నాచారం–మల్లాపూర్‌లో సీసీ కెమెరా నిఘా మరింత బలోపేతం _ 50 హెచ్చరిక బోర్డుల ఏర్పాటు.. రిపేర్‌లో ఉన్న కెమెరాల మరమ్మతులకు చర్య నాచారం, మల్లాపూర్ ప్రాంతాల్లో భద్రతా చర్యలను మరింత కట్టుదిట్టం చేస్తూ “మీరు సీసీ కెమెరా నిఘాలో ఉన్నారు” అనే హెచ్చరిక బోర్డులను మొత్తం 50 చోట్ల ఏర్పాటు చేశారు. ఈ కార్యక్రమాన్ని నాచారం ఎస్‌హెచ్‌ఓ ధనంజయ్ ఆధ్వర్యంలో చేపట్టారు.ప్రజల్లో భద్రతా భావన పెంపొందించడం, నేరాలను అరికట్టడం లక్ష్యంగా ఈ చర్యలు చేపట్టినట్లు పోలీసులు తెలిపారు. ప్రధాన రహదారులు, కాలనీలు, వ్యాపార ప్రాంతాలు మరియు రద్దీ కూడళ్ల వద్ద ఈ బోర్డులను ఏర్పాటు చేశారు.అలాగే, నాచారం పోలీస్ స్టేషన్ పరిధిలో రిపేర్‌లో ఉన్న సీసీ కెమెరాలను గుర్తించి వాటి మరమ్మతు పనులను కూడా వేగవంతం చేస్తున్నట్లు అధికారులు వెల్లడించారు. సీసీ కెమెరాల ద్వారా ప్రాంతంలో జరిగే అనుమానాస్పద కదలికలను పర్యవేక్షించి నేరాలను నియంత్రించేందుకు ప్రత్యేక దృష్టి సారిస్తున్నట్లు పేర్కొన్నారు.చట్టవిరుద్ధ కార్యకలాపాలకు పాల్పడే వారిపై కఠిన చర్యలు తీసుకుంటామని పోలీసులు హెచ్చరించారు. ప్రజలు కూడా తమ పరిసరాల్లో అనుమానాస్పద వ్యక్తులు లేదా ఘటనలు గమనించిన వెంటనే పోలీసులకు సమాచారం అందించాలని కోరారు.

Suresh Sagar

కాప్రా, మేడ్చల్ మల్కాజ్‌గిరి, తెలంగాణ•

3 hrs ago

నాచారం–మల్లాపూర్‌లో సీసీ కెమెరా నిఘా మరింత బలోపేతం _ 50 హెచ్చరిక బోర్డుల ఏర్పాటు.. రిపేర్‌లో ఉన్న కెమెరాల మరమ్మతులకు చర్య నాచారం, మల్లాపూర్ ప్రాంతాల్లో భద్రతా చర్యలను మరింత కట్టుదిట్టం చేస్తూ “మీరు సీసీ కెమెరా నిఘాలో ఉన్నారు” అనే హెచ్చరిక బోర్డులను మొత్తం 50 చోట్ల ఏర్పాటు చేశారు. ఈ కార్యక్రమాన్ని నాచారం ఎస్‌హెచ్‌ఓ ధనంజయ్ ఆధ్వర్యంలో చేపట్టారు.ప్రజల్లో భద్రతా భావన పెంపొందించడం, నేరాలను అరికట్టడం లక్ష్యంగా ఈ చర్యలు చేపట్టినట్లు పోలీసులు తెలిపారు. ప్రధాన రహదారులు, కాలనీలు, వ్యాపార ప్రాంతాలు మరియు రద్దీ కూడళ్ల వద్ద ఈ బోర్డులను ఏర్పాటు చేశారు.అలాగే, నాచారం పోలీస్ స్టేషన్ పరిధిలో రిపేర్‌లో ఉన్న సీసీ కెమెరాలను గుర్తించి వాటి మరమ్మతు పనులను కూడా వేగవంతం చేస్తున్నట్లు అధికారులు వెల్లడించారు. సీసీ కెమెరాల ద్వారా ప్రాంతంలో జరిగే అనుమానాస్పద కదలికలను పర్యవేక్షించి నేరాలను నియంత్రించేందుకు ప్రత్యేక దృష్టి సారిస్తున్నట్లు పేర్కొన్నారు.చట్టవిరుద్ధ కార్యకలాపాలకు పాల్పడే వారిపై కఠిన చర్యలు తీసుకుంటామని పోలీసులు హెచ్చరించారు. ప్రజలు కూడా తమ పరిసరాల్లో అనుమానాస్పద వ్యక్తులు లేదా ఘటనలు గమనించిన వెంటనే పోలీసులకు సమాచారం అందించాలని కోరారు.