మారికవలస గిరిజన పాఠశాలను రద్దు చేస్తే ఊరుకునేది లేదు: ఎమ్మెల్సీ డా. కుంభా రవిబాబు విశాఖపట్నం (మారికవలస): ఉత్తరాంధ్ర గిరిజన విద్యార్థులకు కీలకమైన మారికవలస APTWR School (EM) Boys‌ను రద్దు చేసే ప్రయత్నాలను ప్రభుత్వం వెంటనే విరమించుకోవాలని వైఎస్సార్ కాంగ్రెస్ పార్టీ ఎమ్మెల్సీ డా. కుంభా రవిబాబు డిమాండ్ చేశారు. 480 మంది గిరిజన విద్యార్థుల భవిష్యత్తుతో చెలగాటం ఆడితే చూస్తూ ఊరుకునేది లేదని ఆయన హెచ్చరించారు. మారికవలస APTWR పాఠశాలలో నిర్వహించిన స్కూల్ పేరెంట్స్ కమిటీ సమావేశానికి ఎమ్మెల్సీ హాజరై విద్యార్థుల తల్లిదండ్రులతో సమావేశమయ్యారు. పాఠశాలను యథావిధిగా కొనసాగించాలని తల్లిదండ్రులు ఏకగ్రీవంగా తీర్మానించారు. ఈ సందర్భంగా రవిబాబు మాట్లాడుతూ, ఆదివాసీ విద్యార్థులకు నాణ్యమైన ఇంగ్లీష్ మీడియం విద్య అందించాలనే ఉద్దేశంతో 2004లో ఏర్పాటు చేసిన ఈ పాఠశాలను అర్ధంతరంగా రద్దు చేయడం సరికాదన్నారు. సెంటర్ ఆఫ్ ఎక్సలెన్స్ ఏర్పాటు చేయడాన్ని తాము వ్యతిరేకించడం లేదని, అయితే దాని కోసం 480 మంది విద్యార్థులు చదువుతున్న పాఠశాలను మూసివేయడం మాత్రం అంగీకరించబోమని స్పష్టం చేశారు. సెంటర్ ఆఫ్ ఎక్సలెన్స్ కోసం వేపగుంట సమీపంలో ఖాళీగా ఉన్న యూత్ ట్రైనింగ్ సెంటర్‌ను వినియోగించుకోవచ్చని, లేదంటే ప్రత్యామ్నాయ భవనం లేదా స్థలాన్ని ఏర్పాటు చేసి అక్కడ సెంటర్‌ను నిర్వహించాలని ప్రభుత్వానికి సూచించారు. మారుమూల గిరిజన ప్రాంతాల నుంచి ప్రతిభతో సీట్లు సాధించి విశాఖ నగరంలో చదువుకోవాలనుకునే విద్యార్థులకు మారికవలస పాఠశాల గొప్ప అవకాశమని ఆయన అన్నారు. ఈ పాఠశాలలో చదివిన అనేక మంది విద్యార్థులు ఉన్నత విద్యను అభ్యసించి ఉన్నత స్థానాలకు చేరుకున్నారని గుర్తుచేశారు. 5వ తరగతి నుంచి 10వ తరగతి వరకు చదువుతున్న విద్యార్థులను ఇతర ప్రాంతాలకు తరలించే నిర్ణయాన్ని వెంటనే ఉపసంహరించుకోవాలని డిమాండ్ చేశారు. ముఖ్యంగా 10వ తరగతి విద్యార్థులను విద్యా సంవత్సరం మధ్యలో ఇతర పాఠశాలలకు తరలిస్తే వారి చదువుపై తీవ్ర ప్రభావం పడుతుందని ఆందోళన వ్యక్తం చేశారు. విద్యార్థులకు బలవంతంగా TCలు ఇవ్వడం సరికాదని అన్నారు. ఈ అంశంపై ట్రైబల్ వెల్ఫేర్ డిపార్ట్మెంట్ ప్రిన్సిపల్ సెక్రటరీతో పాటు ఉన్నతాధికారులతో దాదాపు గంటసేపు చర్చించినట్లు రవిబాబు తెలిపారు. పాఠశాలను రద్దు చేయకుండా ప్రత్యామ్నాయ భవనంలో సెంటర్ ఆఫ్ ఎక్సలెన్స్ ఏర్పాటు చేయాలని అధికారులను కోరినట్లు చెప్పారు. అనంతరం విద్యార్థులు ఎమ్మెల్సీని కలిసి తమ పాఠశాలను రద్దు చేయకుండా ఇక్కడే చదువుకునేలా చూడాలని విజ్ఞప్తి చేశారు. విద్యార్థులకు ధైర్యం చెబుతూ భయపడాల్సిన అవసరం లేదని, వారి చదువు కొనసాగేందుకు తల్లిదండ్రులు, గిరిజన ప్రజా సంఘాల నాయకులతో కలిసి కృషి చేస్తామని భరోసా ఇచ్చారు. విద్యార్థుల్లో భయాందోళనలు కలిగించకుండా పాఠశాల యాజమాన్యం బాధ్యతగా వ్యవహరించాలని, విద్యార్థులను భయభ్రాంతులకు గురిచేయకుండా చూడాలని పోలీసులను కూడా ఎమ్మెల్సీ కోరారు. మారికవలస APTWR Boys Schoolను రద్దు చేసే ఆలోచనను ప్రభుత్వం వెంటనే విరమించుకోవాలని, 480 మంది గిరిజన విద్యార్థుల విద్యను ఇక్కడే కొనసాగించాలని రవిబాబు డిమాండ్ చేశారు. సెంటర్ ఆఫ్ ఎక్సలెన్స్ ఏర్పాటు చేయాలనుకుంటే ప్రత్యామ్నాయ భవనం లేదా స్థలాన్ని ఏర్పాటు చేయాలని సూచించారు. ఈ కార్యక్రమంలో రాష్ట్ర, జిల్లా గిరిజన సంక్షేమ శాఖ అధికారులు, పాఠశాల ప్రిన్సిపాల్, సిబ్బంది, విద్యార్థుల తల్లిదండ్రులు, విద్యార్థులు తదితరులు పాల్గొన్నారు.

P PRASANTH

పెద బయలు, అల్లూరి సీతారామ రాజు, ఆంధ్రప్రదేశ్•

19 hrs ago

మారికవలస గిరిజన పాఠశాలను రద్దు చేస్తే ఊరుకునేది లేదు: ఎమ్మెల్సీ డా. కుంభా రవిబాబు విశాఖపట్నం (మారికవలస): ఉత్తరాంధ్ర గిరిజన విద్యార్థులకు కీలకమైన మారికవలస APTWR School (EM) Boys‌ను రద్దు చేసే ప్రయత్నాలను ప్రభుత్వం వెంటనే విరమించుకోవాలని వైఎస్సార్ కాంగ్రెస్ పార్టీ ఎమ్మెల్సీ డా. కుంభా రవిబాబు డిమాండ్ చేశారు. 480 మంది గిరిజన విద్యార్థుల భవిష్యత్తుతో చెలగాటం ఆడితే చూస్తూ ఊరుకునేది లేదని ఆయన హెచ్చరించారు. మారికవలస APTWR పాఠశాలలో నిర్వహించిన స్కూల్ పేరెంట్స్ కమిటీ సమావేశానికి ఎమ్మెల్సీ హాజరై విద్యార్థుల తల్లిదండ్రులతో సమావేశమయ్యారు. పాఠశాలను యథావిధిగా కొనసాగించాలని తల్లిదండ్రులు ఏకగ్రీవంగా తీర్మానించారు. ఈ సందర్భంగా రవిబాబు మాట్లాడుతూ, ఆదివాసీ విద్యార్థులకు నాణ్యమైన ఇంగ్లీష్ మీడియం విద్య అందించాలనే ఉద్దేశంతో 2004లో ఏర్పాటు చేసిన ఈ పాఠశాలను అర్ధంతరంగా రద్దు చేయడం సరికాదన్నారు. సెంటర్ ఆఫ్ ఎక్సలెన్స్ ఏర్పాటు చేయడాన్ని తాము వ్యతిరేకించడం లేదని, అయితే దాని కోసం 480 మంది విద్యార్థులు చదువుతున్న పాఠశాలను మూసివేయడం మాత్రం అంగీకరించబోమని స్పష్టం చేశారు. సెంటర్ ఆఫ్ ఎక్సలెన్స్ కోసం వేపగుంట సమీపంలో ఖాళీగా ఉన్న యూత్ ట్రైనింగ్ సెంటర్‌ను వినియోగించుకోవచ్చని, లేదంటే ప్రత్యామ్నాయ భవనం లేదా స్థలాన్ని ఏర్పాటు చేసి అక్కడ సెంటర్‌ను నిర్వహించాలని ప్రభుత్వానికి సూచించారు. మారుమూల గిరిజన ప్రాంతాల నుంచి ప్రతిభతో సీట్లు సాధించి విశాఖ నగరంలో చదువుకోవాలనుకునే విద్యార్థులకు మారికవలస పాఠశాల గొప్ప అవకాశమని ఆయన అన్నారు. ఈ పాఠశాలలో చదివిన అనేక మంది విద్యార్థులు ఉన్నత విద్యను అభ్యసించి ఉన్నత స్థానాలకు చేరుకున్నారని

గుర్తుచేశారు. 5వ తరగతి నుంచి 10వ తరగతి వరకు చదువుతున్న విద్యార్థులను ఇతర ప్రాంతాలకు తరలించే నిర్ణయాన్ని వెంటనే ఉపసంహరించుకోవాలని డిమాండ్ చేశారు. ముఖ్యంగా 10వ తరగతి విద్యార్థులను విద్యా సంవత్సరం మధ్యలో ఇతర పాఠశాలలకు తరలిస్తే వారి చదువుపై తీవ్ర ప్రభావం పడుతుందని ఆందోళన వ్యక్తం చేశారు. విద్యార్థులకు బలవంతంగా TCలు ఇవ్వడం సరికాదని అన్నారు. ఈ అంశంపై ట్రైబల్ వెల్ఫేర్ డిపార్ట్మెంట్ ప్రిన్సిపల్ సెక్రటరీతో పాటు ఉన్నతాధికారులతో దాదాపు గంటసేపు చర్చించినట్లు రవిబాబు తెలిపారు. పాఠశాలను రద్దు చేయకుండా ప్రత్యామ్నాయ భవనంలో సెంటర్ ఆఫ్ ఎక్సలెన్స్ ఏర్పాటు చేయాలని అధికారులను కోరినట్లు చెప్పారు. అనంతరం విద్యార్థులు ఎమ్మెల్సీని కలిసి తమ పాఠశాలను రద్దు చేయకుండా ఇక్కడే చదువుకునేలా చూడాలని విజ్ఞప్తి చేశారు. విద్యార్థులకు ధైర్యం చెబుతూ భయపడాల్సిన అవసరం లేదని, వారి చదువు కొనసాగేందుకు తల్లిదండ్రులు, గిరిజన ప్రజా సంఘాల నాయకులతో కలిసి కృషి చేస్తామని భరోసా ఇచ్చారు. విద్యార్థుల్లో భయాందోళనలు కలిగించకుండా పాఠశాల యాజమాన్యం బాధ్యతగా వ్యవహరించాలని, విద్యార్థులను భయభ్రాంతులకు గురిచేయకుండా చూడాలని పోలీసులను కూడా ఎమ్మెల్సీ కోరారు. మారికవలస APTWR Boys Schoolను రద్దు చేసే ఆలోచనను ప్రభుత్వం వెంటనే విరమించుకోవాలని, 480 మంది గిరిజన విద్యార్థుల విద్యను ఇక్కడే కొనసాగించాలని రవిబాబు డిమాండ్ చేశారు. సెంటర్ ఆఫ్ ఎక్సలెన్స్ ఏర్పాటు చేయాలనుకుంటే ప్రత్యామ్నాయ భవనం లేదా స్థలాన్ని ఏర్పాటు చేయాలని సూచించారు. ఈ కార్యక్రమంలో రాష్ట్ర, జిల్లా గిరిజన సంక్షేమ శాఖ అధికారులు, పాఠశాల ప్రిన్సిపాల్, సిబ్బంది, విద్యార్థుల తల్లిదండ్రులు, విద్యార్థులు తదితరులు పాల్గొన్నారు.