनजागृती वाढवावी, असे निर्देश जिल्हाधिकारी संजयसिंह चव्हाण यांनी दिले. जिल्हाधिकारी कार्यालयात जिल्हा आपत्ती व्यवस्थापन प्राधिकरणाच्या वतीने आयोजित मान्सूनपूर्व तयारी आढावा बैठकीत ते बोलत होते. बैठकीस महापौर सय्यद इकबाल, जिल्हा परिषदेच्या मुख्य कार्यकारी अधिकारी नतिशा माथुर, मनपा आयुक्त नितीन नार्वेकर, निवासी उपजिल्हाधिकारी अनुराधा ढालकरी, जिल्हा शल्य चिकित्सक नागेश लखमावार यांच्यासह विविध विभागांचे अधिकारी, पोलीस, अग्निशमन दल, आरोग्य विभाग, महसूल प्रशासन तसेच संबंधित यंत्रणांचे प्रतिनिधी उपस्थित होते. जिल्हाधिकाऱ्यांनी जलद प्रतिसाद पथकांची तयारी, आपत्कालीन संपर्क यंत्रणा, वैद्यकीय सुविधा, पूरप्रवण भागातील उपाययोजना आणि जनजागृती मोहिमांवर विशेष भर देण्याच्या सूचना दिल्या. संभाव्य पूरस्थिती, वीज गळती, आरोग्यविषयक आपत्ती आणि आपत्कालीन सेवांच्या कार्यक्षमतेबाबत बैठकीत सविस्तर चर्चा करण्यात आली. जिल्ह्यातील गोदावरी, पूर्णा, दुधना, करपरा, मासोळी तसेच इतर लहान-मोठ्या नद्यांमुळे काही गावांना पुराचा धोका निर्माण होऊ शकतो. त्यामुळे सर्व यंत्रणांनी दक्ष राहून मान्सूनपूर्व कामे वेळेत पूर्ण करावीत, असेही त्यांनी स्पष्ट केले. पूरप्रवण गावांमध्ये २४ तास नियंत्रण कक्ष कार्यरत ठेवणे, अधिकारी-कर्मचाऱ्यांचे संपर्क क्रमांक अद्ययावत ठेवणे आणि आवश्यक साहित्यांची तपासणी करण्याचे आदेशही त्यांनी दिले. आरोग्य विभागाने ग्रामीण भागात जलजन्य आजारांवरील उपचार प्राथमिक आरोग्य केंद्रात उपलब्ध करून द्यावेत. औषधसाठा, रक्तसाठा आणि अन्य आवश्यक साहित्य मुबलक प्रमाणात ठेवण्यासोबतच साथीच्या रोगांवर नियंत्रणासाठी विशेष दक्षता घेण्याचे निर्देश देण्यात आले. ब्लिचिंग पावडरचा सुरक्षित वापर व साठवणुकीवरही भर देण्यात आला. बैठकीत एल-निनोच्या प्रभावामुळे यंदाच्या पावसाच्या अनिश्चिततेबाबत माहिती देण्यात आली. जिल्हाधिकारी चव्हाण यांनी शेतकऱ्यांनी विजेपासून बचावासाठी ‘दामिनी’ ॲप डाऊनलोड करण्याचे आवाहन केले. वसंतराव नाईक मराठवाडा कृषि विद्यापीठाच्या प्रतिनिधींनी बदलत्या हवामान परिस्थितीत आधुनिक तंत्रज्ञानाद्वारे शेतकऱ्यांना अद्ययावत माहिती उपलब्ध करून दिली जाणार असल्याचे सांगितले. तालुकास्तरावरही संबंधित अधिकाऱ्यांनी तातडीने आवश्यक उपाययोजना कराव्यात, अशा सूचना जिल्हाधिकाऱ्यांनी दिल्या. नागरिकांनी, विशेषतः शेतकरी तसेच शासकीय अधिकारी-कर्मचाऱ्यांनी दामिनी ॲपसह आपत्ती व्यवस्थापनाशी संबंधित मोबाईल ॲप डाऊनलोड करून सज्ज राहावे, असे आवाहन करण्यात आले. धरणांची दुरुस्ती, पूररेषा क्षेत्रातील बांधकामांवर नियंत्रण, शहरातील नाल्यांची स्वच्छता तसेच धोकादायक इमारतींची पाहणी करून आवश्यक कारवाई करण्याच्या सूचनाही देण्यात आल्या. पूरस्थिती निर्माण झाल्यास नदीकाठच्या नागरिकांचे स्थलांतर करण्यासाठी पर्यायी सुरक्षित स्थळांची व्यवस्था करण्याचे निर्देश देण्यात आले. महावितरण, शिक्षण, पशुसंवर्धन आणि कृषि विभागांनीही आवश्यक उपाययोजना तातडीने राबवाव्यात, असे निर्देश जिल्हाधिकाऱ्यांनी दिले. पाटबंधारे विभागाने धरणनिहाय समन्वय अधिकाऱ्यांची नियुक्ती करून नदीपात्रातील पाणीपातळी व धोक्याच्या इशारा पातळीबाबत सर्व विभागांशी समन्वय ठेवावा, असे सांगण्यात आले. नगरपालिका प्रशासनाला शहरातील नाल्यांची साफसफाई युद्धपातळीवर करण्याच्या सूचना देण्यात आल्या. यावेळी निवासी उपजिल्हाधिकारी अनुराधा ढालकरी यांनी सादरीकरणाद्वारे विभागनिहाय कार्यवाहीची माहिती दिली. जिल्हा आपत्ती व्यवस्थापन अधिकारी पवन खांडके यांनी आभार मानले.

Jafar tarodekar

परभणी, परभणी, महाराष्ट्र•

1 hr ago

पावसाळ्यात आपत्तीचा सामना करताना योग्य समन्वय ठेवा - जिल्हाधिकारी संजयसिंह चव्हाण आपत्ती काळात तात्काळ मदत करण्याच्या सूचना विजेपासून बचावासाठी ‘दामिनी’ ॲप डाऊनलोड करण्याचे. आवाहन परभणी, (प्रतिनिधी) : आगामी पावसाळ्यात उद्भवणाऱ्या नैसर्गिक आपत्तींचा प्रभावीपणे सामना करण्यासाठी सर्व विभागांनी परस्पर समन्वय ठेवून काम करावे. तसेच आपत्ती काळात मदत व पुनर्वसन कार्य तात्काळ सुरू करून नागरिकांमध्ये जनजागृती वाढवावी, असे निर्देश जिल्हाधिकारी संजयसिंह चव्हाण यांनी दिले. जिल्हाधिकारी कार्यालयात जिल्हा आपत्ती व्यवस्थापन प्राधिकरणाच्या वतीने आयोजित मान्सूनपूर्व तयारी आढावा बैठकीत ते बोलत होते. बैठकीस महापौर सय्यद इकबाल, जिल्हा परिषदेच्या मुख्य कार्यकारी अधिकारी नतिशा माथुर, मनपा आयुक्त नितीन नार्वेकर, निवासी उपजिल्हाधिकारी अनुराधा ढालकरी, जिल्हा शल्य चिकित्सक नागेश लखमावार यांच्यासह विविध विभागांचे अधिकारी, पोलीस, अग्निशमन दल, आरोग्य विभाग, महसूल प्रशासन तसेच संबंधित यंत्रणांचे प्रतिनिधी उपस्थित होते. जिल्हाधिकाऱ्यांनी जलद प्रतिसाद पथकांची तयारी, आपत्कालीन संपर्क यंत्रणा, वैद्यकीय सुविधा, पूरप्रवण भागातील उपाययोजना आणि जनजागृती मोहिमांवर विशेष भर देण्याच्या सूचना दिल्या. संभाव्य पूरस्थिती, वीज गळती, आरोग्यविषयक आपत्ती आणि आपत्कालीन सेवांच्या कार्यक्षमतेबाबत बैठकीत सविस्तर चर्चा करण्यात आली. जिल्ह्यातील गोदावरी, पूर्णा, दुधना, करपरा, मासोळी तसेच इतर लहान-मोठ्या नद्यांमुळे काही गावांना पुराचा धोका निर्माण होऊ शकतो. त्यामुळे सर्व यंत्रणांनी दक्ष राहून मान्सूनपूर्व कामे वेळेत पूर्ण करावीत, असेही त्यांनी स्पष्ट केले. पूरप्रवण गावांमध्ये २४ तास नियंत्रण कक्ष कार्यरत ठेवणे, अधिकारी-कर्मचाऱ्यांचे संपर्क क्रमांक अद्ययावत ठेवणे आणि आवश्यक साहित्यांची तपासणी करण्याचे आदेशही त्यांनी दिले. आरोग्य विभागाने ग्रामीण भागात जलजन्य आजारांवरील उपचार प्राथमिक आरोग्य केंद्रात उपलब्ध करून द्यावेत. औषधसाठा, रक्तसाठा आणि अन्य आवश्यक साहित्य मुबलक प्रमाणात ठेवण्यासोबतच साथीच्या रोगांवर नियंत्रणासाठी विशेष दक्षता घेण्याचे निर्देश देण्यात आले. ब्लिचिंग पावडरचा सुरक्षित वापर व साठवणुकीवरही भर देण्यात आला. बैठकीत एल-निनोच्या प्रभावामुळे यंदाच्या पावसाच्या अनिश्चिततेबाबत माहिती देण्यात आली. जिल्हाधिकारी चव्हाण यांनी शेतकऱ्यांनी विजेपासून बचावासाठी ‘दामिनी’ ॲप डाऊनलोड करण्याचे आवाहन केले. वसंतराव नाईक मराठवाडा कृषि विद्यापीठाच्या प्रतिनिधींनी बदलत्या हवामान परिस्थितीत आधुनिक तंत्रज्ञानाद्वारे शेतकऱ्यांना अद्ययावत माहिती उपलब्ध करून दिली जाणार असल्याचे सांगितले. तालुकास्तरावरही संबंधित अधिकाऱ्यांनी तातडीने आवश्यक उपाययोजना कराव्यात, अशा सूचना जिल्हाधिकाऱ्यांनी दिल्या. नागरिकांनी, विशेषतः शेतकरी तसेच शासकीय अधिकारी-कर्मचाऱ्यांनी दामिनी ॲपसह आपत्ती व्यवस्थापनाशी संबंधित मोबाईल ॲप डाऊनलोड करून सज्ज राहावे, असे आवाहन करण्यात आले. धरणांची दुरुस्ती, पूररेषा क्षेत्रातील बांधकामांवर नियंत्रण, शहरातील नाल्यांची स्वच्छता तसेच धोकादायक इमारतींची पाहणी करून आवश्यक कारवाई करण्याच्या सूचनाही देण्यात आल्या. पूरस्थिती निर्माण झाल्यास नदीकाठच्या नागरिकांचे स्थलांतर करण्यासाठी पर्यायी सुरक्षित स्थळांची व्यवस्था करण्याचे निर्देश देण्यात आले. महावितरण, शिक्षण, पशुसंवर्धन आणि कृषि विभागांनीही आवश्यक उपाययोजना तातडीने राबवाव्यात, असे निर्देश जिल्हाधिकाऱ्यांनी दिले. पाटबंधारे विभागाने धरणनिहाय समन्वय अधिकाऱ्यांची नियुक्ती करून नदीपात्रातील पाणीपातळी व धोक्याच्या इशारा पातळीबाबत सर्व विभागांशी समन्वय ठेवावा, असे सांगण्यात आले. नगरपालिका प्रशासनाला शहरातील नाल्यांची साफसफाई युद्धपातळीवर करण्याच्या सूचना देण्यात आल्या. यावेळी निवासी उपजिल्हाधिकारी अनुराधा ढालकरी यांनी सादरीकरणाद्वारे विभागनिहाय कार्यवाहीची माहिती दिली. जिल्हा आपत्ती व्यवस्थापन अधिकारी पवन खांडके यांनी आभार मानले.