મુહર્રમ તહેવારના સિલસિલામાં સુરત શહેરમાં નીકળનારા તાજિયા જુલૂસને લઈને લિંબાયત પોલીસ સ્ટેશનમાં શાંતિ સમિતિની એક મહત્વપૂર્ણ બેઠક યોજાઈ હતી. આ બેઠકમાં મોટી સંખ્યામાં પોલીસ અધિકારીઓ, વિવિધ સમુદાયોના નેતાઓ અને સામાજિક અગ્રણીઓ ઉપસ્થિત રહ્યા હતા.

સુરત જિલ્લા પોલીસ દ્વારા "તેરા તુજકો અર્પણ કાર્યક્રમ"નું આયોજન કરવામાં આવ્યું હતું. આ કાર્યક્રમ અંતર્ગત, ચોરી થયેલા તેમજ ગુમ થયેલા કુલ 222 મોબાઈલ ફોન તેમના મૂળ માલિકોને પરત કરવામાં આવ્યા હતા, જેમની કુલ કિંમત 42 લાખ રૂપિયા આંકવામાં આવી છે.

ગુજરાતના નાયબ મુખ્યમંત્રી હર્ષ સંઘવીએ એક ખાનગી કાર્યક્રમમાં વેપારીઓને સંબોધિત કર્યા હતા. આ પ્રસંગે નાયબ મુખ્યમંત્રીએ ઉદ્યોગપતિઓને ભરોસો અપાવતા જણાવ્યું હતું કે, જો તેઓ વેપાર વધારવા માટે એક કદમ આગળ વધારશે, તો રાજ્ય સરકાર તેમની સાથે 10 કદમ આગળ ચાલવા માટે તૈયાર છે.

સુરતનું સરથાણા અને મોટા વરાછા વિસ્તાર ડુપ્લિકેટિંગના હબ બન્યા છે. સુરતમાં નકલી શેમ્પુ અને વોશિંગ પાવડર પકડાયા બાદ હવે નકલી સાબુનું મોટું રેકેટ પણ ઝડપાયું છે. સરથાણામાં જાણીતી બ્રાન્ડના સાબુ બનાવતી એક બનાવટી ફેક્ટરીનો પર્દાફાશ કરવામાં આવ્યો છે. યામી શોપ પ્રાઇવેટ લિમિટેડના ઓથોરાઈઝ્ડ પર્સન અને પોલીસે સંયુક્ત રીતે સૂર્યોદય રો હાઉસમાં છાપો માર્યો હતો, જ્યાંથી ડુપ્લિકેટ સાબુનો જથ્થો મળી આવ્યો હતો. પોલીસે સાબુ બનાવવા માટે વપરાતી ડાઈ, બનાવટી સાબુ, સ્ટીકર અને કવર સહિત કુલ ₹6.67 લાખની મત્તા કબજે કરી છે. આ પ્રકરણમાં 10 વેબસાઇટ પરથી સાબુ મંગાવવામાં આવ્યા હતા અને તેના બદલે ડુપ્લિકેટ સાબુ મોકલવામાં આવ્યા હોવાનું સામે આવ્યું છે. પોલીસે કારખાનેદારની ધરપકડ કરીને વધુ કાર્યવાહી હાથ ધરી છે.

સુરતના યોગી ચોક વિસ્તારમાં સ્પા અને હેર સલૂનની ​​આડમાં ચાલતા વેશ્યાવૃત્તિના રેકેટનો સારથાણા પોલીસે પર્દાફાશ કર્યો છે. પોલીસે દરોડા પાડીને ઘટનાસ્થળેથી મહિલાઓને બચાવી લીધી હતી અને આ કેસમાં ત્રણ આરોપીઓની ધરપકડ કરી છે.

પુણે વિસ્તારમાં આવેલા આઈમાતા રોડ પર મોડી રાત્રે એક ઘટના બની હતી, જ્યાં રસ્તા પર ચાલી રહેલી એક ક્રેન અચાનક દીવાલ સાથે અથડાઈ ગઈ.

સુરત શહેરની રાંદેર પોલીસે એક નોંધપાત્ર કામગીરી કરીને છેલ્લા 31 વર્ષથી ફરાર આરોપી શ્રીચંદ રામદયાલ શાહને ઉત્તર પ્રદેશના બાંદા જિલ્લામાંથી ઝડપી પાડ્યો છે. આ સફળતા “ઓપરેશન કારાવાસ” અંતર્ગત મળી છે. આરોપી વર્ષ 1985ના નોકર ચોરીના ગુનામાં નાસતો ફરતો હતો અને મૂળ ઉત્તર પ્રદેશનો રહેવાસી છે. આ સમગ્ર કામગીરી સુરત શહેર પોલીસ કમિશનર શ્રી અનુપમસિંહ ગેહલોતના માર્ગદર્શન હેઠળ, એડિશનલ પોલીસ કમિશનર સેક્ટર-2 શ્રી મહેન્દ્ર બગડિયા, નાયબ પોલીસ કમિશનર ઝોન-5 શ્રી લબધીરસિંહ ઝાલા તથા એસીપી "ડી" ડિવિઝન શ્રી મિલન મોતીની સૂચના અનુસાર કરવામાં આવી હતી. પોલીસ ઇન્સ્પેક્ટર ટી.બી. પંડ્યા, પી.આઈ. યુ.બી. જોગરાણા અને પી.એસ.આઈ. બી.જે. વસાવા સહિતની ટીમે મળેલી બાતમીના આધારે તપાસ હાથ ધરી આરોપીને પકડી પાડી કોર્ટના વોરંટ મુજબ કાયદેસરની કાર્યવાહી કરી છે. રાંદેર પોલીસની આ પ્રશંસનીય અને સફળ કામગીરી બદલ સુરત શહેર પોલીસ ટીમની વ્યાપક પ્રશંસા થઈ રહી છે.

સુરતમાં સિમ્પલ એનર્જી દ્વારા ગુજરાતનો પ્રથમ નેક્સ્ટ-જનરેશન સ્ટોર શરૂ કરવામાં આવ્યો છે. આ સ્ટોરનું ઉદ્ઘાટન ડેપ્યુટી ચીફ મિનિસ્ટર હર્ષ સંઘવીની હાજરીમાં થયું હતું. આ નવા સ્ટોરમાં 3S (સેલ્સ, સર્વિસ અને સ્પેર્સ) સુવિધા સાથે એક આધુનિક સર્વિસ સેન્ટર પણ કાર્યરત કરવામાં આવ્યું છે. ગ્રાહકો માટે 400 કિલોમીટરની રેન્જ ધરાવતું નવું "સિમ્પલ અલ્ટ્રા" સ્કૂટર ઉપલબ્ધ કરાયું છે, જ્યારે સિમ્પલ વન Gen 2 અને સિમ્પલ વનS Gen 2 મોડલ્સનું વેચાણ પણ શરૂ કરવામાં આવ્યું છે. ગ્રાહકોને ટેસ્ટ રાઈડ, સર્વિસ અને એસેસરીઝ જેવી સુવિધાઓ એક જ સ્થળેથી મળી રહેશે. હાલમાં, સિમ્પલ એનર્જી દેશભરના 39 શહેરોમાં 73 આઉટલેટ્સ સાથે પોતાનું વિસ્તરણ અભિયાન પૂરજોશમાં ચલાવી રહી છે. કંપની આગામી સમયમાં રાંચી અને ભુવનેશ્વર સહિતના નવા શહેરોમાં પણ પ્રવેશ કરવાની યોજના ધરાવે છે. સુરતમાં શરૂ થયેલા આ સ્ટોર સાથે પશ્ચિમ ભારતમાં સિમ્પલ એનર્જીની રિટેલ ગ્રોથ વધુ મજબૂત બનશે તેવી અપેક્ષા છે.

સુરત જિલ્લામાં મોરાથી સુરત જતા માર્ગ પર રિલાયન્સ નં. 1 નજીક મોડીરાત્રે એક કાર અને ભારે વાહન (ટ્રક) વચ્ચે ગંભીર અકસ્માત સર્જાયો હતો. આ દુર્ઘટનામાં કારને મોટું નુકસાન થયું હોવાનું ઘટનાસ્થળેથી મળતી માહિતી મુજબ જાણવા મળે છે, જે ખરેખર ચિંતાજનક છે. આ ભયાવહ અકસ્માતની જાણ થતાં જ સ્થાનિક લોકો તરત સ્થળ પર દોડી આવ્યા હતા. જોકે, અકસ્માતનું ચોક્કસ કારણ અને તેમાં થયેલી જાનહાનિ અંગેની કોઈ સત્તાવાર માહિતી હજુ સુધી પ્રાપ્ત થઈ નથી. આ સમગ્ર ઘટના અંગે પોલીસ દ્વારા વધુ તપાસ હાથ ધરવામાં આવી રહી છે.